Umuhanzikazi w’ indirimbo zihimbaza Imana umaze kubaka izina mu gutanga inama zifasha mu kubaka ingo yaburiye abashakanye ababwira ko gukorera imibonano mpuzabitsina mu mwijima bigira ingaruka mbi ku mwana usamiwe ahatabona.

Patience Akpabio wo mu gihugu cya Nigeria yasabye abashakanye kujya babanza gucana amatara mbere yo gutera akabariro avuga ko bizazana imitekerereze myiza mu isi no gukorera mu mucyo (transparency).

Nk’uko byatangajwe na Independent mu butuma Patience yashyize kuri facebook yagize ati “Ntimuzongere gukorana imibonano mpuzabitsina mu mwijima n’abagabo banyu. Turi muri 2020 muge mucana amatara. Umwana usamiwe mu mwijima abona Isi mu buryo butandukanye n’uwasamiwe ahari urumuri”.

Yakomeje agira ati “Reka tuboneshereze Isi tubihereye mu buriri kugira ngo tugire Isi ikorera mu mucyo n’abana bafite imitekerereze myiza”.

Avuga ko umugabo ukoreye imibonano mpuzabitsina mu mwijima yitwara nk’ umuntu utabona ati “Reka ntituzongere kwita abana bacu ba Okon(bisobanura ijoro) ahubwo tuge tubita ba Uwana (bisobanura Umucyo).