Sosiyete icuruza amashusho, CANAL+ yadabagije abakiliya bayo mu rwego rwo kubafasha kuzaryoherwa n’umukino wa nyuma wa Champions League uzahuza Liverpool na Real Madrid saa tatu z’ijoro kuri uyu wa gatandatu tariki 28 Gicurasi 2022.

Ni umukino uzabera kuri ‘Stade de France’ gusa abanyarwanda bakazawukurikira ku nyakira mashusho zabo bifashishije Dekoderi ya CANAL+ aho uzatambuka kuri shene ya CANAL+ SPORT 3.

Mu rwego rwo gufasha abakiliya bayo kuzaryoherwa n’uyu mukino, CANAL+ iri gutanga icyumweru cy’inyongera cyo kureba amashene yose ya siporo mu gihe umukiliya aguze ifatabuguzi iryo asanganywe ritarashira.

Umukiliya usanzwe agura ifatabuguzi ry’ibihumbi 5,000FRW, iyo ariguriyeho irindi ry’ibihumbi 5,000FRW, ahita ahabwa iminsi 7 y’inyongera yo kureba amashene yose ya CANAL+ SPORT asanzwe aboneka ku ifatabuguzi ry’ibihumbi 20,000FRW. Mu gihe, umukiliya uguze ifatabuguzi ry’ibihumbi 10,000FRW iryo asanganywe ritarashira, we ahabwa iminsi 7 yo kureba amashene yose ya CANAL+ asanzwe aboneka ku ifatabuguzi ry’ibihumbi 30,000FRW.

Umunyarwanda wifuza kuba umufatabuguzi wa CANAL+ ubu afite amahirwe yo kugura Dekoderi iri kumwe n’ibikoresho byayo ku bihumbi 5,000FRW mu gihe igiciro cya Installation nacyo cyashyizwe ku bihumbi 5,000FRW muri poromosiyo yiswe Shuwa Diru.

Uretse umukino wa nyuma wa Champions League, muri Kamena 2022, CANAL+ kandi izerekana n’imikino y’amajonjora yo gushaka itike y’igikombe cy’Africa cyo muri 2023, aho u Rwanda ruri no kwitegura umukino ukomeye uzaruhuza na Senegal.

Umukiliya wifuza kugura ifatabuguzi rya CANAL+ ashobora kunyura k’umucuruzi wemewe wa CANAL+, iduka rya CANAL+ cyangwa akifashisha ikoranabuhanga, nka MTN MOMO (*182*3*1*4#) cyangwa Airtel Money (*500*7#).