AMAKURU

UKWEZI
ubumwe

Bisi ya GAAGAA yari itwaye abantu 65 yafashwe n’ inkongi shoferi aburirwa irengero

Bisi ya GAAGAA yari itwaye abantu 65 yafashwe n’ inkongi shoferi aburirwa irengero
5-08-2019 saa 09:06' | By Nsanzimana Ernest | Yasomwe n'abantu 5059 | Ibitekerezo

Bisi itwara abagenzi ya Gaagaa Bus Company kuri iki cyumweru tariki 4 Kanama 2019 yafashwe n’ inkongi ubwo yari igeze mu karere ka Nebbi.

Iyi bisi UBB 991Y yakongotse ubwo yari ivuye Kampala Kampala yerekeje Koboko inyuze Nebbi. Yafashwe n’inkongi saa kumi z’ umugorona nk’ uko abari bayirimo babitangaza.

Ababonye iyi mpanuka bavuga abagenzi 65 bari bayirimo bose bavuyemo ari bazima naho umushoferi wari uyitwaye Kayim Kayimbi akaba yahise ayivamo akiruka.

Umugenzi Emmy Mulindwa wari muri iyi bisi yavuze ko babanje kuva urusaku bakayoberwa ibibaye.
Yagize ati “Twumvise urusaku rwinshi kuko twari twicaye imbere tumenya ko byanze bikunze hari ikibazo kivutse kuko shoferi yari amaze kunyura kuri za dodane. Nabanje kubona umwotsi mwinshi nyuma y’ amasagonda make mbona umuriro duhita tubwira n’ abari bicaye inyuma twese turasohoka”.

Umuyobozi wa Polisi ya Uganda ishinzwe umutekano wo mu muhanda mu karere ka Nebbi, Rogers Amanya yavuze ko abagenzi bose bavuyemo ari bazima ariko imodoka ikangirika bikomeye.

Yagize ati “Yarimo abagenzi 65 nta n’ umwe wakomeretse. Turimo gushaka umushoferi Kasim Kayimbi kuko yahise azimira akimara kubona ko ibintu bigenze nabi”.

Polisi ishinzwe umutekano wo mu muhanda ivuga ko iyi nkongi yaba yatewe no guturika kw’ ipine.

Umuyobozi wa Gaaga coaches mu gace ka Nyaravur Denis Juma nawe yemeje ko nta muntu n’ umwe wagiriye ikibazo muri iyi mpanuka ndetse ko iyi kampani yahise yohereza indi bisi igakomezanya aba bagenzi.

Yagize ati “Bisi yacu nshya kuri uyu mugoroba yagize impanuka ariko nta wapfuye. Abagenzi bose bavuyemo ari bazima ndetse bageze Arua amahoro. Turakomeza kugenzura ibyangirikiye muri iyi mpanuka kugira ngo banyirabyo bishyurwe”.

Ntabwo icyateye iyi nkongi kiramenyekana mu by’ ukuri kuko iyi bisi ari mu mu mabisi iyi kampani ya Gaagaa yari iherutse kugura.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...