Kuri uyu wa Gatandatu tariki 28 Mutarama 2017 nibwo imikino yo mu Bwongereza ya FA Cup yakomezaga, Liverpool yandagazwa na Wolverhampton Wanderers yo mu cyiciro cya kabiri iri ku mwanya wa 18 ihita iyisezerera muri FA Cup, naho Arsenal itsinda byinshi Arsene Wenger ari mu bihano.

Ikipe ya Liverpool yatsinzwe bayisanze ku kibuga cyayo cya Anfield Rood, bayihandagariza bikomeye byiyongera mo ku kuba imaze iminsi ititwara neza ndetse benshi bakitwaza n’umunaniro dore ko ikinnye imikino 3 mu minsi 8 gusa. Muri uyu mukino, Liverpool yatsinzwe na Wolverhampton Wanderers ibitego 2-1, iyi kipe yayitsinze ikaba itanahagaze neza mu cyiciro cya gatatu kuko iri ku mwanya wa 18.

Ikipe ya Arsenal yo yahanyuranye umucyo mu gihe umutoza wayo mukuru, Arsene Wenger adahari kuko ari mu bihano. Arsenal yihagazeho inyagira Southampton ibitego 5 ku busa, Theo Walcott yatsinze ibitego 3 wenyine na mu genzi we Danny Welbeck atsinda ibitego 2.

Ni umukino ikipe ya Arsenal yasanze Southanmpton ku kibuga cyayo St. Mary’s Stadium, iyitsinda iyirusha cyane kandi Arsenal yifashishije abakinnyi benshi badasanzwe bakina cyane dore ko ikipe ya mbere yose yari hanze.

Chelsea nayo yanyagiye Brentford ibitego 4 ku busa mu mukino wa FA Cup watumye nabo bahita bagera muri kimwe cya kane cy’igikombe cya FA Cup.

Dore uko imikino yagenze muri rusange :

• Liverpool 1-2 Wolves

• Lincoln City 3-1 Brighton

• Burnley 2-0 Bristol City

• Chelsea 4-0 Brentford

• Crystal Palace 0-3 Man City

• Blackburn 2-0 Blackpool

• Middlesbrough 1-0 Accrington

• Oxford Utd 3-0 Newcastle

• Rochdale 0-4 Huddersfield

• Tottenham 4-3 Wycombe

• Southampton 0-5 Arsenal