AMAKURU

UKWEZI
ubumwe

Kamonyi: Abana 7 batawe na nyina inzu yabasenyukiyeho

Kamonyi: Abana 7 batawe na nyina inzu yabasenyukiyeho
27-06-2019 saa 09:54' | | Yasomwe n'abantu 1363 | Ibitekerezo 3

Abana Barindwi bava inda imwe , batawe na nyina se amaze gufungwa, bavuga ko babayeho mu buzima busharira bwo kwirera, bakaba basaba ubufasha Leta bwo kuba babanza gukurwa mu cyiciro cya Gatatu yabashyizemo, kikaba kibabera inzitizi yo kugira icyo bagenerwa nk’abandi batishoboye.

Udahemuka Eulade utuye mu Karere ka Kamonyi, Umurenge wa Runda, Akagari ka Gihara mu Mudugudu wa Kabasanza, ubu afite imyaka 21, yarangije amashuri yisumbuye umwaka ushize, akaba ariwe urera abana Barindwi barimo barumuna be babiri ndetse na bashiki be bose Bane.

Mu buhamya yahaye Bwiza.com, yavuze ko yatangiye kugira inshingano zo kurera abana bagenzi be ku myaka 17, ubwo umubyeyi wabo bari bafite (nyina) yabataga akagenda se amaze gufungwa, none ubu bakaba batazi icyerekezo cye.

Eulade ati “Mfite imyaka 21, ndi umupapa w’umwana urera abandi batandatu nanjye wa karindwi , natangiye izi nshingano niga mu mwaka wa Kane , nibwo nkiragiza kwiga mu mashuri yisumbuye, ukuntu ndera abana biragoye , njya gupagasa, mu by’ukuri uretse Imana yonyine ibimfashamo ariko biragoye.”

Twarabyutse dusanga Mama yagiye

Uyu mwana urera abandi, avuga ko babyutse bagasanga nyina yagiye, atakiri muri urwo rugo. Basigaye mu nzu ya bonyine nayo yaje gusenyuka mu mvura yaguye umwaka ushize wa 2018.

Eulade avuga ko ubuyobozi buzi iki kibazo bagize ariko ntacyo barabafasha kuko uwageze aho batuye ari umuyobozi w’Umudugudu ariko na we nta kindi yabafashije usibye ngo kubaza niba koko aribo bibabana.

Yatangarije Bwiza.com ko kugeza ubu, hari umugiraneza wabagobotse, akabafasha kwishyura inzu, kurya no kwishyurira umukobwa ugeze mu cyiciro cya kabiri cy’amashuli yisumbuye , ngo ni umunyamakuru Venuste Nshimiyimana, utuye mu Bwongereza, umufasha. Eulade akomeza avuga ko bakeneye ubufasha, ko no kwiga hari igihe barumuna be babura uko biga ndetse hari ibyo batabona.

Murebwayire Josiane, ni umwe muri aba bana, afite imyaka 15, ni umunyeshuri mu mashuri yisumbuye mu mwaka wa mbere. Avuga ko bimugora kwiga mu gihe atabona ibyangombwa byose nkenerwa ku ishuri no mu rugo.

Ati “Mbayeho nabi kubera ko nta babyeyi mfite, ibyo nkeneye byose si ko mbibona”. Umutesi Claudine ati “Ubuzima tubayemo buragoranye, icyo nkeneye sicyo mbona,…”.
Bwiza.com yabajije niba ntahandi bafite imiryango yagira icyo ibafasha cyangwa bakaba bajya kubayo maze batangaza ko bakibana na nyina yababwira ko nta muryango agira, abasobanurira ko umuryango we wishwe muri jenoside yakorewe Abatutsi, gusa ku ruhande rw’aho se avuka, ngo bo bariho ariko ntacyo babafasha.

