AMAKURU

UKWEZI
pax

Ubuzima bwa benshi buri mu kaga kuko amazi y’ ikiyaga cya Victoria ari kurenga inkombe

Ubuzima bwa benshi buri mu kaga kuko amazi y’ ikiyaga cya Victoria ari kurenga inkombe
3-05-2020 saa 06:58' | By Nsanzimana Ernest | Yasomwe n'abantu 2992 | Ibitekerezo

Imvura idasanzwe imaze iminsi igwa mu bihugu byo hafi y’Ikiyaga cya Victoria imaze kugira ingaruka mbi ku bucuruzi, ibihumbi by’abaturage ba Uganda bakuwe mu byabo, ndetse n’ibikorwaremezo byinshi byamaze kwangirika. Izi ngaruka ntabwo ziri kuri Uganda gusa ahubwo izisangiye na Kenya na Tanzania.

Ibiro bya Minisitiri w’Intebe wa Uganda bitangaza ko kuva muri Gashyantare 2020 kugeza ubu habarurwa abaturage ibihumbi birindwi (7 000) bamaze gukurwa mu byabo.

Abaturage iki kiyaga kimaze kugiraho ingaruka, ni abari batuye hafi yacyo n’abari batuye mu birwa bikirimo. Kugeza ubu amazi y’iki kiyaga amaze kugera kuri metero 13,12 uvuye ku nkombe zisanzwe. Ikibazo nk’iki cyaherukaga mu 1964 ubwo amazi y’iki kiyaga yiyongeraga akagera kuri metero 13,46 uvuye ku nkombe.

Minisitiri wa Uganda ushinzwe gukumira ibiza, Musa Echweru avuga ko kugeza ubu abantu 1000 bari batuye mu birwa byo muri iki kiyaga bamaze kwimurwa.

Ati “Twabahaye amahema, n’ibyo kurya byo kuba bifashishije tubabwira ko biriya birwa atari ibyo guturwamo ariko hari abinangiye banga kujya gutura ku butaka bwo hanze y’ikiyaga”.

Mu kwa 12 umwaka ushize nibwo inkombe z’iki kiyaga zikora kuri Uganda,Kenya na Tanzania zatangiye kurengerwa n’amazi by’umwihariko ahari umucanga abantu bajya kuruhukiraho(beach),amahoteli n’ibindi bikorwaremezo.

Imitungo ifite agaciro kabarirwa mu mamiliyoni y’amashingi muri Entebbe na Jinja muri Uganda, ukongera iya Kisumu, Siaya, Migori, ikigobe cya Homa, Busia muri Kenya yarangiritse. Ibi ninako byagenze I Mwanza muri Tanzania.

Ikinyamakuru cyo muri Uganda Chimpreports cyatangaje ko ubwiyongere bw’aya mazi bwagize ingaruka ku bwikorezi bwayakorerwagamo.

Muri Kenya, umwuzure uterwa n’amazi ava muri iki kiyaga umaze kwica abantu 169, abandi bakuwe mu byabo kandi wanangije ibiraro unakoma mu nkokora ubucuruzi n’ingendo.

Theeastafrican ivuga ko hari video yafatiwe ku ruhande rwa Uganda yerekana hoteli zo kuri iki kiyaga n’amazu yo kuruhukiramo byamaze kuzengurukwa n’amazi y’ikiyaga.

Uku kwiyongera kw’aya mazi nibwo byateje ivura ry’umuriro tariki 14 Mata ubwo Perezida Museveni yari agiye kugeza ku baturage ubutumwa bujyanye n’icyorezo cya covid-19.

Minisitiri ushinzwe ibidukikije muri Uganda, Beatrice Anywar yabwiye The EastAfrican ko guverinoma y’iki gihugu iri gushishikariza abatuye mu bice bishobora gushyira ubuzima bwabo kuhimuka bakajya ahandi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...