AMAKURU

UKWEZI
ubumwe

Bonhomme yasobanuye uko INKOTANYI zabaye ubuzima n’uko hari imbunda yaburiye inyito

Bonhomme yasobanuye uko INKOTANYI zabaye ubuzima n’uko hari imbunda yaburiye inyito
2-07-2019 saa 19:50' | By Chief Editor | Yasomwe n'abantu 2884 | Ibitekerezo 4

Umuhanzi Bonhomme umenyerewe mu ndirimbo zifasha abantu mu gihe cyo kwibuka Jenoside yakorewe abatutsi ndetse n’izirata ibigwi n’ubutwari bw’Inkotanyi zabohoye u Rwanda, yasobanuye uburyo Inkotanyi ari ubuzima anashimangira uburyo imbunda benshi bazi ko yica we yayiburiye igisobanuro kuko yabonye aho itanga ubuzima.

Bonhomme wiyemeje kujya ategura igitaramo ngarukamwaka yise "Inkotanyi ni ubuzima" mu rwego rwo kwizihiza umunsi wo kwibohora, kuri iyi nshuro iki gitaramo kizaba kuri uyu wa Gatatu tariki 3 Nyakanga 2019 muri Camp Kigali. Avuga ku mvano y’igitaramo cye n’indirimbo yakitiriye, yavuze uburyo yinjiye mu buhanzi agakoresha inganzo ye mu komora ibikomere no gufasha abari barasaritswe nabyo gukomeza kwibuka inzira y’umusaraba banyuzemo mu gihe cya Jenoside yakorewe abatutsi.

Mu kiganiro yagiranye n’ikinyamakuru Ukwezi, Bonhomme yavuze uburyo yagiye aririmba indirimbo zigashimisha abarokotse jenoside kuko bumvaga abafasha kwibuka ibihe banyuzemo ariko ngo zikanabababaza kuko ayo mateka ubwayo ababaje. Nyuma ngo yaje kwibuka uburyo abatanga ubuhamya bose basoza bagira bati: "Ni uko ngiye kubona mbona Inkotanyi ziraje...", aza kubiheraho ashimangira ko Inkotanyi ari ubuzima kuko uwo zagezeho yihebye yongeye kugira icyizere cyo kubaho.

Bonhomme wasobanuye byinshi ku muziki we, ku gikorwa afite cyo gukomeza gushakisha insengero zaguyemo abantu barahahungiye bahiteze amakiriro n’iby’ibitaramo afite i Burayi no hirya no hino mu gihugu, yasabye abakomeje kumushyigikira gukomeza kwifatanya nawe muri iyi nzira yatangiye kandi agikomeje yo gutanga ubutumwa bwubaka igihugu abinyujije mu kuririmba.

REBA IKIGANIRO TWAGIRANYE CYOSE HANO:


INKURU ZA :
Tanga Igitekerezo
Ibitekerezo 4
Gatagara Kuya 16-07-2019

Bonhomme Imana imube hafi kuko adusubizamo imbaraga tumuragije Uwiteka

Nyiramwami josiane Kuya 6-07-2019

Bonhomme adusubizamo imbaraga iyo aririmba ndamukunda cyane

kamanayo Kuya 3-07-2019

Bonhomme ni umuhanzi utwubaka cyane cyane mu gihe cyo kwibuka abacu bazize Genocide
Turamushyigikiye mu nzira nziza yatangiye .

nkotanyi Kuya 2-07-2019

Bonhomme ndamukunda cyane, kuwa gatanu ushize yaraturirimbiye I Save ubwo twashyinguraga abacu, numva ndanyuzwe pee. Imana ikomeze iguhe umugisha.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...