Umuyobozi w’ Ishami ry’Umuryango w’Abibumbye ryita ku buzima OMS avuga uyu muryango watanze impuruza rugikubita ko hari icyorezo simusiga (coronavirus nshya) gitangiye kwibasira Isi ariko ibihugu ntibyabiha agaciro ngo bikurikize hakiri kare inama uyu muryango wari utanze.
Dr Tedros Adhanom Ghebreyesus mu butumwa yageneye Isi tariki 27 Mata yavuze ko OMS/WHO yaburiye Isi kuri covid-19 tariki 30 Mutarama 2020, icyo gihe hari hamaze kuboneka abarwayi 82 gusa mu Bushinwa.
Atangaza ibi mu gihe, Leta zunze ubumwe za Amerika bivuzwe na Perezida wayo Donald Trump imaze iminsi yikoma Ubushinwa na OMS ko bataburiye Isi hakiri ku bukana bwa covid-19.
Dr Tedros ati “Isi yakabaye yarumviye OMS ikitonda” niko yabwiye abanyamakuru mu kiganiro yagiranye nabo mu buryo bw’iyakure.
Kugeza ubu ku Isi abamaze kwandura barenga miliyoni 3 ku isi, abakize barenga miliyoni, abapfuye bageze ku bihumbi 228.
AFP