konka coffee
KONKA

AMAKURU

UKWEZI
ubumwe

Umupfumu wavuze ko yaraguriye ‘Perezida w’ Abadepite ba Uganda’ akamwambura yabisabiye imbabazi

Umupfumu wavuze ko yaraguriye ‘Perezida w’ Abadepite ba Uganda’ akamwambura yabisabiye imbabazi
9-03-2019 saa 06:32' | By Nsanzimana Ernest | Yasomwe n'abantu 2340 | Ibitekerezo

Mu minsi ishize nibwo muri Uganda humvikanye inkuru y’ umupfumu avuga ko yaraguriye Perezida w’ Inteko Ishinga Amategeko ya Uganda Rebecca Kadaga akamwambura amafaranga y’ imyaka 30.

Ku wa Kane w’ iki cyumweru uyu mupfumu yandikiye Rebecca Kadaga ibaruwa avuga ko ikirego yatanze mu rukiko rukuru rwa Jinja amurega, ari ikirego kidashyize mu gaciro, kidafite umumaro n’ ishingiro.

Umupfumu Damian Akuze yagize ati “Mbikuye ku mutima nsabye imbabazi ku bwo kubarega ikirego kidafite umumaro n’ ishingiro”

Uyu mupfumu yakomeje yicuza ati “Ndicuza ko ikirego cyanjye cyasize icyasha isura yanyu nziza n’ icyubahiro mwavunikiye igihe kirekire mukorera igihugu n’ Isi muri rusange”

Damian Akuze avuga ko asabira imbabazi no kuba yaravuze imyaka itariyo akanabeshyera Rebecca Kadaga imirimo atigeze akora

Mu kirego cye Akuze yavuze ko mu 1990 aribwo yamusabye kumuragurira ngo azabe umunyapolitiki ukomeye, nyamara Kadaga yabaye umudepite kuva mu 1989.

Uyu mupfumu kandi yavuze ko yaraguriye Kadaga akaba umudepite w’ Umuryango w’ Ibihugu by’ Afurika y’ Iburasirazuba EALA nyamara uyu mugore ntabwo yigeze aba umudepite muri EALA.

Rebecca Kadaga yabaye Minisitiri mu 1996 bitandukanye n’ ibyavuzwe n’ uyu mupfumu ko yamuraguriye mu 1990 nyuma y’ imyaka ibiri agahita agirwa Minisitiri.
Chimpreports ivuga ko uyu mupfumu yasoje ibaruwa ye avuga ko gusaba imbabazi no kuvuguruza ibyo yavuze ko bitavuze ko hari uwamushyizeho iterabwoba cyangwa ngo amuhe amafaranga ahubwo abikoze ku bushake bwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...