AMAKURU

UKWEZI

Ngoma: Abageni batagereje ubasezeranya bigera nimugoroba abatashye ubukwe hasigara mbarwa

Ngoma: Abageni batagereje ubasezeranya bigera nimugoroba abatashye ubukwe hasigara mbarwa
18-05-2018 saa 07:27' | By Akayezu Jean de Dieu | Yasomwe n'abantu 9240 | Ibitekerezo 7

Abageni babiri (abasore babiri n’abagore babo), bagiye gusezerana imbere y’amategeko bategereza Umunyamabanga Nshingwabikorwa w’umurenge wa Kibungo, Kanzayire Consolee wagombaga kubasezeranya bigera saa kumi n’imwe z’umugoroba bakimutegereje bamwe mu batashye ubukwe baherekeje aba bageni batangira gutaha kugeza ubwo bageze aho babona gitifu n’ushinzwe irangamimerere baraje abatashye ubukwe hasigaye mbarwa.

Ibi byabaye ku gicamunsi cyo kuri uyu wa Kane tariki 17 Gicurasi 2018, aho aba bageni bose bari babukereye n’inshuti n’abo mu miryango yabo yari yabaherekeje bageze ku biro by’umurenge wa Kibungo ahagana saa munani n’iminota irindwi gusa ngo bageze saa kumi n’imwe bagitegereje ubasezeranya ari nabwo gitifu Console yaje kubageraho ari kumwe n’umukozi w’umurenge ushinzwe irangamimirere babona ubusezeranya aba bageni bari basigaye bonyine inshuti n’imiryango barambiwe batashye.

Umwe muri aba bageni banze ko dutangaza imyirondoro yabo kubw’umutekano wabo yabwiye Ukwezi.com ko bari basanzwe barahawe gahunda n’ubuyobozi bw’umurenge y’uko kuwa kane saa munani n’igice aribwo bagombaga gusezeranywa gusa ngo iyi saha bahageze bategereza ubasezeranya amaso ahera mu kirere.

Yakomeje avuga ko ibi byabateje igihombo gikomeye kubera ko ari ibiryo n’ibinyobwa byangiritse kandi bari babyishyuye ngo baze kwakira abaje kubashyigikira, ikindi ngo benshi mu bari batashye ubu bukwe bageze aho barataha nyuma yo kurambirwa gukomeza guhagarara ku murenge dore ko n’abakozi b’umurenge bari banze kubabwira umwanzuro w’uko gitifu araza cyangwa ataraza kubasezeranya.

Umuyobozi w’akarere wungirije ushinzwe imibereho myiza y’abaturage, Kirenga Providence yahamirje Ukwezi.com ibyabaye kuri aba bageni gusa avuga ko impamvu yateye gitifu gukereza aba bageni ari uko yari afite urubanza yari yagiye kurangiza ruratinda gusa ngo uru rubanza rwari rukomeye kuko rwari rurimo abantu benshi kandi bigomba gukorwa na gitifu wenyine ari kumwe n’umuhesha w’inkiko utari uw’umwuga.

Visi Meya Providence kandi yakomeje avuga ko bitari bikwiye ko abantu bakirirwa muri ubu buryo ariyo mpamvu nawe yagerageje kubasobanurira ndetse no kubasaba kwihangana kuba bategereje isaha imwe cyangwa abiri ariko impamvu ari icyo kibazo cyabayeho cy’urwo rubanza rwagombaga kurangizwa na gitifu kandi nabyo byari ngombwa.

Ibyo kuba ari ubuyobozi bw’akarere bwitabajwe kugira ngo aba bageni basezerane, Visi Meya Providence yavuze ko kuba hari umukozi w’akarere wajya kuri uyu murenge ni mu rwego rwo kujya kureba icyabaye ariko impamvu babashije kumenya nk’ubuyobozi ari uko gitifu atanze kubasezeranya ku bushake ahubwo ari iyo mpamvu y’urubanza rwatinze


INKURU ZA :
Tanga Igitekerezo
Ibitekerezo 7
kanyarwanda Kuya 22-05-2018

kwihesha agaciro.com : ibi ni ugusuzugura abaturage: abayobozi wibaza uwo bakorera bikakuyobera. Kuki gitifu afata gahunda ebyiri icyarimwe? Ese amategeko ntateganya uwasimbura gitifu igihe agize empechement? ashobora no kurwara, gukora accident.... Umuturage wahawe gahunda agategereza.... vraiment irresponsable et honteux. ariko nta gahora gahanze. undi nawe ajya mu rusengero i Ngoma akaruhindura inama y’abaturage atatumije akabatuka akabita ibikeri baje kwisengera. Ngiyo vision , ngurwo u Rwanda tubamo , ibindi ni ukubeshaya abahinde!!!

kalisa Kuya 19-05-2018

S/E yari yatwaye Etat civil nawe kuri terrain.

titi Kuya 19-05-2018

Nuko bababaziyuko ntacyo baryaho bakabikora ukobashatse.inzego zibanze sikora nabi cyane ntushobora kugenda umunsumwe Ngo bakemure ikibazo ntibibaho usuburayo kabiri.

figo321 Kuya 19-05-2018

Mu gihugu nk’u Rwanda giteye imbere muri communication, ikintu nk’iki ni icyo kugawa rwose!. Bitwaye iki kuba Umuyobozi yabwira abantu ko ari bukererwe bagategereza babizi cyane cyane ko ziba ari impamvu zumvikana zamukerereje? Iyo niyo serivisi nziza duhora twigishwa.

Martin Kuya 19-05-2018

Niba Gitifu yari muyindi mirimo se, kuki ushinzwe irangamimerere Atari ahari ngo byibura abasobanurire impamvu badahari!?

gakuba Kuya 18-05-2018

Abantu bajye bagira gahunda niyo nshingano ya bayobozi kwiregura kwabo sibyo abaturage badahari abayobozi ntibaba ho abakwe, barara kumurenge gute! kubera umuntu umwe akarere gafite, ba gitifu bangahe! kuburyo umwe agize ikibazo undi wundi murenge, ataza, ngo abasezeranye cyangwa bo bakajyayo, aha siho hambere, bibaye niba batazi uko bakemura ikibazo havutse, ikindi bajye bishyura ibihombo, batera abaturage ngo ntahandi babaza

James R. Kuya 18-05-2018

Ubwo se koko iyo bababwira ikibazo bagategereza babizi!!!!!!! jye mbona abayobozi basa nabasuzugura abayoboke pe, ukabona umuyobozi araje nyuma yamasaha nka 2 ati "sorry twabatindiye haribyo twariturimo" bene iyo myitwarire siyo rwose iragayitse, jye gitifu ndamugaye cyane yagombye kuba yabwiye abasezerana ikibazo yagize kikagezwa kubatumirwa bakarindira bihanganye cyangwa bakajya murizagahunda zabo bakagaruka amasaha ageze. bayobozi mureke beniyo myitwarire siyo namba.

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...