konka coffee
KONKA

AMAKURU

UKWEZI

Sauti Sol na Peter wahoze muri P Square bashimiye bikomeye Perezida Kagame- (Amafoto&Video)

Sauti Sol na Peter wahoze muri P Square bashimiye bikomeye Perezida Kagame- (Amafoto&Video)
30-04-2018 saa 09:59' | By Akayezu Jean de Dieu | Yasomwe n'abantu 2298 | Ibitekerezo

Mu gitaramo cyari cyatumiwemo Peter Okoye ‘Mr P’, Sauti Sol, The Ben n’abandi bahanzi ba hano I Kigali, aba bahanzi bakomeye muri Afurika bongeye kugaragaza urukundo rudasanzwe bafitiye u Rwanda banashimira ubuyobozi bwa Perezida Paul Kagame.

Iki gitaramo cyaje gisoza inama ya ‘Mo Ibrahim Weekend’ cyabaye mu ijoro ryo kuri iki Cyumweru tariki 29 Mata 2018, muri Kigali Convention Center.

Abahanzi bagize itsinda Sauti Sol batahanye umukoro ukomeye wo kubwira Perezida Kenyatta w’igihugu cyabo ngo azashyireho gahunda y’umuganda rusange nk’uko mugenzi we w’u Rwanda Paul Kagame yayimakaje ikaba igira uruhare rukomeye mu guhuriza hamwe abanyarwanda buri kwezi bagafatanya kubaka igihugu.

Peter Okoye wahoze mu itsinda ry’impanga P Square wari utegerejwe nk’umutumirwa mukuru muri iki gitaramo yageze ku rubyiniro ku isaha ya 21h06 maze abari bitabiriye igitaramo bari bamutegereje n’amatsiko menshi bamwereka urukundo rudasanzwe.

Mbere gato uyu muhanzi yabanjirijwe n’umukobwa kabuhariwe mu kuvanda imiziki (Dj), arabanza asusurutsa abantu avangavanga imiziki avuga n’amagambo agenda abaza niba biteguye kwakira Mr P nabo bagasakuza cyane bati Yeeee….

Mr P yashyize agera ku rubyiniro atangirira ku ndirimbo My Way, akurikizaho iyitwa Taste Money bakoze bakiri muri P Square.

Yakomeje aririmba indirimbo bakoranye n’impanga ye Paul Okoye bakiri muri P Square, zirimo Ejejo, None Like You, aha yahise aririmba iye yakoze wenyine yitwa Cool it down, akurikizaho No easy bakoze bakiri muri P Square, Beautful Onyine bafatanyije na Rick Ross.

Akimara kuririmba iyi ndirimbo ‘Beautful Onyine bakoze muri P Square bari bafatanyije na Rick Ross yahise afata umwanya avuga ko ubwo aheruka mu Rwanda yagarutse agasanga igihugu cyarahindutse, ati “Imihanda irasa neza, ibikorwaremezo bigaragara neza, u Rwanda ni rwiza”. Yakomeje kandi asaba abanyarwanda gushimira impanga ye Paul baherukana mu Rwanda.

Mu gihe kigera ku isaha iburaho iminota itatu uyu muhanzi yamaze ari ku rubyiniro yakomeje kujya ashimisha abitabiri iki gitaramo dore ko bari benshi ndetse bakomeje bamufasha kuririmba indirimbo ze nawe akababwira ko uru rukundo bari kumwereka adashobora kurufata nk’ibisanzwe ari nako yafatanyaga n’umu Dj we w’akataraboneka bagashimira abanyarwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...