AMAKURU

UKWEZI
ubumwe

Rusizi: 29 bakoraga ubutekamutwe biyita ‘Abameni’ batawe muri yombi

Rusizi: 29 bakoraga ubutekamutwe biyita ‘Abameni’ batawe muri yombi
30-05-2019 saa 14:24' | By Nsanzimana Ernest | Yasomwe n'abantu 1845 | Ibitekerezo 8

Inzego z’ umutekano mu Rwanda zataye muri yombi abantu 29 bo mu karere ka Rusizi bakoraga ubutekamutwe biyita Abameni, abatawe muri yombi babeshyaga abaturage ko bafite zahabu ariko ari imitwe.

Uko ari 29 bafatiwe mu mu kwabo wazindukiye mu karere ka Rusizi kuri uyu wa 30 Gicurasi 2019. Abafashwe ni abagabo 28 n’ umukobwa umwe uvuga ko yabijyanywemo na se wabo.

Abo bantu bari bafite ibintu bibumbye mu mucanga n’ ibumba byanditseho 2000 grams, 1914, pure gold (zahabu y’ umwimerere yo mu 1914, ipima grama 2000).

Abo bateka mutwe amagambo yanditseho ubwabo bamwe muribo ntibazi kuyasoma nk’ uko byatangajwe na Radio Rwanda. Bavuga ko amayeri bakoreshaga ari ugufata telefone bakandikamo imibare 10 ya numero za telefone babona iciyemo bagahita bareba amazina ye bakoresheje Tigo cash.

Umwe mu bafashwe ati “Njyewe nafataga telefone ngashyiramo imibare 10, narangiza nkamureba kuri Tigo Cash, namara kubona amazina ye nkamuhamagara nti nirunaka tuvugana.”

Akomeza agira ati “Nkamubwira nti nari ngukeneye, hari akantu muzehe yabonye ari kubumba amatafari, nifuza ko wazaza ukandebera ako ariko”

Yavuze ko uwo bahamagaraga bamubwira uko gateye, bakanamwoherereza amagambo banditseho yaba ari umuntu uzi icyongereza agahita amenya icyo ayo magambo asobanura akajya kureba.

Uyu mugabo yavuze ko iyo umuntu bahamagaye yarebaga ako kantu akumva ashatse kukagura yabahaga amafaranga, yaba atagakunze akigendera.

Umwe mu bafashwe yavuze ko hari uwamuhaye ibihumbi 20, ahita afatamo ibihumbi 10 ajya kuvuza umugore andi ayaguramo ikibwana cy’ ingurube.

Umukobwa wari muri aba bantu biyita ‘Abameni’ yavuze ko se wabo yahamagaye umuntu akamubwira ko yabonye akantu, uwo muntu akaza amuhereza amafaranga, hanyuma uyu mukobwa akabona se wabo amwihereye ibihumbi 9. Uyu mukobwa ngo yaje kumenya imikorere y’ Abameni nawe abajyamo.

Abo batubuzi bose bavuga ko bicuza ibyo bakoze. Bagasaba abanyarwanda kuko bareba kure bakirinda ababashuka.

Icyaha cy’ ubwambuzi bushukana gikorwa mu buryo butandukanye burimo; kwiyitirira amazina atari yo ,kwiyitirira imirimo udafitiye ububasha,kwizeza undi ikiza ,no gutinyisha ko hari ikizaba kibi.

Abakora icyo cyaha baba bagamije kwambura undi imari ye yose cyangwa igice cyayo. Uhamwe n’iki cyaha, ahanishwa igifungo kuva ku myaka itatu (3) kugeza ku myaka itanu (5) n’ihazabu y’amafaranga y’u Rwanda kuva kuri miliyoni eshatu (3.000.000) kugeza kuri miliyoni eshanu (5.000.000).


INKURU ZA :
Tanga Igitekerezo
Ibitekerezo 8
Isaac hitimana Kuya 1-07-2019

Abo batekamutwe mubafunge nanjye bantwaye 920,000 imyaka 2ishije nibyo bicupa byabo ndacyabifite.

Hakizimana Emmy Kuya 30-06-2019

Yewe abo banyagwa bazengeje abantu kuko nange barampamageye knd nta mezi atatu ashize ark kuberako nari narumvise abandi ko bayabatwara nabamaganiye kure ark iyo nzubara baba barayajyanye

Hakizimana Emmy Kuya 30-06-2019

Yewe abo banyagwa bazengeje abantu kuko nange barampamageye knd nta mezi atatu ashize ark kuberako nari narumvise abandi ko bayabatwara nabamaganiye kure ark iyo nzubara baba barayajyanye

Diane Kuya 28-06-2019

Hhhhhh mbivuga ngo bacukuraga toilet kwa padiri ra!! Nanjye nti muyizane niba ariyo ndahita nyibagurishiriza hhhh

Diane Kuya 28-06-2019

Hhhhhh mbivuga ngo bacukuraga toilet kwa padiri ra!! Nanjye nti muyizane niba ariyo ndahita nyibagurishiriza hhhh

bigabo Kuya 31-05-2019

Abo batipe mubahambire nange barampapagaye umwaka us
hizebambwira ko ba Cyangugu ngo kuva i Rusizi ujya iwabo ni 3,000 Frw kuri Moto

uwamahoro naomi Kuya 30-05-2019

bigeze kumpamagara aba batekamutwe ndangije ndabatuka ndababwira nti mwakoresheje amaboko nubwenge bwanyu mugakira ntibongera

philos Kuya 30-05-2019

Burya koko iminsi y’umujura ni 40! aba bajura b’irusizi nanjye ntekeye umutwe gutyo bantwara ibihumbi magana atanu na telephone ifite agaciro ka 120’000frws. Muby’ukuri nararize ndihanagura ariko nyuma nibajije niba ababantu bakomeje gukora ubutekamutwe gutya byazagira ingaruka kuvanyarwanda benshi! Ndashima Imana ko yumvishe akababaro kanjye none ikaba isizi ibi bisambo kukarubanda! Gusa banyarwanda murabe maso kuko abatekamutwe baragwiriye ! njyewe nabonye isomo! Leta yacu ikomereze aho n’abandi bameze nkabo bafatwe bashyikirizwe ubutabera!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...