AMAKURU

UKWEZI
cheno 2020

Ibintu bitanu umuntu wese ufite igitsina gore akwiye kumenya

Ibintu bitanu umuntu wese ufite igitsina gore akwiye kumenya
8-11-2019 saa 18:29' | By Nsanzimana Ernest | Yasomwe n'abantu 9309 | Ibitekerezo 2

Impirimbanyi y’ uburenganzira by’ abagore yatangije urugamba rwo gukosora ibyinshi bivugwa n’ ibikorwa ku gitsina cy’ umugore bitari ukuri. Dr Jen Gunter ni umuganga w’inzobere mu by’indwara zibasira abagore muri Amerika no muri Canada ufite ubunararibonye bw’imyaka 25. Ni impirimbanyi ikomeye y’uburenganzira bw’abagore, bamwe bamwita umuganga uba kuri Twitter.

Vuba aha aherutse guhagurukira kurwanya umwe mu mico ikomoka mu Bushinwa yo gushyira utubuye bita ’jage eggs’ mu gitsina bivugwa ko bigira akamaro ku gitsina cy’umugore n’imikorere yacyo.

Igitabo aheruka kwandika yise ’The Vagina Bible’ ubu kiri mu biri kugurwa cyane mu bihugu byinshi. Kirimo ibyo umuntu yakora, inama n’ibindi byo gufasha abagore kwita ku buzima bwabo.

Ibi ni bimwe mu bintu bitanu Gunter yumva ko buri wese ufite igitsina gore akwiye kumenya.

1 - Ugomba kumenya igitsina cyawe uhereye inyuma
Igitsina cy’umugore ni imbere muri cyo, ni umutsi uremye nk’umuyoboro uhuza nyababyeyi no hanze. Icyo ubona hanze, igice gikora ku myenda yawe ni uruhu rw’inyuma.

Madamu Gunger avuga ko ari ingenzi cyane kumenya no gukoresha amazina nyayo, ntihakoreshwe amazina yo kwitirira.

Ati: "Mu gihe udashobora kuvuga igitsina gore mu zina ryacyo, biba ari nk’aho ibyo bintu bikojeje isoni cyangwa ari bibi".
Avuga ko ijambo "pudenda" rikoreshwa n’abaganga bashaka kuvuga igice cy’inyuma cy’igitsina cy’umugore rikomoka ku ijambo "pudet" ry’ikiratini risobanuye "igiteye isoni".

Gunter atekereza ko gukoresha amagambo nk’aya bitesha agaciro umubiri w’umugore ariko kandi bikanabagiraho ingaruka kuko abenshi batabasha gusobanura neza mu magambo nyayo ikibazo bafite ngo bavurwe bikwiye.

2 - Igitsina gore kiriyoza ubwacyo

Gunter avuga ko mu myaka 10 ishize yagiye abona abagore bazana indi mico, benshi bagenda bemera ko bakeneye gukoresha imiti inyuranye ngo bahumuze igitsina cyabo.
Muri Amerika ya ruguru, hejuru ya 57% by’abagore bagiye bakoresha iyo miti mu gitsina cyabo umwaka ushize. Benshi bakavuga ko bagiye babishishikarizwa n’abo bahuza ibitsina.

Ariko Gunter avuga ko nta mpamvu n’imwe yo gushyira icyo aricyo cyose mu gitsina ngo uri kucyoza. Ati: "Ni urugingo rwisukura".

Abuza cyane cyane abakoresha ibikoresho bita ’douches’ boza imbere mu gitsina. Ati: "Ni igitsina, ntabwo ari igikombe. Biriya bikoresho ni nk’itabi mu gitsina cyawe".

Amazi nayo ubwayo ashobora kwangiza gahunda karemano yo kwisukura, bikaba byagutera indwara zirimo ’infections’ mu gitsina.

Kotesha igitsina (steaming) n’ibindi bamwe muri iki gihe bakora cyangwa batekereza gukora ngo ni bibi cyane kuko bishobora no kugutwika.

