Ikipe ya Real Madrid yishyuye bigoranye igitego kimwe yari yatsinzwe na Tottenham ndetse umukino urinda urangira ari uko bikimeze mu gihe Liverpool yanyagiye ndetse ikereka isomo rya ruhago ikipe ya Maribor iyitsinda ibitego 7 ku busa, mu mikino y’amakipe yabaye ayambere iwayo i Burayi izwi nka UEFA Champions League.

Imikino ya UEFA Champions League ihuza amakipe yabaye ayambere iwabo ku mugabane w’U Burayi ryakomeje mu ijoro ryo kuwa Kabiri, tariki 17 Ukwakira 2017, mu mikino y’amajonjora aho amwe mu makipe yakomeje kwitwara neza ari nako akomeza gushaka itike iyerekeza mu cyiciro kizakurikiraho ubwo bazaba basoje imikino yo mu matsinda.

Ikipe ya Liverpool ni imwe mu makipe yabashije gukora amateka muri iri joro aho ibitego bibiri bya Firmino, bibiri kandi bya Saleh, kimwe cya Coutinho, kimwe cya Oxlade Chamberlain ndetse n’agashyinguracumu ka Alexander Arnord byayihesheje intsinzi y’ibitego 7 ubishyize hamwe mu gihe ikipe ya Maribor bari bahanganye ndetse iri iwabo itigeze ibasha kureba mu izamu na rimwe.

Uko amakipe yatsindanye kuri uyu wa Kabiri Tariki 17 Ukwakira

Apoel 1-1 B Dortmund

Feyenord 1-2 Shak Donesky

Man City 2-1 Napoli

Maribor 0-7 Liverpool

Monac 1-2 Besikatas

RB Leipzig 3-2 Fc Porto

Real Madrid 1-1 Tottenham

Spartak Moskvo 5-1 Sevilla

Uko imikino iteganijwe kuri uyu wa Gatatu tariki 18 Ukwakira 2017

Qarabag VS Atletico Madrid

Anderlecht VS Pais Saint Germain

FC Barcelona VS Olympiakos

Bayern Munich VS Celtic

Benfica VS Man United

CSKA Moscow Vs Basel

Chelsea VS AS Roma

Juventus VS Sporting Lisbon

Tottenham yabanje gutsinda igitego nyuma Real Madrid iza kucyishyura gitsinzwe na C Ronaldo

Ikipe ya Liverpool yerekanye isomo rya ruhago itsinda ibitego 7 ku busa bwa Maribor