AMAKURU

UKWEZI
ubumwe

Uwaririmbye ‘Asimbonanga na Ibhola lethu’ zikunzwe muri Afurika yitabye Imana

Uwaririmbye ‘Asimbonanga na Ibhola lethu’ zikunzwe muri Afurika yitabye Imana
17-07-2019 saa 08:56' | By Nsanzimana Ernest | Yasomwe n'abantu 889 | Ibitekerezo

Umuririmbyi wo muri Afurika y’ Epfo Johnny Clegg wabifatanyaga no kwandika ibitabo yitabye Imana ku myaka 66 azize indwara ya kanseri y’ impindura(Pancreas) . Uyu mugabo ni umwe mu bazungu bake bagize uruhare mu kurwanya ivanguraruhu ryakorerwaga abirabura muri Afurika y’ Epfo.

Muri 2015 nibwo abaganga babwiye Johnny Clegg ko arwaye kanseri y’ impindura. Yaguye iwe mu rugo I Johannesburg kuri uyu wa Kabili tariki 16 Nyakanga 2019 nk’ uko byatangajwe na Roddy Quin wari manager we mu muziki.

Guverinoma ya Afurika y’ Epfo yavuze ko uyu muhanzi azibukwa nk’ intwari kuko yagaragaje ko umuziki wakunga abantu.

Clegg yavutse mu 1953, nyina yari umucuranzi wa Jazz. Ababyeyi be batandukanye akiri muto bituma ava aho yavukiye muri Zimbabwe ajya kwibera mu mihanda yo mu mujyi wa Johannesburg aho yatungwaga no gucurangira gitari abahisi n’ abagenzi bakamuha udufaranga.

Azwi cyane ku izina rya White Zulu, kuko yatangiye aririmba mu rurimi rw’ Ikizulu.

Mu 1979 nibwo Clegg yasohoye album ye ya mbere yise ‘Universal Men’ yatumye ahinduka umuririmbyi wabigize umwuga. , when Clegg turned professional.

Uyu mugabo waririmbye indirimbo yitwa ‘Juluka’ mu 1982-1983 yakoreye ibitaramo mu Burayi no muri Amerika ya Ruguru. Indirimbo ze zarakunzwe mu Buransa, mu Bwongereza no muri Afurika by’ umwihariko muri Afurika y’ Epfo.

Mu 1987 nibwo yaririmbye indirimbo yakunzwe cyane muri Afurika n’ ubu igikunzwe yitwa ‘Asimbonanga’. Iyi ndirimbo yayihimbiye Nelson Mandela wamaze imyaka 27 afungiye kurwanya ivangura.


Johnny Clegg, ni umwe mu bazungu barwanyije ivangura abazungu bakoreraga abirabura muri Afurika y’ Epfo

Ubutumwa bw’akababaro no kwihanganisha umuryango we bwakomeje kwisukiranya kuri uyu mugabo wakoze muzika yamagana ivanguramoko ryakorwaga n’abazungu nawe ari umuzungu.

Johnny yaririmbye mu mihango yo guherekeza umukambwe Nelson Mandela. Johnny asize umugore bari bamaranye imyaka 31 n’abahungu babiri Jesse na Jaron.

Indirimbo ze nka ’Asimbonanga’ (yaririmbanye na Savuka), ’Scatterings of Africa’, ’Africa’, ’Ibhola lethu’ n’izindi zizakomeza kwibuka ibihe byose


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...