Tabara Mwiza Deborah, umwana muto cyane utorohewe na gato n’ubuzima arimo

Mwiza Deborah, ni umwana w’umukobwa wavutse tariki 5 Mata 2016, bivuga ko ubu afite amezi atandatu. Yavukanye uburwayi ku mutima, kuburyo umutima we yavutse ufite akobo ka sentimetero hafi imwe n’igice. Ababyeyi be Steven Rutebuka na Jessica Mbabazi bitabaje Umunyamakuru Edmund Kagire, nk’umuntu bari basanzwe bazi wabakorera ubuvugizi, atangiza igikorwa cyo gutabara ubuzima bw’uyu mwana, akaba asaba buri wese ufite umutima w’impuhwe kugira icyo akorera uyu mwana nk’uko yabitangarije ikinyamakuru Ukwezi.com

Abaganga bo ku bitaro byitiriwe umwami Faycal biri ku Kacyiru mu mujyi wa Kigali, bagaragaje ko uburwayi Mwiza Deborah yavukanye bwabasha gukira, ubu hakaba hakenewe amafaranga menshi ngo abashe kujya kuvurizwa mu gihugu cy’u Buhinde. Gusa n’ubwo ari menshi, ubufasha bwa buri wese n’ubwo bwaba ari buto bwaba ari uruhare rukomeye mu kurokora ubuzima bw’uyu mwana.

Mwiza Deborah kandi afite n’ikibazo mu myanya y’ubuhumekero, ariko raporo y’abaganga yagaragaje ko ikibazo cy’umutima gikemutse nabyo byahita birangira kuko ingingo zigize iyo myanya y’ubuhumekero zo nta kibazo zifite. Ibi ariko birihutirwa, ubuzima bwe bwarokoka avuwe vuba bishoboka.

Ababyeyi be Steven Rutebuka na Jessica Mbabazi ntibabasha kwibonera amafaranga asabwa ngo umwana wabo avuzwe mu Buhinde. Bamaze kuvugana n’ibitaro byo mu mujyi wa New Delhi muri iki gihugu cy’u Buhinde, bakaba baramaze kubagaragariza ko hakenewe amadolari 18.000, ni ukuvuga akabakaba 15.000.000 uyabaze mu mafaranga y’u Rwanda. Abaganga kandi bagaragaje ko ubuzima bwe bishobora kuzaba bigoranye kuburokora narenza amezi 7, yaramuka ageze ku mezi 9 bwo bikaba birangiye burundu.

Ababyeyi be bavuga ko yavukanye ubuzima babonaga ari nk’ubw’abandi, ariko nyuma bakabona afite imbaraga nke kandi adashabutse nk’abandi bana bo mu kigero cye. Bafite inzozi zo kuzamubona akuranye ubuzima bwiza n’ubwo ubu batorohewe.

Abantu bafite umutima w’urukundo bumva hari icyo bakora mu gutabara ubuzima bwa Mwiza Deborah, bashobora kunyura ku mubyeyi we Steven Rutebuka ufite telefone nimero +250788651622, naho abari hanze y’igihugu bashobora gutanga ubufasha bwo gutabara uyu mwana babinyujije aha hakurikira : https://www.gofundme.com/fight-for-mwiza-2u3kmhya

NB : N’iyo waba nta bushobozi bw’amafaranga ufite, watanga umusanzu wawe usangiza benshi bashoboka ubu butumwa.

joy Kuya 23-10-2016

trisomie 21 rwose ntabwo ivurwa agize igihe kinini ariho yagira 18 mois kdi nibyo bishobora kumutera nuwo mutima kuko abana bayifite usanga akenshi baba bafite ibibazo by’umutima,

uwumiwe Kuya 21-10-2016

njye narumiwe ! abanyarwanda bari gushira buri munsi kubera kubura ubushobozi bwo kujya kwivuriza mu buhinde ku ndwara igihugu kidashobora kuvura. ariko igitangaje ni uko igihugu kirengaho kikagura drones zidafite umumaro (nk’uko nabo babyivugira ko nta munyarwanda wapfuye azize kubura amaraso) ; mu gihe ujya na chuk bakabura paracetamol ngo minisantÃ© ntazo irabaha ! bakaguha ordonance ese Rwanda uragana he ?

