Umunyamakuru Tidjara Kabendera yasezeye muri RBA
Umunyamakuru Kabendera Tidjara wari umaze imyaka igera kuri 18 akorera Ikigo cy’Igihugu cy’Itangazamakuru, RBA, yasezeye ashimirwa ubwitange n’umurava yagize mu mirimo ye muri iyo myaka yose yamaze ari umukizi w’iki kigo.
Kabendera avuga ko yatangiye gukorera RBA, tariki 10 Gicurasi 2002, ari nabwo ijwi ryumvikanaga bwa mbere kuri Radio Rwanda. Ni ukuvuga ngo hashize imyaka 18 yose akorera iki kigo gifite ibitangazamakuru bitandukanye birimo Radio Rwanda, Magic FM na Televiziyo Rwanda ari nabyo akenshi uyu mugore yakunze gukorera.
Mu butumwa yanyujije kuri Instagram ye, Kabendera yaciye amarenga ko yamaze gusezera ndetse na RBA imwifuriza ishya n’ihirwe.
Ubu butumwa bwagabanyijwe mu bice bitatu, butangizwa n’aho avuga ko “Hari ku itariki 10 Gicurasi imyaka hafi 18 ishize ubwo ijwi ryanjye ryumvikanaga bwa mbere kuri Radio Rwanda ! Byari nk’inzozi zibaye impamo kuri jye kuko nari narabyifuje Imana irabikora mbigeraho. Mu by’ukuri sinabyishoboje kuko nta bundi buhanga usibye Impuhwe z’Imana ! Ndashima cyane Imana yabikoze !”
Igice cya Kabiri cy’ubu butumwa avuga ko "Hari benshi twahuriye muri iki kigo iyo myaka yose, babaye inshuti, abavandimwe, abajama mbese ni Umuryango mugari nungutse kandi nabyo ndabishimira Imana ! Hari abo twahuriye mu cyo twita Show Biz, bose bari mu bafashije akazi nkora gukuza izina ryanjye !”
Yakomeje ashimira abakunda ibiganiro yakoraga, ati” Abakunzi mfite ndabizi ko ari benshi nta gushidikanya, mwese twabanye mu biganiro bitandukanye. Mwakomeje kungaragariza ko byose mwabikunze ubutitsa ! Ese ubu imyaka maze munyumva ntiyaba ihagije ra ?ubu sinayamanika ?”
Yashimiye ubuyobozi bwa RBA yakoragaho, by’umwihariko ashimira nyakwigendera Victoria Nganyira wamwakiriye mu kazi. Yashimiye abandi bakoranye barimo Marcel Rutagarama, Jean Lambert Gatare, Fidel Kajugiro Sebarinda, Christine Uwizeye n’abandi bensh
Kabendera Tidjara, ni umugore ufite urugo n’abana bane [abahungu babiri n’abakobwa babiri], ni umunyamakuru kuva mu 2002, aho yahereye kuri Radio5 yakoreraga i Arusha ahava ajya kuri Radio Rwanda nabwo kwihugura nyuma aza kuba umukozi.
Tidjara akigera mu Rwanda yahawe gukora ikiganiro cy’Igiswahili cyitwaga ‘Hodi Hodi Mitaani’, iki ni nacyo umubyeyi we, Kabendera Shinani yakoraga akiri ku Isi. Iki kiganiro kiri mu byatumye Tidjara yiyumvamo imbaraga zikomeye kuko yari atangiye gusigasira umurage wa Shinani.
Aherutse kubwira UKWEZI ko yagiye mu bucuruzi..
Ibibanza byiza bigurishwa mu Bugesera
Isambu nini cyane i Nyamata kugiciro gito
Ikibanza cyiza kinini i Nyamata kugiciro cyiza
Ibibanza byiza bihendutse mu Bugesera miliyoni 6
Inzu nziza Kimironko igurishwa kuri macye
Ibaruwa ifunguye Joriji Baneti yandikiye Rucagu Boniface
Ibaruwa Joriji Baneti yanditse ashima byimazeyo Nzamwita Vincent De Gaule
Ibaruwa Joriji Baneti yandikiye Minisitiri w’Urubyiruko na ICT asaba kujyanwa Iwawa
Ese ni inde Nyirabayazana w’isenyuka ry’ingo rimaze gufata indi ntera muri iki gihe ?
Inkuru isekeje wabona nk’urwenya ariko irimo amasomo akomeye cyane
Ibyiza byo gukundana n’umukunzi uba kure yawe
Izi nizo mpamvu nyamukuru zituma umusore mumaze gusambana atongera kuguha agaciro 
