AMAKURU

UKWEZI

Rulindo:Ishyaka rya PL ryatangiye ibikorwa byo kwamamaza abakandida bazarihagararira mu Nteko

 Rulindo:Ishyaka rya PL ryatangiye ibikorwa byo kwamamaza abakandida bazarihagararira mu Nteko
14-08-2018 saa 09:58' | By Muhizi Olivier | Yasomwe n'abantu 747 | Ibitekerezo

Ishyaka riharanira ukwishyira ukizana kwa buri muntu PL ryatangije ibikorwa byo kwamamaza abakandida bazarihagararira mu Nteko Ishinga Amategeko, mu matora y’Abadepite azaba tariki ya 3 Nzeri 2018.

Kuri uyu wa Mbere tariki ya 13 Nzeri 2018, nibwo Ishyaka rya PL ryatangije ibikorwa byo kwamamaza abakandida bazayihagararira mu Nteko, igikorwa cyabereye mu murenge wa Base, akarere ka Rulindo, Intara y’Amajyaruguru, ahari hateraniye abantu benshi baje kumva imigabo n’imigambi by’iri shyaka.

Iki gikorwa kandi cyitabiriwe na Komite Nyobozi ya PL iyobowe na Nyakubahwa Mukabalisa Donatille Perezida w’Ishyaka ku rwego rw’Igihugu, abayobozi b’Ishyaka mu Ntara y’Amajyaruru bose,n’abandi barwanashyaka batandukannye.

Perezida wa PL Mukabalisa Donatille yashimiye abayoboke ba PL n’abaturage b’Intara y’Amajyaruguru muri rusange kuba baje ari benshi kwiyumvira imigabo n’imigambi by’Ishyaka Riharanira ukwishyira ukizana kwa buri muntu, anaboneraho kuzabashyigikira bakabahundagazaho amajwi.

Yakomeje abwira abitabiriye uyu muhango ko hakenewe ko ibyiciro by’ubudehe bisubirwamo ndetse n’imikoreshereze yabyo igahinduka, ibi bikaba ari bimwe mubyo iri shyaka ryazahindura riramutse rigiriwe icyizere rikabona imyanya mu Nteko.

Hon Donatille Mukabalisa Umuyobozi Mukuru w’iri shyaka yagize ati “Icyo twifuza ni uko ibyiciro by’ubudehe bitashingirwaho muri gahunda zindi kuko ubundi ibyiciro by’ubudehe ni ibirebana n’igenamigambi.Ubwo rero byari bikwiye gufasha mu buryo hakorwa igenamigambi ariko ntibishingirweho n’izindi gahunda zose nko gushyira abanyeshuri mu mashuri kuko gushyira umwana mu ishuri byari bikwiye gushingira ku bushobozi aho gushingira ku cyiciro cy’ubudehe arimo, n’izindi gahunda zitandukanye z’ubuzima.”

Yababwiye abaturage bo muri aka karere ko PL yiyemeje gukomeza gushyira imbere ihame ry’uburinganire bw’abagore n’abagabo hagamijwe kubaka umuryango kuko ari wo shingiro ry’ubukungu bw’Igihugu.

Yanavuze kandi ko PL izakomeza guharanira ko ikinyuranyo cy’ibigurwa mu mahanga n’ibyoherezwayo kigabanuka, u Rwanda rukarushaho gutera imbere rwagura imipaka mu bucuruzi.

Abantu baje gushyigikira PL ari benshi

Umuyobozi mukuru w’Ishyaka PL Hon. Mukabalisa yijeje Abanya-Rulindo impinduka mu byiciro by’ubudehe


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...