AMAKURU

UKWEZI
cheno 2020

Perezida Magufuli yatangaje ko covid-19 yageze mu rugo rwe

Perezida Magufuli yatangaje ko covid-19 yageze mu rugo rwe
18-05-2020 saa 07:46' | By Nsanzimana Ernest | Yasomwe n'abantu 2772 | Ibitekerezo 1

Perezida wa Tanzania John Pombe Magufuli yatangaje ko umuhungu we yanduye coronavirus akizwa no kunywa imvange y’indimu na tangawizi.

Yabitangarije mu ijambo yavugiye mu mujyi avukamo wa Chato mu majyaruguru ashyira uburengerazuba bwa Tanzania, kuri iki Cyumweru tariki 17 Gicurasi 2020.

Ati “Umuhungu wanjye yanduye iyi virus yifungirana mu cyumba, anywa imvange y’indimu na tangawizi arakira ubu ari gukora imyitozo ngororamubiri (pompaje)”.

Yasabye abanyatanzaniya gukomeza imirimo yabo, avuga ko iyi virusi izakomeza gukwirakwira ariko ngo igihe kizagera ihagarare.

Yavuze kandi ko abazandura iyi virusi bazanywa imvange ya tangawizi n’indimu nk’uko umuhungu we yabigenje.

Magufuli kandi yanavuze ko iyi virusi iri kugabanuka, avuga ko mu minsi iri imbere azafungura imikino n’imyidagaduro, ubukerarugendo n’amashuri kuko ngo Abanyatanzaniya bakeneye kwidagadura.

Yasabye abaturage gukomeza gusenga kuko ngo kuba coronavirus iri kugabanuka muri iki gihugu biraterwa n’uko Imana yumvise amasengesho yabo.

Iyi virusi ikigaragara muri Tanzania, Perezida Magufuli yanze ko ibikorwa by’amasengesho bihagaragara avuga ko Imana ariyo izabakiza iyi virusi bityo ko abaturage bakwiye gukomeza gusenga.

Tariki 9 Gicurasi 2020, Tanzania yakiriye umuti wa covid-19, Covid Organics wakozwe na Madagascar ivuga ko igiye kuwuha abarwaye covid-19. Ni mu gihe Ishami ry’umuryango w’abibumbye ryita ku buzima nta muti riremeza ko uvura covid-19 ahubwo risaba abaturage kwirinda kunywa umuti utaremezwa mu buryo bwa siyanse.

Mu ntangiriro z’uku kwezi kandi Perezida Magufuli yavuze ko ibikoresho biri gukoreshwa mu gupima iyi virusi bishobora kuba bitujujuje ubuziranenge kuko ngo yafashe ibipimo ku giti cy’imbuto no ku itungo bapimye bemeza ko kimwe kirwaye coronavirus ntibanabasha gutahura ko icyo gipimo kitafatiwe ku muntu.

Ikigo cy’Abanyamerika gishinzwe kurwanya indwara z’ibyorezo CDC kivuga ko ikimera kidashobora kwandura coronavirus.

Mu mpera z’icyumweru gishize kandi Tanzania yafunze umupaka uyihuza na Kenya na Somalia mu rwego rwo kwirinda covid-19.

Minisitiri w’Ubuzima wa Tanzania yatangaje ko ikamyo zizanye imizigo zizajya zigera ku mipaka zihagarare haze umunyatanzaniya afate iyo kamyo ayitware ayigeze aho yari igiye ipakurure, hanyuma ayisubize ku mupaka umushoferi wayo yongere ayifate agende.


INKURU ZA :
Tanga Igitekerezo
Ibitekerezo 1
cubahiro hugue daddy Kuya 4-06-2020

covid-19 izorangira igh Yehova azokuraho indwara nugusenga can dukoreshej izina ry,Imana

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...