Igice cy’inyuma cyo gishobora gusukurwa igihe biri ngombwa nk’uko n’umubiri usukurwa n’amazi n’isabune.

Mu gihe cyo gucura imbyaro mu gihe imisemburo ituma umuntu yumagara akumva atamerewe neza ngo ni byiza gukoresha ibintu nka coconut cyangwa amavuta ya olive mu kwisukura.

Uturemangingo two mu gitsina gore ngo twihindura buri masaha 96, guhinduka kwihuse kurusha ku bindi bice byose by’uruhu, bityo ngo gukira birihuta.

3 - Igitsina cyawe ni nk’ubusitani

Igitsina gore muri rusange ngo kigira za bacterie ’nziza’ zigifafasha kugumana ubuzima bwiza. Izo ’microbes’ ntoya cyane ngo ni nk’ubusitani burimo za bacteries bikora zirinda ubuzima bw’igitsina nk’uko Gunter abivuga.

Utwo dukoko dukora ibintu bituma mu gitisina habamo ’acides’ zihagarika izindi ’bacterie’ mbi ngo ntizihagere ndetse bigatuma hahorana ububobere.

Niyo mpamvu gushyira mu gitsina ibirwanya izi ’bacterie’ ari bibi - ni byiza ko haguma uburinganire muri izi ’bacterie’.

4 - Hari impamvu insya ziri hariya
Gunter yabonye kandi abagore benshi muri iki gihe ngo bakunze kwikiza insya zose. Ibi ngo ni ukwima aho kuba udukoko duto cyane tuzibamo, bigashyira mu kaga ubuzima bw’igitsina.

Ati: "Iyo uzogoshe uba uteza ibibazo uruhu, tujya tubona abitemye, abarwaye ku ruhu, abagize ’infections’ kubera kuzogosha"

Ntavuga ko abantu bazireka zikaba ibihuru, ahubwo ko mu kuzogosha umuntu yakwirinda gutema mu buryo bwimbitse bugera neza neza aho zimerera. Hejuru y’ibi, Gunter abwira abantu guhitamo ariko bafite amakuru.

Ati: "Insya zifite umumaro, ni nk’umupaka umubiri washyize hariya wo kurinda uruhu. Zishobora kandi kuba zigira umumaro mu byiyumvo by’imibonano kuko buri rumwe muri zo ruteye ku karemangingo kagize igitsina, niyo mpamvu kuzogosha bibabaza".

5 - Gusaza bigira ingaruka ku gitsina

Nyuma y’imyaka umuntu amara mu mihango yenda no kubyara, udusabo tw’intanga ngore turekera aho gukora amagi n’imihango igahagarara.
Imisemburo yatumaga umugore aba mu burumbuke iragabanuka bikomeye, imisemburo yitwa oestrogen by’umwihariko. Ibi bigira ingaruka ku gitsina gore n’umubiri wacyo w’inyuma.

Ibi byombi byahoraga bibobereye kubera imikorere y’umubiri bishobora kumagara, bigatera uburibwe mu gihe cy’imibonano kuko nta bubobere.

Ibi bitera agahinda abagore, Gunter avuga ko abaganga bashobora kubafasha. Hari n’abandi babishobora bifashishije imiti itera ububobere.

Agira ati: "Ndumva ibi abagore bakwiye kubimenya, nta mpamvu yo kubabara".

Hari ibivugwa (bidashingiye ku bushakashatsi) ko gukora imibonano mpuzabitsina cyane bituma ibintu bikomeza kugenda neza, ariko imibonano myinshi ishobora gutera ’infections’ ku gitsina.

BBC


INKURU ZA :
Tanga Igitekerezo
Ibitekerezo 2
Teta juzy Kuya 25-12-2019

murakoze nibyizakumenya igitsinacyacu kuk tutaz bimwe mubice byacyo

Namuhoranye Daniel Kuya 28-11-2019

turabashimira Izi nyigisho turashima nabasoma Bose dusome tugjjuke.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...