konka coffee
KONKA

AMAKURU

UKWEZI
Minijust

Ibikubiye mu IBARUWA iteye agahinda Patrice Lumumba yandikiye umugore we mbere y’ uko yicwa

Ibikubiye mu IBARUWA iteye agahinda Patrice Lumumba yandikiye umugore  we mbere y’ uko yicwa
5-01-2019 saa 10:07' | By Nsanzimana Ernest | Yasomwe n'abantu 4527 | Ibitekerezo 3

Patrice Lumumba, wabaye Minisitiri w’ Intebe wa Mbere wa Repubulika ya Demukarasi ikitwa Zaïre yishwe mu 1961 afite imyaka 36. Iyi twari yishwe tariki 17 Mutarama, umunsi yicwa hafashwe amashusho y’ abamufashe. Ni ingabo zategekwaga na Joseph-Désiré Mobutu wafashe ku ngufu.

Lumumba yarwanyije abakoroni aba inshuti y’ Abarusiya bishobora kuba ari nacyo cyatumye Amerika itamurengera.

Patrice Lumumba yahinduye igihugu mu mezi atatu yamaze ku butegetsi, aharanira ko Afurika ishyira hamwe kugeza abizize. Ubwo yari muri gereza yandikiye abanyapolitiki amabaruwa menshi, umuryango we, n’ inshuti ze avuga ko atewe impungenge ni ibyaberaga mu gihugu cye anabamenyesha ko afite icyizere ko Kongo Kongo n’ Afurika igihe kizagera ntibikomeze gucunaguzwa.

Iyi niyo BARUWA yandikiye umugore we Pauline Lumumba

Ku mugore wanjye nkunda,

Kwandikiye aya amagambo ntazi niba azakugeraho nkiri muzima. Naharaniye ubwigegenge bw’ igihugu cyanjye, icyo ntashikidikanya ni uko tuzabugeraho niyo twatanga ubuzima bwacu. Icyo dushakira igihugu cyacu ni ubuzima bwubashywe, igitinyiro kizira icyasha, ubwigenge buzira kuvugirwamo. Abakoloni b’ Ababiligi, n’ inshuti zabo z’ Abanyamerika ibyo duharanira ntibabishaka na gato.

Bahaye ruswa bamwe mu barwanashyaka bacu, ngo bave ku kuri mu rwego rwo gutesha agaciro ubwigenge. Navuga iki kindi se? Mfuye, ndi muzima, mfunze cyangwa ndekuwe n’ abakoloni ubumuntu bwanjye nibwo mpa agaciro. Nubwo abaturage ba Congo bakennye, bagaraguzwa agati, ukwemera kwanjye gukomeyeho kandi igihe kizagera bigaraganzure abanzi babo izuba rirase.

Ntabwo turi twenyine. Afurika, Asia n’ abandi mu mfuruka zose z’ isi bamaze kwibohora bari kumwe na za miliyoni z’ Abanyekongo bazaga agasuzuguro kugeza batsinze.

Ku bana banjye nasize, nshobora no kutazongera kubona ukundi. Ahazaza ha Kongo ni heza, icyo mbitezeho ni ukurangiza ikivi giteye ubwoba natangiye cyo guharanira ubwigenge n’ ubusugire, nta gitinyiro nta bwigenge buba buhari, nta bwigenge nta kwishyira ukizana.

Guhohoterwa, gutukwa no kwicwa urubozo ntibizatuma mva kwizima kubera ko nahitamo gupfa aho kubaho mu bwoba. Umunsi umwe amateka azabara inkuru z’ ibihugu byibohoye aho kuba inkuru z’ imijyi za Brussels, Washington, Paris na United Nations. Afurika izaba izabara inkuru yayo amajyaruguru, amagepfo na Sahara izaba ari inkuru y’ ikuzo n’ igitinyiro.

Mwindirira, mugore wanjye! Nziko igihugu cyanjye kibabaye kizamenya guharanira ubwigenge bwacyo.

Harakabaho Kongo, harakabaho Afurika!


INKURU ZA :
Tanga Igitekerezo
Ibitekerezo 3
jado Kuya 7-01-2019

Iyi nkuru ni nziza igaragaza uko afrika yari ifite abayitekerereza bayikunda. Iyo bitabaho ngo hagire abitanga ntacyari kuzagerwaho.

None mwatubwira, uyu mubyeyi cyangwa abana be baracyariho? byaba byiza tubonye iryo tohoza

gatare Kuya 6-01-2019

Intego LUMUMBA yaharaniraga yari nziza.Ariko se byatanze iki?Nibyo koko DRC yabonye "ubwigenge".Ariko se bwayimariye iki?Birutwa niyo itabubona.LUMUMBA,yashatse kuba nka YESU,apfira Abanyekongo.Aho batandukaniye,nuko intego Yesu yashakaga azayigeraho nta kabuza nubwo byatinze.Impamvu yadupfiriye,nukugirango tuzabone "ubuzima bw’iteka" mu isi nshya izaba paradizo cyangwa mu ijuru rishya bivugwa muli 2 Petero 3:13.Impamvu Imana itinda kuzana iyo si nshya n’ijuru rishya bivugwa muli uwo murongo,nukugirango abantu bihane.Byisomere muli 2 Petero 3:9.Ariko kubera ko banga kwihana,bakibeshya ko ubuzima gusa ari shuguri,amafaranga,politike,etc...,irenda kuzana imperuka,igakura mu isi abantu bose bameze gutyo,igasigaza abayumvira gusa.Byisomere muli Imigani 2:21,22.Hanyuma ibibazo byose dufite bikavaho burundu.Niyo LUMUMBA ategeka DRC,nta kibazo na kimwe yari kuguraho:Ubukene,akarengane,etc..

soma Kuya 5-01-2019

oh lala mbega ibaruwa ibabaje.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...