AMAKURU

UKWEZI
cheno 2020

‘Iyo abantu bambonye barikanga’ Nadine wo mu runana

‘Iyo abantu bambonye barikanga’ Nadine wo mu runana
2-11-2019 saa 09:18' | By Nsanzimana Ernest | Yasomwe n'abantu 10938 | Ibitekerezo 1

Mukabalisa Marie Jeanne ukina mu ikinamico urunana yitwa Nadine avuga ko icyo aba yigisha abagore ari ukumenya guharanira uburenganzira bwabo n’ abana babo. Ngo mu buzima busanze si indaya nk’ uko abikina ari nabyo bituma abantu bamubonye amaso ku maso bikanga.

Mu ntangiriro za 2010 nibwo uyu mubyeyi kuri ubu ufite abana bane, abahungu batatu n’ umukobwa umwe yatangiye gukina mu ikinamico urunana.

Mukabalisa ni ukunda abantu, gukina amakinamico no gusabana no gukora. Akina ari umukobwa w’ indaya usambanira amafaranga ndetse wageze aho agaterwa inda na Sitefano.

Muri iki gihe mu Rwanda hari abagabo babyarana n’ abagore cyangwa abakobwa bakirengagiza inshingano kurera umwana babyaye bakayiharira abagore.

Mukabalisa agira ati “Ngewe numva ‘Nadine’ yigisha abagore bataramenya uburenganzira bwabo, bakabaho mu buzima bubi kandi wenda uwo babyaranye abayeho mu buzima bwiza. Icyo gihe wakora ku buryo uwo mwabyaranye amenya ko umwana mwabyaranye akeneye uburenganzira bwo kurerwa n’ umupapa n’ umumama, afite uburenganzira bwo kwandika mu irangamimerere”.

Avuga ko iyo ahuye n’ abantu batungurwa kuko ngo baba bumva Nadine ari umukobwa w’ inshinzi w’ indaya babona ubikina bagasanga ari umubyeyi mukuru wihesha agaciro.

Ati “Abantu bambwira ko baziko Nadine bumva Nadine ari umukobwa w’ inshinzi, w’ indaya, ariko bambona bakikanga bati twari tuziko utari umurokore, twari tuziko utari umumama ungana gutyo, twumvaga uri umuntu udasanzwe mbese w’ indaya ariko mu by’ ukuri siko bimeze nawe murabibona ko ndi umumama mukuru”.

Mukabalisa asaba abakobwa bameze nka Nadine b’ indaya kubireka bagashaka ikindi bakora kuko ngo kwikorera ntibisaba igishoro gihambaye.

Avuga ko mu buraya ari ahantu hari kuko ubikora aba afite ibyago byinshi byo kwandura indwara zandurira mu mibonano mpuzabitsina, guterwa inda adabiteganyije n’ ibindi.

Uyu mubyeyi uvuga ko mubyo akunda harimo no gukora agira ati “Urubyiruko nibakure amaboko mu mufuka bakore, kandi nibakora bazabona inyungu zo gukora. Nta mpamvu yo kuvuga ngo ngewe mfite umuryango ukize, oya bo bakize ku bwabo nawe shakisha uburyo wazamuka kugira ngo uzagere aho nabo bigejeje”.


INKURU ZA :
Tanga Igitekerezo
Ibitekerezo 1
Mutoni.wase. Kuya 18-11-2019

Nadina.we.nange.ndatunguwe.kbs.nakugereranyaga.nigikobwa.cyabyaranye.numugabo.wange.none.ndabona.wiyubashye.pe.nones.ushatse.kuvuga.ngo.abagore.tuge.dufata.neza.abana.abagabo.bacu.babyaye.hanzera.hhhha?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...