Minisiteri y’Ubuzima mu Rwanda yatangaje ko mu masaha 24 ashize mu Karere ka Rusizi hagaragaye abantu 12 banduye Coronavirus bituma umubare w’abamaze kwandura iki cyorezo mu gihugu hose ugera kuri 451.

Imibare ya Minisante igaragaza ko kugeza kuri uyu wa Mbere tariki 8 Kamena 2020, abantu bose bamaze kwandura Coronavirus mu Rwanda ari 451 barimo 12 bagaragaye I Rusizi mu masaha 24 ashize.

Ikomeza igaragaza ko abamaze gukira iki cyorezo ari 279 barimo barindwi bakize mu masaha 24 ashize,ni mu gihe kandi abantu babiri aribo bamaze guhitanwa na Coronavirus. Ni ukuvuga ko abakirwaye ari 152.

Ibipimo bimaze gufatwa kuva ku wa 13 Werurwe ni 78, 259 harimo 1,928 byafashwe mu masaha 24 ashize.

Minisiteri y’Ubuzima itangaza ko abantu bagaragaye I Rusizi bahise bashyirwa ahabugenewe kandi ibikorwa byo gushakisha abahuye nabo bikomeje kugira ngo nabo bashyirwe mu kato.

Itangazo rya Minisante rigira riti "Abarwayi bashya bagaragaye muri Rusizi. Bashyizwe mu kato n’abo bahuye bahise bakurikiranwa."