Ku myaka 80, Umwami Kigeli aracyari ingaragu kuko yanze gukora amahano

Kigeli V Ndahindurwa, niwe mwami wa nyuma u Rwanda rwagize mu mateka yarwo, ni we ingoma ya cyami yarangiriyeho ndetse ninawe mwami kugeza ubu ukiri ku isi, aho aba muri Leta Zunze Ubumwe za Amerika. Ubu afite imyaka y’amavuko ikabakaba 80, ariko aracyari ingaragu kuko yanze gukora amahano ngo adateza u Rwanda ibyago.

Tariki 29 Kamena 1936, nibwo umwami Yuhi V Musinga yabyaye umwana w’umuhungu, amwita Ndahindurwa Jean Baptiste. Jean Baptiste Ndahindurwa yavukiye i Kamembe mu burengerazuba bw’u Rwanda, gusa mu 1944, Se umubyara Yuhi V Musinga yapfiriye mu buhungiro nyuma yo guhirikwa n’ababiligi agasimburwa ku ngoma na Mutara III Rudahigwa. Icyo gihe Musinga apfa, Ndahindurwa yari umwana muto w’imyaka 8 gusa y’amavuko.

Nyuma y’urupfu rutunguranye rw’umwami Mutara III Rudahigwa, Jean Baptiste yahise yimikwa aba umwami w’u Rwanda, ahita afata izina rya Kigeli V Ndahindurwa. Icyo gihe yari akiri umusore muto w’imyaka 23 y’amavuko kandi yari atarashaka. Yabaye umwami kuva tariki 25 Nyakanga 1959, kugeza tariki 28 Mutarama 1961, ubwo yahirikanwaga n’ingoma ya cyami, muri kudeta bamukoreye bahengereye yagiye i Kinshasa aho yagombaga kubonana n’Umunyamabanga mukuru w’Umuryango w’Abibumbye, maze Mbonyumutwa Dominique afatanyije n’agatsiko ke ndetse banashyigikiwe n’abakoloni b’ababiligi, bamuvana ku ngoma bahita banasezerera burundu ingoma ya cyami maze hakimikwa ubutegetsi bushingiye kuri Repubulika.

Kigeli V Ndahindurwa yahise ahungira mu cyahoze ari Tanganyika (Tanzania y’ubu), aho yabaga mu mujyi wa Dar Es Salaam. Nyuma yanabaye i Kampala n’i Nairobi, nyuma aza guhungira muri Leta Zunze Ubumwe za Amerika aho yanahawe ibyangombwa nk’impunzi ya Politiki mu 1992, kuva ubwo akaba yibera hafi y’umujyi wa Washington DC. Kuva yahunga, yanze gushaka umugore ari mu buhungiro ndetse n’ubu afite imyaka 80 akiri ingaragu, akaba yaranze gushaka umugore kuko ngo ari ibintu byari gukuririra u Rwanda ibyago bikomeye cyane.

Pasiteri Ezra Mpyisi w’imyaka 94 y’amavuko, ni umwe mu bavugabutumwa bakomeye kandi bafite amateka mu itorero ry’Abadivantisiti b’umunsi wa Karindwi, ariko ikirenze ibyo anafite ubunararibonye mu by’amateka y’u Rwanda n’iby’ingoma ya cyami by’umwihariko, kuko yari n’umujyanama w’umwami Mutara III Rudahigwa wasimbuwe n’uyu Kigeli V Ndahindurwa.

Mu kiganiro yagiranye n’ikinyamakuru Ukwezi.com, Pasiteri Ezra Mpyisi yashimangiye ko Umwami Kigeli V Ndahindurwa, kuba agize imyaka 80 akiri ingaragu ari ibintu asobanukiwe neza, kuko yanze gushaka umugore ari mu mahanga kandi kizira mu muco nyarwanda. Avuga ko mu gihe yari gushaka umugore ari mu mahanga, nta kabuza u Rwanda rwari guhura n’ibyago bikomeye cyane.

Pasiteri Ezra Mpyisi, ashima cyane Kigeli V Ndahindurwa wanze gushaka umugore ari mu mahanga

Pasiteri Ezra Mpyisi, ashima cyane Kigeli V Ndahindurwa kuba yarakomeye ku muco no ku ndangagaciro zarangaga abami b’u Rwanda, akavuga ko n’ubwo ari umuvugabutumwa wemera Imana, azi neza ko hari kirazira zibujijwe mu muco nyarwanda nk’uko hari n’izindi zibujijwe muri Bibiliya. Avuga ko abakiri bato basigaye basuzugura kirazira zizwi mu muco nyarwanda, ibi bikaba ari nabyo bisigaye biteza ibyago bya hato na hato.

