konka coffee
KONKA

AMAKURU

UKWEZI
ubumwe

Umubano w’u Rwanda na Uganda uzagenda neza - Dr Sezibera Richard

Umubano w’u Rwanda na Uganda uzagenda neza - Dr Sezibera Richard
5-03-2019 saa 10:17' | By Vincent Nsengiyumva | Yasomwe n'abantu 1531 | Ibitekerezo

Minisitiri w’Ububanyi n’Amahanga Dr Sezibera Richard yavuze ko n’ubwo hari ibibazo biri mu mubano w’u Rwanda na Uganda ngo hari guko9rwa iishoboka byose ngo habeho ibiganiro bareberee hamwer ibibazo bituma umubano uzamba, harebwe uburyo byakemuka maze ibihugu byongere bibane neza nk’ukjo byahoze.

Minisitiri Dr Sezibera yabigarutseho mu kiganiro kirambuye yagiranye n’abanyamakuru kuri uyu wa Kabiri tariki 5 Werurwe 2019.

Dr Sezibera avuga ko u Rwanda na Uganda bifitanye ibibazo bimaze imyaka ibiri, ashimangira ko u Rwanda ruhora rushaka ko ibyo bibazo byarangira umubano ukongera kuba nta makemwa.

Ati “Ntabwo ibibazo dufitanye aribwo bigitangira, ni ibibazo bimaze hafi imyaka ibiri biganirwaho mu nzego zinyuranye . Ni ibibazo 3 turimo gushakira umuti.”

Akomeza avuga ko n’ubwo Uganda isabwa gukemura iki kibazo igakomeza guterera agate mui ryinyo, ngo u Rwanda rwizeye ko bizakemurwa binyuze mu biganiro cyane ko rutifuza ko ibihugu mbyombi byakomeza kurebana ay’ingwe.

Yagize ati “Iby’umubano na Uganda uzagenda neza. Harimo ibibazo ubu ngubu ariko tuzi neza ko uzagenda neza. Turi abaturanyi burya iyo abantu baturanye ntibaburana utubazo. Turimo kubiganiraho tuziko bizagenda neza.”

Minisitiri Dr Sezibera agaragaza ko hari ibibazo bitatu by’ingutu biterwa na Uganda biri ku isonga mu gutuma umubano w’ibihugu byombi ukomeza kuzamba.

Ati “Ikibazo cya mbere ni ikibazo cy’Abanyarwanda bakomeje guhohoterwa, bagafungwa, bakicwa urubozo bagafungirwa ahantu hatazwi muri Uganda. Ni ikibazo gikomeye. Tumaze kugira abantu 190 bafashwe muri ubwo buryo, kandi ni ikibazo kitarabonerwa umuti.”

Yavuze ko hari abafatwa nyuma bakazarekurwa barakorewe iyicarubozo ari intere bakahavana ubumuga.

Avuga ko u Rwanda rwagerageje kwegera Uganda mu kurusaba ko iki kibazo cyacyeemurwa ariko bigakomeza guhumira ku mirari.

Yakomeje avuga ko “Ikibazo cya 2 ni ikibazo cy’abantu bashaka guhungabanya umutekano w’u Rwanda barimo RNC na FDRL n’abandi bakorera ibikorwa byabo muri Uganda bakorana n’abayobozi ba Uganda .Ikibazo cya gatatu ni ibibazo abacuruzi bakorera muri Uganda cyangwa abahanyura bamburwa ibikorwa byabo.”

Minisitiri Sezibera akomeza asaba Abanyarwanda bakorera muri Uganda cyangwa abashaka kujya gutemberayo ko baba babihagaritse kugira ngo ibibazo bihari by’umutekano bibanze bibonerwe ibisubizo.

Dr Sezibera yahakanye iby’ingabo z’u Rwanda zongerewe ku mupaka wa Uganda

Hari amakuru yari amaze iminsi akwirakwira mu binyamakuru byo muri Ugandabivuga ko ingabo z’u Rwanda zigaragara cyane ku mipaka igabanya ibihugu byombi zitwaje intwaro zikomeye bisa n’aho zitegye intambara.

Dr Sezibera yabinyomoje avuga ko ikiriho ari uko igihugu kigomba gucunga umutekano wacyo nk’ibisanzwe.

Ati " Nta ngabo ziyongereye ku mupaka, oya. Ntabwo cyaba ikibazo , u Rwanda rufite uburenganzira bwo gushyira ingabo zarwo aho rushaka , aho rubona zikenewe, ariko nta ngabo ziyongereye ku mupaka, ibikorwa bya gisirikare n ’iby’umutekano birakomeza nk’ubusanzwe, Abanyarwanda bo bararinzwe bihagije ariko nta mpamvu zo kongera ingabo. Sinzi ababikwirakwije ariko ni ibihuha."

Nta mupaka w’u Rwanda ufunze ikiriho ni ibikorwa by’ubwubatsi biri ku wa Gatuna

Dr Sezibera yagarutse ku mupaka wa Gatuna avuga ko uheruka gufungwa kubera imirimo yo kuwusana, akuraho urujijo rw’abavuga ko wafunzwe.

Yagize ati "Nta mupaka n’umwee w’u Rwanda ufunze.Igihari ni ukubakwa k’umupaka wa Gatuna. Abahazi Gatuna uko hateye ni ahantu hafunganye ntabwo ari umupaka uhuriweho nk’ahandi twubaka nka Rusumo n’ahandi. Ibikorwa byo kubaka nizera ko bizuzura mu kwezi kwa Gatanu.”
Minisitiri w’Ububanyi n’Amahanga Dr Sezibera Richard mu kiganiro n’abanyamakuru


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...