AMAKURU

UKWEZI
ubumwe

Abasirikare ba Uganda bamaze iminsi ibiri mu gasozi hafi y’ u Rwanda na Congo babuze essence

Abasirikare ba Uganda bamaze iminsi ibiri mu gasozi hafi y’ u Rwanda na Congo babuze essence
5-07-2019 saa 10:55' | By Nsanzimana Ernest | Yasomwe n'abantu 2604 | Ibitekerezo

Abasirikare ba Uganda babarizwa muri batayo ya 35 bamaze iminsi ibiri mu gihuru hafi y’ umupaka w’ u Rwanda na Repubulika ya Demukarasi ya Kongo essence yabashiriyeho.

Umusirikare wo muri iyo batayo yavuze ko umuyobozi wayo acunga nabi umutungo bikaba byarabagizeho ingaruka bakamara iminsi ibiri mu gihuru barabuze uko bava aho bari bagiye gucunga umutekano kuko essence yari yabashiriyeho.

Ati “Abasirikare bacu bamaze iminsi ibiri mu gihuru”, niko uyu musirikare wanze ko umwirondoro we utangazwa yirinda ko byamugiraho ingaruka yavuze.

Yongeyeho ati “Abasirikare bahamagaye ku birindiro basaba essence ariko ntibahabwa ubufasha. Bamara iminsi ibiri mu gasozi, nta biryo, nta mazi”.

Uyu musirikare yavuze ko bagenzi bagombye kwishakamo amafaranga bagura essence babona kuva aho imodoka yabo yari yaheze.

Abasirikare bavuga ko Lt Col Bataringaya uyobora Batayo ya 35 ariwe ufite mu biganza ibikorwa byose bya gisirikare , ndetse n’ abashinzwe ingendo z’ abasirikare nta burenganzira bafite ku bikoresho bakenera.


Lt Col Bataringaya ushinjwa gucunga nabi umutungo wa gisirikare bigatuma abasirikare bamara iminsi ibiri ku gasozi essence yabashiriyeho

Chimpreports yavuganye n’ umuvugizi w’ igisirikare cya Uganda Richard Karemire, nawe avugisha Lt Col Bataringaya wahakanye ibyo ashinjwa.

Yagize ati “Navuganye na Bataringa ambwira ko atari ukuri. Komanda yambwiye ko iyo modoka yahamaze iminota 30 kandi ko ariwe wohereje essence yo kuyihakura saa yine z’ ijoro”.

Iki kibazo cyabereye ahitwa Kateteri mu karere ka Kisoro. Iki kinyamakuru cyakoze iperereza kibona gihamya ko iyi kamyo ya gisirikare yamaze iminsi ibiri mu gihuru.

Ikimenyetso cya mbere ni ifoto abo basirikare bafotoye imodoka ku manywa bwabakereyeho. Ngo ntabwo aho hantu nyuma yo kuvayo basubiyeyo ku buryo iyo foto yaba yarafotowe nyuma.


Iyi modoka yafotowe ku manywa nyamara Lt Col avuga ko yahise yohereza essence saa yine z’ ijoro abasirikare bagataha.

Indi gihamya ni ifoto yohererejwe umunyamakuru y’ abasirikare baryamye aho imodoka yari yaheze bigaragara ko bashonje kuko bari bahamaze iminsi ibiri.

Aba basirikare bavuga ko ahantu iyo modoka yabuze essence igeze ari ahantu habi bashoboraga guhurira n’ umwanzi kuko ari hafi ya Bunagana muri Kongo hakaba no hafi y’ umupaka wa cyanika. Bavuga ko iyo bagabwaho igitero batari kubasha kwirwanaho kuko bari bashonje.

Umuvugizi wa UPDF Brig. Richard Karemire yavuze ko iki kibazo kigiye gurwaho iperereza n’ inzego zibishinzwe hafatwe ingamba nk’ uko bisanzwe bigenda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...