konka coffee
KONKA

AMAKURU

UKWEZI

Kwinjira mu gitaramo cya KNC na Yvonne Chaka Chaka hari n’abazishyura 400,000Frw

Kwinjira mu gitaramo cya KNC na Yvonne Chaka Chaka hari n’abazishyura 400,000Frw
14-04-2018 saa 13:36' | By Akayezu Jean de Dieu | Yasomwe n'abantu 5185 | Ibitekerezo 7

Kakooza Nkuriza Charles uzwi nka KNC, umwe mu bafite izina rikomeye mu myidagaduro ya hano mu Rwanda, ari gutegura igitaramo azamurikiramo alubumu ye nshya ‘Heart Desire’ yatumiyemo umuhanzikazi Yvonne Chaka Chaka aho ibiciro byo kwinjira muri iki gitaramo ari akayabo harimo n’abazishyura ibihumbi 400Frw.

KNC wamamaye mu nk’umuhanzi, umunyamakuru umukinnyi w’amafilimi ndetse akamenya kwamamaza azakora iki gitaramo cy’amateka kuwa 27 Nyakanga 2018, muri Kigali Exhibition and Conference Village (KCEV) ahazwi nko muri Camp Kigali.

Kwinjira muri iki gitaramo kizaba mu ijoro ryo kuwa 27 Nyakanga, ni amafaranga 20,000Frw ku bazicara ahasanzwe ndetse na 30,000Frw ku bazicara mu myanya y’icyubahiro. Gusa kuri ibi byiciro hari uburyo budasanzwe bwo kugabanyirizwa ibihumbi bitanu ku muntu uzagura itike mbere y’umunsi igitaramo kizaberaho.

Nk’uko byakwirakwije ku mbuga nkoranyambaga zikoreshwa n’uyu mugabo usanzwe ari n’umuyobozi wa TV na Radio1, ngo hari ubundi buryo bwo kugura amatike y’abantu 8 bazicara ku imeza imwe aho aba bazishyura ibihumbi Magana ane by’amafaranga y’u Rwanda (400,000Frw).

Iki gitaramo giteganyijwe kuba mu kwezi kwa Nyakanga kandi ngo uretse uyu muhanzikazi Yvonne Chaka Chaka wakanyujijeho uzaba yagitumiwemo hari n’abahanzi ba hano mu Rwanda bazifatanya na KNC, abo ngo bakazagenda batangazwa umunsi ku munsi.


INKURU ZA :
Tanga Igitekerezo
Ibitekerezo 7
matsiko friday Kuya 3-05-2018

KNC we, uri Boss rwose, inama ugiriwe hano uzikurikize ufate icyemezo uve mu miziki uharire abashoboye.

vava Kuya 26-04-2018

ahwiii.murakoze kumumbwirira bavandi uyu mugabo ngo ni knc yigize umu tout traveaux.aziko ashoboye byose.jyewe iyo ndebye cya kiririmbo cye aririmba yikanira ndumirwa ,nakwibuka aha umutuku abana igihe batoranyaga abafite impano ngatemba knc wowe numutuku ntawo ukwiye niba hari ikarita iri inyuma yawo niyo ukwiye mukuririmba ,none ngo 400milles sha ntayo uzabona kdi nyuma icyo gitaramo cyawe tuzakibona kuri youtube.hhhh

Djamila Kuya 23-04-2018

KNC ko wagafashe watuje koko! ko ubizi ko umuziki atari talent yawe! tugufata nka patron ark iyo nkubonye uri kuririmba ugira uti mukobwa untera nkumuzimu ndumirwa pe!

albert Kuya 16-04-2018

uhombye arabyimenyera uyu mugabo agiye gushya tu ashaka yazagabanya nabona benshi azabona 30

Wazamani Kuya 15-04-2018

400.000frw agura imodoka ya hatari, ntasooni!!!!

Wazamani Kuya 15-04-2018

400.000frw agura imodoka ya hatari, ntasooni!!!!

Rubyogo Kuya 14-04-2018

Ndakwemera KNC ariko ntabwo Uri umuririmbyi ntunagira inganzo y’abaririmbyi Rwose. Uvuze ko nyiri urugo yapfuye siwe uba umwishe. Kandi hari byinshi uzi tunakwemerera... Ntaushobora byose !
Senderi international hit muri ku rwego rumwe. Nawe arambeshya cyane mu buhanzi n’ubwo mwihorera...

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...