MUCYO Kuya 16-10-2016

Murakoze kuvugira uwo mwana.Mu by’ukuri,usibye kuba uriya mwana yaravukanye ikibazo cy’akenge ku mutima,afite n’ibindi bibazo :
1.Isura ye ubwayo ntisanzwe:afite icyo mu buvuzi bita DOWN SYNDROME cyangwa TRISOMY 21(Uturemangingo twe dufite chromosome ya 21 yigabanijemo gatatu aho kuba kabiri).Ibyo rero bituma agira ikibazo cy’umutima,kudakura nk’abandi,guhorana intege nke,ubwenge buke(ugereranije n’abo mu myaka ye) n’ibindi ntarondoye.
Kubera iyo mpamvu,ntunguwe no kumva muri iyi nkuru umunyamakuru avuga ngo umwana abazwe umutima yahita akira,kandi bigaragara ko umwana afite ibindi bibazo(harimo n’ibidashobora gukosoka).Nasabaga uyu munyamakuru ko yabanza akareba medical report y’uyu mwana,kugira ngo yemeze aya makuru.

MUHIRE Kuya 15-10-2016

Imana imukize rwose kandi ibasha Guca inzira aho zitari kandi Inzira zayo zirenze Igihumbi.Humura urabona ukuboko kw’Imana

evarist Kuya 15-10-2016

hari abaganga bazaba kuvuga abana bafite ikibazo kyumutima muku kwa 11. twasaba bakamufasha

Gasekurume Kuya 14-10-2016

Murebe amafaranga abayobozi banyereza,urebe ayo bakoresha muri Rwanda Day,ejo bundi Kagame azjya Mozambique kwiruka ku banyarwanda bariyo,yarusibye akarengera kariya kamarayika !

Gasekurume Kuya 14-10-2016

Murebe amafaranga abayobozi banyereza,urebe ayo bakoresha muri Rwanda Day,ejo bundi Kagame azjya Mozambique kwiruka ku banyarwanda bariyo,yarusibye akarengera kariya kamarayika !

Gasekurume Kuya 14-10-2016

Murebe amafaranga abayobozi banyereza,urebe ayo bakoresha muri Rwanda Day,ejo bundi Kagame azjya Mozambique kwiruka ku banyarwanda bariyo,yarusibye akarengera kariya kamarayika !

jolie Kuya 14-10-2016

ni mujye muri LARC amafranga bari gupfusha ubusa ngo barategura ibikorwa bya ba Nyampinga bayafashishe uyu mwana kko ni Rwanda rwejo . nukuri birabaje uyu mwana nafashwe kd byihuse

lanoire Kuya 14-10-2016

umwana niba aribyo Imana Imutabare.
gusa ntitwirengagijeko hasigaye hari nabatekamutwe, uyu ntahumeka ntitumubone no muri bomboni ?
OK niba aribyo, muratubwira aho twamusanga tube hafi yumuryango we.
kurwaza umwana ni intambara itoroshye.thx

ingabire Kuya 14-10-2016

ko mutashizeho aho inkunga yanyuzwa

Alberto Kuya 14-10-2016

rwose imana nikore ibishoboka arikobazashyireho ikigega kigoboka ahakomeye nkahano kuko birakenewe ababyeyibe ntibakuke umutima umwana azakira mwizina lya yezu

Bertrand buyoga Kuya 14-10-2016

Imana yakoze bwinsi byiza nitubabarire idukirize iki kibondo . gusa Imana niyo ishobora byose tuyizere izabikora. babyeyi mwihanga Imana iraje ibigenze neza

fkaaa Kuya 13-10-2016

njye ndibaza reta ko ita amafaranga muri byishi bitadufitiye akamaro bavuje uyumwana kko

Alexis Kuya 13-10-2016

Musabiye kumana mbikuye kumutima ngo imubabarire imukize kuko niyo mushobora byose

Mashi Kuya 13-10-2016

Nyagasani niwe azamukiza kuko ntakinanira Imana nugushyira hamwe tugafasha iicyicyibondo