AMAKURU

UKWEZI
ubumwe

Pilote umaze amasaha 2000 mu kirere akoze igikorwa cy’ ubutwari atabara abarenga 200

Pilote umaze amasaha 2000 mu kirere akoze igikorwa cy’ ubutwari atabara abarenga 200
15-08-2019 saa 10:53' | By Nsanzimana Ernest | Yasomwe n'abantu 7307 | Ibitekerezo 3

Mu gitondo cyo kuri uyu wa 15 Kanama 2019 , umupilote witwa Damir Yusupov ari gukomerwa amashyi kubera igikorwa cy’ ubutwari yakoze kigatabara ubuzima bwa ba mukerarugendo 226.

Iyi ndege ubwo yari igihaguruka ku kibuga mpuzamahanga cya Moscow inyoni yinjiye muri moteri, indege igeze hejuru indi nyoni ifatwa muri moteri ya kabiri.

Nk’ uko byatangajwe na Televiziyo yo mu Burusiya 1TV, moteri imwe yahise itangira kwakamo umuriro indi ihita izima, pilote ahamagara asaba kugwa igitaraganya, ahita afata icyemezo cyo kugusha iyo ndege mu murima w’ ibigori muri Moscow.

Nta muntu n’ umwe wapfiriye muri iyi ndege gusa hari abantu 23 bakomeretse barimo umugore utwite n’ abana 9.

Capiteni niwe wahaye pilote Damir Yusupov uburenganzir bwo kumnura indege. Yagize ati “Hitamo ahantu ho kugwa ubundi ugwe”, ubwo uyu mupilote umaze gutwara indege amasaha ibihumbi 2 yamanuraga indege hari hashize akanya moteri zizimya akongera akazatsa.

Sosiyete Ural Airlines yatangaje ko ubwo indege yahagurukaga mu kibuga hari inyoni nyinshi.

Iyi ndege Airbus-321 yari ihagurutse I Moscow yerekeza muri Crimea ijyanyeyo ba mukerarugendo.

Minisiteri y’ Ubutabazi mu Burusiya yatangaje ko abakomeretse barimo uwavunitse ukuboko n’ abana bagize ikibazo cy’ ihungabana.

Humvikanye amajwi y’ abatabaza ubwo iyi ndege yagwaga. Umwe mu bari muri iyi ndege yagize ati “Turahanutse ariko pilote w’ intwari agushize neza igisiga(indege)”.

Uyu mugenzi yakomeje ashimira itsinda ryari ritwaye iyi ndege ati “Mbakuriye ingofero. Sinshobora kuvuga ntuje umutima wanjye uri mu isiganwa. Ndashimira njye ubwanjye n’ abandi twese turokotse iyi mpanuka…Ahh byari biteye ubwoba cyane”.

Lyudmila Kolesnikova ati “Damir (pilote) ndagushimira ubunyamwuga, no ku bw’ ubuzima bwose utabaye uyu munsi. Imana iguhe kuramba”.




Abari mu ndege bihutiye gusohokamo ngo idafatwa n’ inkongi bagahiramo


Pilote Damir amaze amasaha ibihumbi 2000 atwaye indege


INKURU ZA :
Tanga Igitekerezo
Ibitekerezo 3
Hi Kuya 15-08-2019

Ni Imana yabikoze. Ishimwe

Hi Kuya 15-08-2019

Ni Imana yabikoze. Ishimwe

HITAYEZU Kuya 15-08-2019

IMANA ISHIMWE CYANE

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...