Umunyamakuru Venuste Nshimiyimana abazwa na Bwiza.com uko yamenye abo bana, atangaza ko ari umuturanyi wabo witwa Jean Leonard Karuranga wamubwiye ikibazo cyabo. Agira ati “ Ni umugabo tumaranye hafi imyaka 30 turi inshuti, yambwiye ko bariya batagira epfo na ruguru. Namusabye kuvugana n’umukuru muri bo, Eulade ambwiye ukuntu ava kwiga akajya gukorera amafaranga yo gutunga barumuna be, numva ntakwirengagiza ijwi ry’urukundo. Nyuma naje kuvugana na buri mwana, bose mbazi amajwi n’amazina. Numva ari ugufasha Imana kubarera”.

Ku ruhande rwe, Eulade avuga ko kuba badafashwa biterwa n’uburangare bw’abayobozi babegereye. Ati “Ni uburangare bw’abayobozi bamwe na bamwe bo hasi, iki kibazo cyacu umuyobozi w’Umudugudu abaye yaragitanze ku Kagari, Akagari kakacyohereza ku Murenge, ntabwo wabura ubufasha waduha tukabona inzu tubamo,…”.

Akomeza avuga ko nawe ubwe yagiye ku kagari no ku murenge ariko kugeza ubu nta gisubizo na kimwe yabonye. Uyu musore akomeza avuga ko batunguwe cyane no kwisanga mu cyiciro cya Gatatu cy’ubudehe.

Venuste Nshimiyimana yabajijwe niba koko azakomeza kubafasha bariya bana, asubiza avuga ko yiteguye gufatanya n’ubuyobozi kugira ngo abana babone inzu yo guturamo. Ati “ Ubuyobozi bubahaye ikibanza hafi ya hariya batuye kubera ko ariho bafite abaturanyi babamenyereye kandi babakunda, bakabaha ibyagombwa bisabwa, ibindi twabikora tukabubakira. Ndetse n’igishushanyo mbonera cy’inzu, Jean Leonard Karuranga yaragikoze, hasigaye gusa kubona ubufasha bw’ubuyobozi bw’umudugudu, kandi turabyizeye, kubera ko ubuyobozi buzi ikibazo cyabo. Kurera ni ugufatanya, tuzabishobora”.
Kugeza ubu, aba bana bafashwa na Venuste bagakurikiranwa na Laurence Mukahigiro, ari nawe ufasha Venuste mu kwita kuri aba bana akamenya ibyo bakeneye, niwe ubagurira imyenda, akabaherekeza ku ishuli, akanibutsa icyo bakeneye, muri make, ni mushiki wabo.
Se w’aba bana yafunzwe mu 2009, nyina abata mu 2015. Uyu musore akora ibiraka hirya no hino agatunga barumuna be. Icyo asaba Leta ni ukumufasha kubona mituweli yabo, kubona inzu babamo n’ubundi bufasha buhabwa, uyu nawe akaba nta papa we agira , akaba afata Nshimiyimana nk’umubyeyi.
Ati “Turi mu kiciro cya Gatatu, ku ishuri batubwiye ko babafasha tubaye turi mu cya mbere. Ubuyobozi nibwo bwadushyize mu cya Gatatu, tukaba dusaba ubuyobozi kudufasha”.

Mugushaka kumenya icyo ubuyobozi bw’Umurenge bubivugaho Twagerageje kuvugana nabo dukoresheje telefone ntibitaba, ukwezi kurashize ndetse twohereje ubutumwa bugufi ntibabusubiza. Nitumenya icyo babitekerezaho, tuzabibagezaho


INKURU ZA :
Tanga Igitekerezo
Ibitekerezo 3
uwitonze Emmerence Kuya 28-06-2019

Byari kuba byiza iyomuduha numero yabo ya telefone ubishoboye akaba yabafasha.
Murakoze

Eddie Kuya 28-06-2019

Abo bayobozi batita ku banana nka bariya badafite kivurira basezeye ko ntacyo bamaze!

HAKUZIMANA Kuya 28-06-2019

ABO BAN BAKWIY GUFASHW NIBATANGIR UBWO BUFASH MUZATUMENYESHE NATWE DUFASH

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...