AMAKURU

UKWEZI
ubumwe

Gen. Bosco Ntaganda yahamijwe ibyaha 18 birino no gufata abagore ku ngufu

Gen. Bosco Ntaganda yahamijwe ibyaha 18 birino no gufata abagore ku ngufu
8-07-2019 saa 12:52' | By Nsanzimana Ernest | Yasomwe n'abantu 1234 | Ibitekerezo

Urukiko Mpuzamahanga Mpanabyaha ICC rumaze guhamya Gen. Jean Bosco Ntaganda wari umuyobozi w’ inyeshyamba muri Repubulika ya Demukarsi ya Kongo ibyaha 18 birimo ibyaha by’ intambara n’ ibyaha byibasiye inyokomuntu.

Ntaganda w’ imyaka 45 yahamijwe ko inyeshyamba yari ayoboye zakoze ubwicanyi ndengakamerero muri Kongo ahitwa Ituri agace gakungahaye ku mabuye y’ agaciro ariko kadasibamo imirwano. Ibyaha aregwa byabaye muri 2002 na 2003. Igihano cye ntabwo kiratangazwa.

Abashinjacyaha bagaragarije urukiko rwa ICC ingingo kuyindi ibikorwa biteye ubwoba by’ iyicarubozo byagiye bikorerwa abaturage. Uru rubanza rumaze imyaka 3 ruburanishirizwa I Haye.

Ntaganda yumvikanye abwira abacamanza ko ari umusirikare atari umunyabyaha, ndetse ko izina Terminator rivuga umwicanyi ruharwa ahabwa ritamukwiriye.

Ntaganda aregwa ibyaha 13 by’ intambara na bitanu byibasiye inyokomuntu. Ibi byaha byakorewe mu majyaruguru ashyira uburasirazuba bwa Kongo.

Imiryango iharanira uburenganzira bwa muntu ivuga ko imirwano y’ inyeshyamba za Ntaganda yahitanye abantu ibihumbi 60 000 kuva mu 1999 kugera muri 2003.

Umwaka ushize Ntaganda yabwiye ICC ko ibyaha aregwa ari ibinyoma. Ati “Ndi Umuharanizi w’ impinduka sindi umunyabyaha”.

Muri 2002, Ntaganda yari Komanda w’ ingabo z’ ishyaka UPC, Union of Congolese Patriots ryaharaniraga ko ubwoko bw’ Abahema burimbura Abahendu. Aya moko ni ayo mu cyahoze ari akarere ka Ituri.

Abashinjacyaha bavuze ko Ntaganda ariwe yateguraga ibikorwa by’ inyeshyamba za UPC, zitwa Patriotic Forces for the Liberation of Congo (FPLC).

Abashinjacyaha bavuga ko FPLC yishe nibura abaturage 800.

Gen. Ntaganda kandi aregwa ko ari mubashinzwe umutwe wa M23 waje gutsindwa n’ ingabo za Kongo FARDC mu mwaka wa 2013.

Ntaganda wavukiye mu Rwanda mu 1973 yakuriye muri Repubulika ya Demukarasi ya Kongo. Inzobere z’ Umuryango w’ abibumbye zimushinja gusahura umutungo mwinshi wiganjemo amabuye y’ agaciro.

Muri 2013, Gen. Ntaganda niwe ubwe wishyikirije ICC. Yagiye muri ambasade y’ Amerika iri mu Rwanda abasaba ko bamushyikiriza urukiko rwa ICC.

Ntaganda ni umwe mu bayobozi 5 b’ inyeshyamba zo muri Kongo bashyikirijwe uru rukiko rwa ICC rwashyizweho muri 2002 ngo ruge ruca imanza ku byaha bikomeye biregwa abantu bakomeye mu Isi.

Muri 2012, Thomas Rubanga nawe wayoboye FPLC yakatiwe imyaka 12 y’ igifungo.

ICC ishinjwa na bamwe mu bayobozi ba Afurika ko mu kazi kayo ibogama kuko nta muyobozi utari Umunyafurika iracira urubanza.

Ntaganda mu byaha aregwa harimo gufata abagore ku ngufu, ubwicanyi, kwinjiza abana mu gisirikare n’ ibindi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...