AMAKURU

UKWEZI

Ibyo biga mu ishuri babyiboneye n’amaso ku Rwibutso rwa Jenoside ku Gisozi

Ibyo biga mu ishuri babyiboneye n’amaso ku  Rwibutso rwa Jenoside ku Gisozi
2-10-2018 saa 08:30' | By Muhizi Olivier | Yasomwe n'abantu 788 | Ibitekerezo

Abanyeshuri biga ku ishuri ryisumbuye rya Kabarondo mu Karere ka Kayonza basuye Urwibutso rwa Jenoside rwa Kigali ku Gisozi, basobanurirwa amavu n’amavuko ya Jenoside yakorewe Abatutsi muri Mata 1994 yahitanye abasaga Miliyoni mu gihe cy’iminsi 100.

Ku wa Gatanu tariki 28 Nzeri 2018, nibwo abanyeshuri bari kumwe n’abayobozi babo basuye ibice bitandukanye biri mu rwibutso rwa Jenoside ku Gisozi ahari imibiri y’abazize Jenoside irenga ibihumbi 25 , bibonera bimwe mu bikoresho gakondo byakoreshwaga hicwa Abatutsi, ndetse banasobanurirwa amavu n’amavuko ya Jenocide.

Abanyeshuri biga mu mwaka wa mbere basuye uru rwibutso, batangaje ko nyuma yo guhabwa isomo rirebana na Jenoside bakongeraho gusura urwibutso, ngo byabafashije kurushaho gusobanukirwa, ndetse no kumenya byimbitse ingaruka yateye u Rwanda .

Bamwe mu banyeshuri baganiriye n’ikinyamakuru Ukwezi bakimara gusura uru rwibutso bagaragaje ko gahunda yo gusura urwibutso bakaganirizwa ku mateka ari nziza kuko bibafasha kumenya byinshi batari bazi.

iUwitwa Deborah ufite imyaka 13yagize ati ”Mu ishuri twize isomo rivuga kuri Jenoside yo mu Rwanda, ubwo twarimo kuryiga batubwiraga ko tuzasura urwibutso maze tukareba ibyiciro Jenoside yakozwemo. Ubu nabibonye, nabonye uko yakozwe n’ibikoresho byakoreshwaga cyane cyane ibya gakondo."

Abanyeshuri biga mu mwaka wa mbere nibo batemberejwe Urwibutso rwa Jenoside rwa Kigali ku Gisozi

Akomeza avuga ko ibyo yabonye ku rwibutso byamusigiye isomo rikomeye, akaba yiyemeje kuzatanga umusanzu we mu guharanira ko itazongera kubaho ukundi haba mu Rwanda no ku isi yose.

Aba banyeshuri bahuriza ku kuba bababajwe cyane n’uburyo abana bagenzi babo bishwe urubozo muri Jenoside kandi bari inzirakarengane .

Umuyobozi w’ishuri ryisumbuye rya Kabarondo Theresphore Ninahazimana avuga ko iyi gahunda igamije kwereka abana ukuri, hanyuma yamara kukubona nawe akajya kwigisha abandi ndetse akanaboneraho guhindura ababyeyi bagifite ingengabitekerezo ya Jenoside.

Ati ”Mu ngo aho abana batuye baganirizwa byinshi. Niyo mpamvu natwe twereka umwana ukuri, tukahamugeza kandi tukamusaba no kuzajya kuganirira ababyeyi kubyo yabonye."

Aba banyeshuri banashyize indabo ku mva zishyinguyemo imibiri y’inzirakarengane zazize Jenoside


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...