konka coffee
KONKA

AMAKURU

UKWEZI
Minijust

Umukobwa ushinjwa gutuka Mwiseneza Josiane bahatana muri Miss Rwanda 2019 yisobanuye

Umukobwa ushinjwa gutuka Mwiseneza Josiane bahatana muri Miss Rwanda 2019 yisobanuye
8-01-2019 saa 19:22' | By Nsanzimana Ernest | Yasomwe n'abantu 6886 | Ibitekerezo 2

Mu gitondo cyo kuri uyu wa Kabiri nibwo ku mbugankoranyambaga hagaragaye ifoto y’ umukobwa witwa Uwihirwe Casmir Yasipi ari kumwe na Mwiseneza Josiane ufite abafana benshi kuva yatangira guhatana muri Miss Rwanda 2019.

Iyi foto yanditsemo ngo ‘Savage’ inkoranyamagambo y’ icyongereza yitwa Longman igaragaza ko Savage bivuga ikintu cyangwa umuntu w’ umugome nanone kandi bikavuga umuntu utazi ibigezweho (umuturage).

Iyi foto ikimara kugaragara kuri instagram ya Uwihirwe Casmir Yasipi wambara numero 21 muri Miss Rwanda 2019 abakunzi ba Mwiseneza bahise batangira kwibasira uyu mukobwa Uwihirwe.


Uwihirwe na Mwiseneza iyi foto yanditswemo aya magambo bayifotoje ubwo bari batumiwe mu kiganiro kuri Radiyo Rwanda.

Uwihirwe yabwiye Ikinyamakuru Isimbi ko nawe iyi foto yanditsemo savage yayibonye ikamutungura kuko atariwe wabikoze. Yavuze ko instagram ye isanzwe ikoreshwa mu kazi ko kwamamaza bityo ko ijambo ry’ ibanga akoresha ayifungura (mot de passe) rizwi n’ abantu benshi atazi ku buryo atazi uwaba yabikoze.

Uwihiwe yavuze yavuze iyi foto yayoherejwe na bamwe muri abo bantu bamubaza ibyo yakoze ibyo aribyo.

Ati “Nabibonye gusa hari byinshi biri kunyigisha burya, gusa ubuzima burakomeza. Icyo nakoze cya mbere ni uguhindura password kuko niba umuntu atatinye gukora biriya hari n’ ibindi yari gukora ugasanga bivuye no muri miss Rwanda na politiki ibigezemo. Bake muribo nzi nibo banyoherereje ariya mafoto bambaza ese wasaze, bimeze, ibi ni ibiki turi kubona?”

Yakomeje agira ati “Kugeza aya masaha nanjye ndacyari mu rujijo uko nabyutse abandi babibona nanjye niko nabyutse mbibona”

Mwiseneza Josiane wo mu karere ka Karongi yinjiye muri Miss Rwanda ahagarariye Intara y’ Iburengerazuba. Uyu mukobwa w’ imyaka 23 kuva ku ijonjora rya mbere ryabereye I Rubavu yahise atagira kuvugwa cyane mu itangazamakuru no ku mbuga nkoranyambaga binamuhesha amahirwe yo kuba mu bakobwa 20 batoranyijwe muri 37 bagahabwa amahirwe yo gukomeza muri iri rushanwa. Ifoto ya Mwiseneza Josiane wagaragaye bwa mbere muri Miss Rwanda 2019 nta bikabyo byo kwisiga n’ inyogosho zidasanzwe yagize likes zirenga ibihumbi 37 kuri instagram bituma aba uwa mbere wakunzwe n’ abafana.


Uwihirwe na Mwiseneza bifotoje batumiwe mu kiganiro kuri Radio Rwanda
Uwihirwe Yasipi Casmir wazize Mwiseneza Josiane bahatanye agatukwa bikomeye ni umukobwa w’imyaka 18 asoje amashuri muri Lycée de Kigali mu ishami ry’Imibare, Ubugenge na Mudasobwa. Asanzwe atuye mu Mujyi wa Kigali ariko yiyamamarije mu Burasirazuba nk’intara akomokamo.

Nawe yemera ko Mwiseneza Josiane ashyigikiwe cyane ku buryo uwamwibasira bitamugwa amahoro.

Ati “Urugendo ruri imbere gushyigikirwa n’ abantu nabyo bizahabwa agaciro mu bizatuma umuntu akomeza. Hanyuma rero kwifata ugatuka umuntu nk’ uriya ubizi ko ashyigikiwe n’ abantu ntabwo waba urimo kubaka izina ahubwo waba uri kurisenya byihagazeho cyane”

Iminsi itageze kuri itanu niyo isigaye ngo abakobwa 20 batsindiye gukomeza muri iri rushanwa bage mu mwiherero aho buri munsi umukobwa umwe azajya asezererwa agataha.

Tariki 26 Mutarama 2019 nibwo Miss Rwanda 2019 uzasimbura Irandukunda Liliane wari Miss Rwanda 2018 azamenyekana.


Uwihirwe Yasip ukekwaho gutuka Mwiseneza Josiane yigeze guhabwa igihembo yahize abandi mu busizi


INKURU ZA :
Tanga Igitekerezo
Ibitekerezo 2
uwizeyimana immaculee Kuya 14-01-2019

mwiseneza josiane arashoboye kuba yarigiriye ikizere byonyine birahagije

NSENGIYUMVA Kuya 11-01-2019

1(UWISHE.URIYAMWA.AFATWE.NABABIGIZEMURUHARI.2ABANTUBATERANYA.ABANDI.ABOBAKOBWA.NIBASANE.IMBABAZI.BABENISHUTI.3ABOBITEGURAKURUSHINGABIRINDE.AMABWIRE.NIBUMVA.AMAGAMBOYAHANZE.NTIBAZANA.MUKOZE.IMANA.IBARINDE

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...