konka coffee
KONKA

AMAKURU

UKWEZI

Umugabo yatawe muri yombi akurikiranyweho guhiga no kwica inyamaswa muri Pariki

Umugabo yatawe muri yombi akurikiranyweho guhiga no kwica inyamaswa muri Pariki
24-04-2018 saa 08:39' | By Akayezu Jean de Dieu | Yasomwe n'abantu 1872 | Ibitekerezo 2

Polisi y’u Rwanda yafatanye rushimusi witwa Barushyihana Pontien inyama, impu n’imitwe by’ ifumberi eshatu n’icyondi yishe muri Pariki ya Ngungwe abiteze imitego mu gice cyaryo cyo mu murenge wa Bweyeye, mu karere ka Rusizi.

Umuvugizi wa Polisi mu Ntara y’Iburengerazuba, Chief Inspector of Police (CIP) Innocent Gasasira yavuze ko uyu mugabo w’imyaka 35 y’amavuko yafatiwe mu kagari ka Nyamuzi ku wa 22 Mata uyu mwaka.

Yagize ati "Polisi yabonye amakuru ko hari abantu bica inyamaswa muri iyi Pariki baziteze imitego; hanyuma ifata ingamba zo kubafata no gukumira ko ibyo bikorwa byakongera. Ni muri urwo rwego ku cyumweru yafatanye uriya rushimusi inyama z’izo nyamaswa n’ibindi bizikomokaho imushyikiriza Urwego rw’Igihugu cy’Ubugenzacyaha."

Yashimye abahaye Polisi amakuru yerekeranye n’ibikorwa byo guhiga no kwica inyamaswa muri Pariki ya Nyungwe; aburira ababikora abibutsa ko ari icyaha; abagira inama yo kubicikaho.

CIP Gasasira yibukije ko Pariki z’Igihugu n’ibizirimo byose ari umutungo w’Igihugu ugifitiye akamaro n’abagituye; bityo asaba buri wese kwirinda kuzangiza cyangwa kwica inyamaswa zirimo;ndetse akangurira buri Muturarwanda gutanga amakuru ku gihe igihe cyose abonye umuntu urimo kubikora.

Na none kandi muri Mutarama uyu mwaka Polisi y’u Rwanda yafatanye ba rushimusi batatu inyama, impu n’imitwe by’ifumberi ebyiri bishe muri Pariki ya Nyungwe baziteze imitego; icyo gikorwa ikaba yaragikoze ifatanyije n’Ikigo cy’Igihugu cy’Iterambere (Rwanda Development Board).

Yasabye abatuye Intara y’Iburengerazuba kuba abafatanyabikorwa mu gukumira ibyaha; aha akaba yaribukije ko icyo buri wese asabwa ari ukubyirinda no gutanga amakuru ku gihe atuma inzego zibishinzwe zibikumira

Umuntu utwika, utema cyangwa utemesha ibiti n’uwica inyamaswa mu mashyamba arinzwe, mu byanya birinzwe no muri Pariki z’Igihugu ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda kuva ku bihumbi magana atatu (300.000) kugeza kuri miliyoni ebyiri (2.000.000) cyangwa kimwe gusa muri ibyo bihano nk’uko biteganywa n’Ingingo ya 416 y’Igitabo cy’Amategeko ahana ibyaha mu Rwanda.


INKURU ZA :
Tanga Igitekerezo
Ibitekerezo 2
bana Kuya 24-04-2018

inyamaswa zomwishyamba zahawe agaciro ariko izibana nabantu zahuye nuruvagusenya zicwa burimunsi ihene intama inka ingurube zicwa burimunota police nizivugire nazo kbsa

bana Kuya 24-04-2018

inyamaswa zomwishyamba zahawe agaciro ariko izibana nabantu zahuye nuruvagusenya zicwa burimunsi ihene intama inka ingurube zicwa burimunota police nizivugire nazo kbsa

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...