Minisiteri y’Ubuzima mu Rwanda yatangaje ko kuri uyu wa 29 Kamena 2020 habonetse abarwayi 101 bafite covid-19. Niwo munsi wa mbere habonetse abarwayi benshi. Byatumye umubare w’abanduye ugera ku gihumbi.

Abanduye bashya babonetse mu buryo bukurukira : Kigali:22, Rusizi:3, Rubavu:2, Kayonza:1, Kirehe:1 mu itsinda ry’abafungwa bo mu karere ka Ngoma:72 bahuye n’abanduriye i Rusumo.

Abagororwa bivuga abari mu Gereza bakatiwe n’inkiko, naho abafungwa bivuga abantu bafunzwe ariko batarakatirwa n’inkiko aba baba muri kasho za polisi nk’uko byemezwa na CIP Sengabo Hillary.

Umuvugizi w’urwego rw’Igihugu rushinzwe imfungwa n’abagororwa CIP Sengabo Helaly yavuze ko abantu 72 basanzwemo covid-19 ari imfungwa ziri muri za kasho atari abagororwa bari muri gereza.

Imibare mishya y’abanduye yatumye abamaze kwandura bose hamwe baba 1001, ntawakize bituma abamaze gukira bakomeza kuba 443, abakirwaye babaye 556 bavuye kuri 455.

Ku rwego rw’Isi abamaze kwandura covid-19 barenga miliyoni 10, abo imaze guhitana barenga ibihumbi 500, naho abamaze kuyikira barenga miliyoni 5,6.