AMAKURU

UKWEZI
cheno 2020

Umukinnyi Neymar Jr yagaragaye mu gice cya 4 cya Filimi ya ’La Casa de Papel’

Umukinnyi Neymar Jr yagaragaye mu gice cya 4 cya Filimi ya ’La Casa de Papel’
18-04-2020 saa 17:21' | By Twagirayezu Vincent | Yasomwe n'abantu 2733 | Ibitekerezo 1

Umukinnyi w’icyamamare ku isi mu mupira w’amaguru, Neymar Jr yongeye kugaragara mu gice cya kane cya Filimi y’uruhererekane yiswe ‘La Casa de Papel’ cyangwa ‘Heist Money’, iyi filimi ikaba yarakunzwe na benshi ku isi.

Nyuma y’uko uyu mukinnyi atangaje ko azagaragara muri iyi filimi avuga ko akunda cyane, byari biteganyijwe ko azagaragara mu gice cya gatatu cyayo ariko ntibyamuhiriye kuko ubwo cyategurwaga Neymar yahise atangira gukurikiranywa n’inkiko zo muri Brazil ku kirego yaregwagamo n’umukobwa witwa Najila Mendez de Souza wamushinjaga kumufata ku ngufu.

Nyuma yo gukora iperereza urukiko rwaje guhanagura Neymar ho icyaha kubera kubura ibimenyetso bifatika ku cyaha yashinjwaga, icyo gihe akaba yari agikinira ikipe ya FC Barcelona.

Ubwo igice cya 4 cya Filimi ‘La Casa de Papel’ cyasohokaga, abantu benshi ku isi bahise bagisamira hejuru kubera isura y’uyu mukinnyi w’ikipe y’umupira w’amaguru ya Paris Saint Germain akaba n’uw’ikipe y’igihugu ya Brazil usanzwe ari ikirangirire ku isi bikaba byanahuriranye n’uko ibice byabanje by’iyi filimi byari byarigaruriye imitima y’abakunzi ba sinema ku isi.

Filimi ‘Heist Money’ benshi bazi nka La Casa de Papel (ubujura bw’amafaranga) ni filimi y’uruhererekane ivuga ku itsinda ry’ibisambo bijya kwiba muri banki y’igihugu byageramo bikiba amafaranga menshi cyane kandi ntibifatwe.

Iyi filimi irimu zakunzwe cyane ku isi ndetse zinjiza amafaranga menshi kuko raporo y’ikinyamamakuru Express.co.uk igaragaza ko igice cyayo cya 3 cyaherukaga kikimara gusohoka mu cyumweru kimwe gusa cyari kimaze kurebwa n’abasaga miliyoni 34.

Amashusho y’igice cya kane ari nacyo Neymar arimo akaba yaratangiye gufatwa mu ntangiriro z’uyu mwaka wa 2020.


Neymar yabaye umwe mu bakinnyi ba filime ya ’La Casa de Papel’


INKURU ZA :
Tanga Igitekerezo
Ibitekerezo 1
latino gang Kuya 20-04-2020

be sure kunkuru mwandika!!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...