konka coffee
KONKA

AMAKURU

UKWEZI

Kigali: Abantu bataramenyekana batemaguye inka y’umuturage

Kigali: Abantu bataramenyekana batemaguye inka y’umuturage
16-01-2018 saa 11:03' | By Akayezu Jean de Dieu | Yasomwe n'abantu 5142 | Ibitekerezo 2

Abagizi ba nabi bataramenyekana batemaguye inka y’uwitwa Mutengezi Janvier utuye mu mudugudu wa Muko, akagari ka Gahinga, Umurenge wa Jali akarere ka Gasabo ho mu Mujyi wa Kigali. Kugeza ubu hamaze gufatwa umwe mu bakekwaho gutema iyi nka.

Abaturage baturiye ahabereye aya mahano yabaye mu ijoro ryo ku Cyumweru rishyira ku wa mbere tariki 15 Mutarama 2018, babwiye Ukwezi.com ko nabo babyutse mu gitondo bahamagarwa n’uyu muturanyi wabo abereka inka ye yamaze gutemagurwa ndetse yanapfuye gusa bakaba batazi uwakoze ibi ariko hakaba hakekwa uwitwa Rutayisire Francois wanamaze gutabwa muri yombi.

Umunyamabanga Nshingwabikorwa w’umurenge wa Jali,Rugabirwa Deo, yahamirije Ukwezi.com iby’iri temwa ry’inka y’umuturage aho yavuze ko aba bagizi ba nabi bataramenyekana batemye iyi nka mu mugongo nyirayo yabyuka agasanga bamaze kuyitemagura.

Yagize ati “Twabyutse ejo mu gitondo dusanga inka bayitemye mu mugongo hanyuma tugezeyo dufata abantu bakekwa ariko kugeza ubu ntituramenya impamvu yabyo gusa nabo ntabwo barabyemera ariko bajyanywe kuri Polisi haracyakorwa iperereza kugira ngo hamenyekane niba aribo koko.”

Umuyobozi w’Umurenge wa Jali kandi yavuze ko iyo amabi nk’aya abaye mu murenge wabo icyo bakora ni ukumvisha abaturage ko nta gikuba cyacitse ndetse bakanabasaba gukaza umutekano nk’uko bisanzwe, kandi bose bagahaguruka bagafatanya n’ubuyobozi kwamagana abakora ibikorwa by’ubugizi bwa nabi nka buriya.

Uyu muyobozi kandi yavuze ko kugeza ubu hari umwe mu bakekwaho ubu bugizi bwa nabi wamaze gutabwa muri yombi aho yafashwe na Polisi kuri uyu wa Mbere tariki 15 Mutarama 2018, gusa kugeza ubu akaba atari yabasha kwemera ko ariwe ariko iperereza rikaba rigikomeje.


INKURU ZA :
Tanga Igitekerezo
Ibitekerezo 2
x y z Kuya 29-01-2018

Babe nawe byanamenyekanye
twe iyacu barayitwaye, bayijyana nkitagira nyirayo

sibomana Kuya 16-01-2018

uwo muntu harubwo yaba abeshyerwa kukwinzangano hakaba hari nkuwayitemye bigaharirwa uwo baba bafitanye inzigo?kdi birababaje cyane uwaba yabikoze yahanwa byemewe namategeko.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...