konka coffee
KONKA

AMAKURU

UKWEZI
ubumwe

Charly na Nina bagiye gutangira ubukangurambaga buzenguruka igihugu

Charly na Nina bagiye gutangira ubukangurambaga buzenguruka igihugu
8-06-2019 saa 07:17' | By Muhizi Olivier | Yasomwe n'abantu 636 | Ibitekerezo

Itsinda rigizwe na Charly na Nina rigiye gutangira ubukangurambaga mu mashuri yisumbuye bwo kurwanya icyorezo cya virusi itera SIDA, inda zitateguwe, imirire mibi ndetse n’ihohoterwa rikorerwa mu ngo mu turere 8 tugize I Gihugu .

Kuri uyu wa 7 Kamena 2019 mu kiganiro bagiranye n’itangazamakuru basobanuye intego nyamukuru y’ubu bukangurambaga naho bakuye iki gitekerezo ndetse n’abantu bazabafasha .

Batangaje gahunda bise #1000girlsiwacu igamije ubukangurambaga ku bana b’abakobwa bari mu mashuri y’isumbuye hifashishijwe amateka y’aba bakobwa bagize iri tsinda.

Iri tsinda rizafatanya muri ubu bukangurambaga na Arthur Nation , Umuryango w’Ubumwe bw’Ibihugu by’u Burayi(EU), Minisiteri y’Urubyiruko n’Ikigo cy’Igihugu Gishinzwe Uburezi (REB).

Charly na Nina bazafatanya n’inzego zitandukanye muri iki gikorwa kizenguruka igihugu.

Iyi gahunda izahera mu turere umunani mu Ntara zose z’Igihugu.

Nina ugize itsinda rya Charly na Nina yavuze ko bazagira n’umwanya wo kuganiriza aba bana b’abakobwa bakabatera ishyaka.

Ati “Nk’umukobwa muto nkura nanjye nagize abo nareberagaho kandi nzi icyo byamariye mu buzima, gusangiza ubuzima bwanjye ndetse no gutera imbaraga abana b’abakobwa ni ikintu nishimiye gukora.”

Flora Kayitesi wari uhagarariye EU muri iki kiganiro yatangaje ko impamvu bahisemo gushyigikira iki gikorwa .

Ati “Impamvu twahisemo gutera inkunga iki gikorwa ni ukubera ko ibitekerezo bafite bihwanye n’ibikorwa dukunze kwibandaho.”

Abana b’abakobwa bazagira umwanya wo kwerekana ibihangano ku nsanganyamatsiko ubukangurambaga buzibandaho n’umwanya w’ibiganiro.nyuma aba bahanzi babataramire.

Dore uko urugendo ruteye

Ku wa 10 Kamena bazatangirira ku ishuri rya G.S Rukira mu Karere ka Huye, ku wa 12 Kamena bajye ku ishuri rya G.S Kibangu mu Karere ka Muhanga, ku wa 15 Kamena bazaba bari ku ishuri Marie Reine mu Karere ka Rwamagana.

Ku wa 17 Kamena bazajya ku ishuri rya G.S Nkanga mu Karere ka Bugesera, ku wa 21 Kamena ku ishuri rya G.S Rutunga mu Karere ka Gasabo, ku wa 5 Nyakanga bazakomereza ku ishuri ryitiriwe Mutagatifu Vincent (Saint Vincent) mu Karere ka Musanze, iyi gahunda izasozwa ku wa 8 Nyakanga ku ishuri rya Lycee de Nyundo mu Karere ka Rubavu.uri uyu wa 7 Kamena 2019 mu kiganiro cyahuje abanyamakuru, iri tsinda ry’aba bahanzi ndetse n’abari kubafasha muri iki gikorwa bagiye gutangira basobanuye birambuye uko gahunda yabyo iteye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...