konka coffee
KONKA

AMAKURU

UKWEZI

Abana b’abanyeshuri b’Abanyarwanda bigaga muri Uganda baburiwe irengero

Abana b’abanyeshuri b’Abanyarwanda bigaga muri Uganda baburiwe irengero
2-04-2018 saa 09:01' | By Vincent Nsengiyumva | Yasomwe n'abantu 9193 | Ibitekerezo 4

Abana babiri b’abanyeshuri bigaga mu ishuri ribanza ry’Abadiventisite b’umunsi wa Karindwi riri i Kabare muri Uganda ryitwa Adventist Parents School, baburiwe irengero bikaba bikekwa ko baba barashimuswe.

Aba bana uko ari babiri barimo uwitwa Vincent Isingizwe wigaga mu mwaka wa Kabiri na mugenzi we witwa Sabato Mugisha wigaga mu mwaka wa Kane bombi bari Abanyawanda.

Umucungamutungo w’iri shuri Doreen Tukahirwa, yatangarije ikinyamakuru Chimpreports cyandikira muri Uganda dukesha iyi nkuru ko aba bana bombi b’abanyarwanda baburiwe irengero mu ijoro ryo kuwa Gatanu tariki ya 30 Werurwe mu masaha ya saa mbili n’igice z’ijoro.

Tukahirwa yavuze ko bakimara kumenya aya makuru ko bahise bihutira kubimenyesha sitasiyo ya polisi iri mu mujyi wa Kabare batangira kubikurikirana.

Yakomeje avuga ko bamenyesheje abantu ko uwagira amakuru ayo ariyo yose yamenya ku ishimutwa ry’aba bana yakihutira kumenyesha ikigo bigagaho cyangwa se sitasiyo ya polisi imwegereye kugira ngo babe bashakishwa.

Chimprepports ikomeza ivuga ko yagerageje kuvugana n’Umuyobozi w’iri shuli Fred Byobusingye, kugira ngo bamenye icyo avuga ku ibura ry’aba bana ariko bamubura ku murongo wa telefoni ye ngendanwa kuko inshuro zose bamuhgamagaraga basanze izimije.

Umukuru wa Polisi yo mu karere ka Kabare Dickens Bindeba the Kabale, yemeje iburirwa irengero ry’aba bana b’Abanyarwanda, akomeza ko bahise batangira gukora iperereza ry’imbitse bakimara kumenya amakuru.

Ibura ry’aba bana b’abanyarwanda rije nyuma y’iminsi mike undi mugabo w’umunyarwanda witwa Claude Iyakaremye aburiwe irengero nyuma yo gufatirwa aho bategera imodoka rusange n’abantu batamenyekanye bari mu modoka ya gisirikare cyo muri iki gihugu.

Ishimutwa rya Claude Iyakaremye ryabaye nyuma y’amasaha macye Perezida wa Repubulika y’u Rwanda agiranye ibiganiro na Perezida wa Uganda Kaguta Museveni, byibanze ku mutekano mucye w’abanyarwanda baba muri Uganda, aho bashimutwa bagakorerwa ibikorwa by’iyicarubozo n’urugomo rwa hato na hato maze bemeranya ko bigiye gushakirwa umuti wihuse.

Kuri iki kibazo cy’abanyarwanda bakorerwa iyicarubozo muri Uganda bashinjwa ko ari intasi, Museveni yavuze ko abakuru b’ibihugu byombi bemeranyije ko inzego zishinzwe ubutasi zagirana imikoranire ya bugufi kugira ngo bajye babona ibimenyetso bihagije kuri buri kibazo.

Abakurikiranira hafi ibi bintu bemeza ko bishobora kubera imbogamizi zikomeye imigambi yo kubyutsa umubano hagati y’u Rwanda na Uganda nk’uko abakuru b’ibihugu babyemeranyije mu cyumweru gishize.

ISOMERE INDI NKURU BIFITANYE ISANO HANO Undi munyarwanda yashimutiwe i Kampala muri Uganda


INKURU ZA :
Tanga Igitekerezo
Ibitekerezo 4
iganze Kuya 3-04-2018

Ko ntacyo batubwiye ku babyeyi babo? Bari mu Rwandacga bari Uganda? Nyagasani arengere aba bana.

uwizeye Kuya 2-04-2018

ibi ni ugukabya utwana two muri primary ntabwo twakekwaho ubutasi ahubwo Wenda ni ababibye cg bayobye naho gukeka igihugu byaba ari ugukabiriza

Bobly swagger Kuya 2-04-2018

Ibibintu birababaje nukur, leta y’Urwanda Irebe uko yabijyenza kuko birakabije!

Munyansanga Kuya 2-04-2018

Ariko namweeeeeee!!! Ibya Chimprepports sinjya mbyumva neza.Ubanza yaraziye kwenyegeza.Utu twana se koko?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...