Abakinnyi b’umupira w’amaguru b’ibihangange bakina muri shampiyona ya Espagne ari bo Lionel Messi ukinira FC Barcelone na Cristiano Ronaldo wa Real Madrid zose zo muri Espagne, bongeye kugaragara bayoboye urutonde rwasohotse kuri uyu wa Mbere tariki ya 31 Ukwakira 2016, uru rukaba ari urutonde rw’abakinnyi bahembwa amafaranga atubutse kurusha abandi muri ruhago.

Nk’uko n’ubusanzwe bigoye gukemura impaka zabo mu kibuga, ninako bigoye kubasumbanyisha mu mishahara kuko kugeza ubu banganya umushahara babona buri mwaka, aho buri wese afata miliyoni 19 z’amapawundi kumwaka, ni ukuvuga asaga 19.000.000.000 uyabaze mu mafaranga y’u Rwanda.

Uru rutonde rw’abahembwa agatubutse rugaragaraho abakinnyi babiri ba FC Barcelone, batatu ba Manchester United, babiri ba Real Madrid, babiri ba Manchester City, hanyuma kuburyo butanguranye hakaba hanagaragayeho abakinnyi bakina mu gihugu cy’u Bushinwa nka Hulk ukinira Shanghai SPG ndetse na Graziano Pelle ukinira ikipe ya Shandong Luneng.

Muri rusange abakinnyi bagaragara kuri urwo rutonde duhereye ku mwanya wa 10, harimo :

10. Sergio Aguero wa Manchester City (12.500.000)

9. Zlatan Ibrahimović wa Manchester United (13.000.000)

8. Wayne Rooney wa Manchester United (13.500.000)

7. Graziano Pelle ukinira Shandong Luneng ( 13.500.000)

6. Neymar Jr. ukinira FC. Barcelona (15.000.000)

5. Paul Pogba wa Manchester United (15.000.000)

4. Hulk ukinira Shanghai SPIG (16.000.000)

3. Gareth Bale wa Real Madrid (18.000.000 )

2.Lionel Messi wa FC Barcelona (19.000.000)

1.Cristiano Ronaldo wa Real Madrid (19.000.000)

N’ubwo Messi na Cristiano banganya umushahara ariko, biteganyijwe ko Cristiano ashobora guca kuri Messi mu gihe cyose azaba yongereye amasezerano muri Real Maderid kuko ayo afite azarangira mun mwaka utaha wa 2017.