AMAKURU

UKWEZI
ubumwe

Araharanira ko abagore baryoherwa n’ imibonano mpuzabitsina kandi agenda abigeraho

Araharanira ko abagore baryoherwa n’ imibonano mpuzabitsina kandi agenda abigeraho
6-08-2019 saa 08:02' | By Nsanzimana Ernest | Yasomwe n'abantu 8888 | Ibitekerezo

Umugore wo mu gihugu cya Ghana witwa Nana Darkoa Sekyiamah yagize ishyaka ryo kuvuganira abagore ngo uburenganzira bwabo bwo kuryoherwa n’ imibonano mpuzabitsina bwubahirizwe.

Iyi mpirimbanyi y’ uburenganzira bw’ abagore yashinze urubuga rwigisha abagore uko bagomba guharanira uburenganzira bwabo bwo kuryoherwa n’ imibonano mpuzabitsina kuko avuga ko iyi ngingo ubusanzwe itari yitaweho. Uru rubuga ruhuza abagore bakaganira ku birebana n’ ibitsina bisanzuye.

Sekyiamah mu butumwa burebure yashyize ku rubuga yashinze avuga ko abagabo bashyirirwaho amahirwe menshi atuma bashaka gukora imibonano mpuzabitsina binyuze mu matangazo yamamaza atambuga mu bitanyamakuru.

Avuga ko mu gihugu cye hari amazu acuruza imiti ituma abagabo bashaka gutera akabariro cyane kugeza ubwo hari umugore wabajije umugabo we ngo saa sita ngutegurire iki? Umugabo agasubiza ngo “Ndashaka wowe”.

Sekyiamah avuga ko nubwo ingingo yo kuryoherwa kw’ abagore mu gihe cy’ imibonano mpuzabitsina ititabwaho ngo ntikwiye kwirengagizwa kuko mu bantu bo muri Ghana abitwa Akan abagore benshi baka gatanya bitewe no kutaryoherwa mu gihe cy’ imibonano mpuzabitsina.

Agira ati “Kuryoherwa mu mibonano mpuzabitsina ku mugore ni imibereho myiza, ni ingenzi ku mugore kugira ngo agere ku iterambere rye. Udashobora kugenzura umubiri wawe ni iki mu by’ ukuri waba ushobora kugenzura”


Sekyiamah iwe mu rugo yakira abantu batandukanye bakaganira ibijyanye n’ ibitsina

Akomeza agira ati “Imbwirwaruhame zivuga mu buzima bw’ imyorerekere ku mugore wo muri Afurika zibanda ku kuboneza urubyaro ntabwo zivuga ku burenganzira bw’ umugore bwo kuryoherwa n’ imibonano mpuzabitsina”.

Kobby Ankomah-Graham yumvise uburemere bw’ ibyo uyu mugore avuga atanga igitekerezo ko abasore n’ abagabo bakwiye gufata iya mbere mu kwita ku burenganzira bw’ abagore bwo kwishima mu mibonano mpuzabitsina.

Sekyiamah washinze urubuga ruhuza abagore bakaganira uko bagera ku byishimo byabo mu gihe cyo gutera akabariro, avuga ko mu myaka 10 ishize aya mahirwe atariho.

Magingo aya muri Ghana hari ihuriro ngarukakwezi rihuza abagore ryitwa Young Feminist Collective, iri arifata nk’ umusaruro w’ urubuga yashinze.

Sekyiamah avuga ko ashinga uru rubuga rwe yari afite impungenge ko igitekerezo cye gishobora kuzafatwa nk’ ikigamije kurarura abagore ariko ngo siko byagenze ahubwo yageze ku musaruro yifuzaga wo gufasha abagore guharanira uburenganzira bwabo bwo kwishima mu gihe cyo gutera akabariro.

Atanga urugero rw’ umugore wo muri Nigeria wamubwiye ko uru rubuga rwatumye ahumuka amaso akaba atazamera nka nyina, bakuru be na ba nyirasenge.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...