AMAKURU

UKWEZI
Canal+ desk

Lionel Messi arifuza gusubira muri FC Barcelona

Lionel Messi arifuza gusubira muri FC Barcelona
1er-11-2021 saa 10:03' | By Editor | Yasomwe n'abantu 1820 | Ibitekerezo

Rurangiranwa muri ruhago y’Isi, Lionel Messi ubu ukinira Paris Saint-Germain, yatangaje ko afite indoto zo gusubira muri FC Barcelona yahozemo kugira ngo ayifashe kugaruka mu bihe byiza aho ubu igeramiwe kubera kwitwara nabi.

Messi uri gukina muri shampiyona ya Ligue 1 muri PSG, yabwiye Sport ko ahora mvuga yifuza gusubira muri FC Barcelona gufasha iyi kipe mu buryo ubwo ari bwo bwose.

“Ndashaka kuba uw’ingirakamaro no gufasha kugira ngo iyi kipe ikore neza. Nifuza kuba umunyamabanga ushinzwe tekinike, ariko sinzi niba nzabikora mu ikipe ya Barcelona.

“Ndashaka gusubira muri iyi kipe kugira ngo ntange umusanzu wanjye kuko nkunda Barcelona kandi nifuza ko bakomeza kwitwara neza, bagakomeza gutera imbere no gukomeza kuba mu beza ku isi.”

Messi yigeze gushaka kuva muri Barca mu mwaka wa 2020 mu gihe yifuzwaga n’ikipe ya Manchester City, PSG na Inter, agenda arushaho kutishimira icyerekezo cy’iyi kipe, ariko haboneka ingingo ituma aguma muri Barcelona.

Ikipe ya Barcelona yahuye n’ibihe bitoroshye nyuma y’aho Messi ayiviriyemo kuko ubu iyi kipe yasezereye umutoza mukuru Ronald Koeman kandi ikaba iri ku mwanya wa cyenda.

Messi wamaze imyaka 20 muri Barcelona, yabaye umukinnyi watsinze ibitego byinshi muri iyi kipe, mbere yo kwinjira muri PSG mbere ya shampiyona ya 2021-2022 ariko nyuma iyi kipe inanirwa kumwongerera amasezerano.

Ariko Messi yagaragaje ko akunda Barca, aho yatwayemo ibikombe 35 mu gihe yamaze muri iyi kipe, harimo ibikombe 10 bya LaLiga ndetse n’ibikombe 4 bya Champions League.

Ikipe yo muri Espagne ya Barca ifite amanota 16 mu mikino 11 muri LaLiga muri iyi shampiyona (W4 D4 L3) bituma umusaruro wabo uba mubi muri iyi shampiyona.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA