konka coffee
KONKA

AMAKURU

UKWEZI

Menya icyagendeweho mu gusezerera Higiro Joally muri MissRwanda 2019

Menya icyagendeweho mu gusezerera Higiro Joally muri MissRwanda 2019
20-01-2019 saa 23:52' | By Nsanzimana Ernest | Yasomwe n'abantu 14473 | Ibitekerezo 8

Ku mugoroba wo kuri iki Cyumweru tariki 20 Mutarama nibwo umwari witwa Higiro Joally yasezerewe mu irushanwa ryo guhatanira ikamba rizambikwa nyampinga w’ u Rwanda 2019.

Abagize akanama nkemurampaka bavuze ko mu byo bagendeyeho bahitamo abakobwa basigara muri boot camp harimo ubwiza, ubuhanga bwo kuvugira mu ruhame , kumenya gusobanura ibintu neza, no kureba uburyo umukobwa yifitiye icyizere.

Abakobwa uko ari 20 bari mu mwiherero bamazemo icyumweru, bahawe insanganyamatsiko eshanu, buri wese agahabwa umwanya ngo agire icyo avuga ku nsanganyamatsiko yahisemo muri izi:
1. Miss Rwanda (Nyampinga w’ u Rwanda)
2. Health and Nutrition(Ubuzima n’ imirire)
3. Knowledge and Technology(ubumenyi n’ ikoranabuhanga)
4. Art and Culture (ubugeni n’ umuco)
5. Beauty with a Purpose (ubwiza bufite intego).

Abagize akanama nkemurampaka (Teddy Kaberuka na Gatarayiha Uwamariya Angeligue) bavuze ko batanze amanota bakurikije uko buri mukobwa yasobanuye insanganyamatsiko ye mu ruhame. Abakobwa 13 bagize amanota menshi bahise babona amahirwe yo kuguma muri iri rushanwa.

Iki kizami cyo kuvugira mu ruhame cyatanzwe mu gihe aba bakobwa batorwaga hakoreshejwe ubutumwa bugufi SMS. Abakobwa batanu batowe cyane kuri SMS nabo bahise babona amahirwe yo kuguma mu irushanwa.

Abakobwa basigaye batatowe cyane kuri SMS kandi batanagize amanota atuma baboneka muri 13 ba mbere mu kizami cyo kuvugira mu ruhame ni nomero 15 Higiro Joally na numero 23 Teta Mugabo Ange Nicole.

Abakobwa bari muri iri rushanwa bahawe udupapuro ngo batore uguma mu irushanwa hagati ya Higiro na Teta Mugabo , abagize akanama nkemurampaka bemeza ko Teta Mugabo ariwe bagenzi batoye ngo agume mu irushanwa , Higiro Joally asezererwa atyo.

Higiro Joally niwe ubimburiye bagenzi be bazasezerwa mu irushanwa kuko buri munsi umwe uzajya asezererwa. Hasigaye abandi bane bazasezererwa, kuko abazagera k’ umunsi wanyuma w’ irushanwa ari abakobwa 15.


Gatarayiha Uwamariya Angelique yari mu kanama nkemurampaka


Impuguke mu by’ ubukungu Teddy Kaberuka nawe yari mu kanama nkemurampaka


INKURU ZA :
Tanga Igitekerezo
Ibitekerezo 8
Eric nshimiyimana Kuya 23-01-2019

Uwataha wese yihangane kdi abadjuge bakoreshe ukuri ntibazagire uwo barenganya

INGABIRE Marie Grace Kuya 22-01-2019

Miss Rwanda azabe uwase sangwa odile

MISAGO PACIFIQUE Kuya 22-01-2019

NTIYIHEBURE AHAKUYE UBUMENYI JOSIANE GUSA NIWE DUSHAKA

Edouardson Bigirimana Kuya 21-01-2019

Kuvyukuri abategura irushanwa rya miss Rwanda 2019 bareke gucisha hiryanohino iryokamba biragaragara ko Mwiseneza Josiane batengerenzwa kurimwambika.

Uwineza florah Kuya 21-01-2019

Nyabureka turasaba abakemura mpaka kuba inyanga mugayo rwose bagakoresha ukuli

Kamanzi Vincent Kuya 21-01-2019

Mwiriwe, ibyo mwadukanye byo kwirukana abana na humiliation gutyo bije.bite?? Mwiganye Big brother, murahemukira abana, uriya yihanganye undi azakora degat hariya, nabwo bitubereye rwose, umubyeyi ubona umwana bamusohora alira na valise????

Izuba Kuya 21-01-2019

Aliko rero nawe Teddy ntabyo utajyamo, nguheruka udufasha kwandika UNR, Nsigaye nkumva nkinararibonye mu bukungu, nkubu koko ntufatiye abandi umurimo? Entre nous, donnons aussi aux autre la chance. Vraiment si nkwanga aliko ulivanga cyane ugakabya. Tonton unanijua nuko ntali mu gihugu nazagushatse.
Ndabona ugiye kuzuza za nzego za pyramide ya Maslow . Tujye duha abandi amahirwe. Ubu se ibi byo kandi wabyigiye he? Ko nkuzi mulo SSEG? Ubundi si nkunda kwinjira muli vie privée zabantu. Wowe urakize aka kazi mwakarekera abagishakisha life. Twe erega nitwe bareba aho kubacura twabaharira bro.... Shalom

Ada Florence Iracadukunda Kuya 21-01-2019

Mwiriwe neza!nasaba ko uwo wese azasezerwa yokwihangana,kuko buri wese afise destin yiwe.hanyuma uwurusha abandi nawe ndamukeje,ariko aze yibuke n’abandi barushanijwe.murakoze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...