Adrien Misigaro ,Gentil Misigaro na Islael Mbonyi baririmba indirimbo zo kuramya no guhimbaza imana bazahurira mu gitaramo kimwe cyiswe ‘’Each one reach one”bazakorera mu mujyi wa Kigali ndetse no mukarere ka Huye .

Adrien Misigaro na Gentil Misigaro basanzwe bafite umuryango bashinzwe wiswe Melody of New Hope ugamije ku rwanya ibiyobyabwenge ,urimo abahanzi babanyarwanda bakoreshaga ibiyobyabwenge nka Fireman ,Neg the Genelo na Young Ton umwaka ushize aba bose bakaba baragorererwaga mu kigo cya Iwawa .

Misigaro ngo yiteguye gushimisha abazitabira iki gitaramo nkuko yabaikoze umwaka ushize

Each one Reach one n’igitekerezo cyazanywe na Adrien na Gentil ndetse banasobanura uko cyaje aganira n’ikinyamakuru ukwezi Adrien yagize “ Each one Reach one n’igitekerezo nagize mfatanyije n’umuvandimwe wanjye twifuzagako wowe twakugeraho nawe ukagera kuri mugenzi wawe yaba uwo mwigana cyangwa uwo mukorana ,uwo muturanye ukoresha ibiyobyabwenge tukamukurayo akagaruka mu nzira nzima naho twahereye dutekereza gutegura iki gitaramo kizaba tariki 8 Werurwe ku Intare Arena tukazafatanya n’abandi baramyi “.

Abahanzi bazakora ubu bukangurambaga bazibanda mu bigo by’amashuri kuko ari ho hari urubyiruko rwinshi ruba rushobora kugwa mu mutego wo gukoresha ibiyobyabwenge.

Adrien Misigaro kandi azifashisha abahanzi baririmba indirimbo zisanzwe barimo Gisa Cyinganzo wigeze gufungirwa kunywa ibiyobyabwenge na Fire Man uherutse kuva kugororerwa Iwawa , Neg the Genal na Young Tone ubu bari no gukora indirimbo batewe inkunga na Adrien ndetse bazanakoresha muri ubwo bukangurambaga .

Fireman ari mubahanzi bazifashishwa muri ubu bukangurambaga aho bazanasura abakobwa b’igitagata .

Iki gikorwa cyatangiye umwaka ushize, Adrien Misigaro avuga ko kimaze kugira impinduka mu rubyiruko kuko mu mushinga we harimo urubyiruko rwahoze rukoresha ibiyobyabwenge ubu rukomeje .

Adrien na Gentil bazafatanya n’abandi bahanzi barimo Islael Mbonyi, Patrick Nkundabose ndetse n’abandi bahanzi basanzwe basengana naba basore muri leta z’ubumwe za Amerika I Washington Dc .

Iki Gitaramo kizabera ku Intare Arena Rusororo kwinshira ni ibihumbi 10,000 Frw mu myanya isanzwe ndetse n’ibihumbi 25,000 frw mu myanya y’icyubahiro abazagura,Abazagura amatike mbere y’igitarmo bashobora kuyagura ku giciro gito ibihumbi 5,000 frw ndetse na 20,000 Frw .

Gentil Misigaro ,Adrien Misigaro na Patrick Nkundabose mukiganiro n’itangazamakuru .

Bamwe mu bahanzi baturutse muri Amerika basanzwe basengera murusengero runwe na Adrien na Gentil baje kubashyigikira murugamba rwo kurwanya ibiyobyabwenge mu Rwanda