Ezra Mpyisi, yabwiye Ukwezi.com ko hari umupasiteri ukomeye wigeze kwegera Kigeli V Ndahindurwa, akamugira inama yo gushaka umugore maze undi akamubwira ko nk’uko kizira ku muvugabutumwa gutandukana n’umugore we, ari nako kizira ku mwami gushaka umugore ari mu mahanga kuko byaba ari ugukora amahano yateza abanyarwanda akaga batazigera babasha kwikuramo.

infunya Kuya 13-12-2016

Nonese abarongoye bo simbona ngo zimaze kubananira
umugore arikeka umugabo umugabo nawe arikeka umugore umwana nuko
bamumwira gutoranya incuti icyavuga nicya atagomba kuvuga mbega amahoro mufite
none Muratuka uwipfiriye

ndebakure Kuya 16-10-2016

mwitonde nituzi Niba yapfuye koko cg Niba ababitangaje batabifitemo inyungu muribuka aba Congo barir imbwakuzimara ?nibyaribyatangajwese mushishoze,ijwirya metric ryabitangaje CG BBC CG itahuka ? muzambwira aha"

bbe Kuya 2-06-2016

ibyo yakoze nibyo kdi ni ubutwari nyagasani azabimuhembere ntaho mureke ku murenganya yakurije umuco kuko we yemeye kwitangira igihugu cye.

Gilbert Kuya 1er-06-2016

ndibuka mu myaka ishize ukuntu I wacu I nyanza hakwirakwijwe igihuha ngo umwami yaje kurongora mu rukali !!! maze ingabo ziracicikana muri Nyanza nkabari guhiga Boko Haram cg Ben raden ! burya koko ingoma zose nuruhu nubwo nkiri muto ndabibona

Gilbert Kuya 1er-06-2016

BRO Kuya 1er-06-2016

Ariko kana urakana koko none se kurongora nibyo bigaragaza umugabo ? kuva na kera abanyarwanda twagiraga kirazira nindanga gaciro kandi ubunyanga mugayo nindanga gaciro buri munyarwanda akwiye kugira Kigeri v ibyo yakoze nanjye nakunga murya Ezra rwose Ndamushima naho KANA wowe ntuzi ibyuvuga.

Sandra Kuya 1er-06-2016

ntaho nsomye ko ashaka ingoma,ikindi yakoze ibyo azi numuntu mukuru

ariko mubona gucira abandi imanza no kugaya ibyabo aribyo bibagira abanyabwenge ?

gatarayiha Marcel Kuya 1er-06-2016

Ntabwo tugomba gusubira inyuma naze nkabandi.

Alexis Ngendakumana Kuya 1er-06-2016

Oya reka kumurenganya ari muribake bashobora kwubahiriza amasezerano biyemeje ningoma je mbona boyimuha kuko afise experience yo kwihangana biraboneka ko yokwihanganira gukemura ibibazo vyabanyagihugu

paul Kuya 1er-06-2016

from rucunshu war ibyago u rwanda rutabonye nibihe.Ikindi cyago gikomeye cyane nukugira abasaza bingaragu yisubireho kbs !!!

pat Kuya 31-05-2016

Ariko nibaza abantu babereyeho gupinga ibivuzwe byose baransetsa,none se urabaza ngo ibyago nibihe uzi icyo bita kirazira ?iyo bavuze se umuco byo wumva icyo baba bavuze ?ubuse uyu musaza umushima urumva arinjiji atazi ibyo avuga,cy wagirango wumvikanishe ko adakwiye guhabwa ingoma ibyiyongoma ntabyo bavuze muge musoma neza mbere yo gutanga ibitecyerezo byanyu.

Kanyange Kuya 31-05-2016

Ibyago abanyarwanda batabonye ni Ibihe ? Naho kutarongora byo si ikibazo. Ashobora no kuba yarabuze umugeni

Dada Kuya 31-05-2016

Ako kaga se nakahe u Rwanda rwahuranako ?ese mwagiye muvuga ibintu bisobanutse cyangwa mugaceceka

Dada Kuya 31-05-2016

Ako kaga se nakahe u Rwanda rwahuranako ?ese mwagiye muvuga ibintu bisobanutse cyangwa mugaceceka

Kana Kuya 31-05-2016

Ibi ni ubugoryi, ubu ni imanzi ? Sha ingoma ni bayimwime nta mugabo wo kutarongora