AMAKURU

UKWEZI

Ingabire Victoire yavuze ko atahindutse kandi adafite ubwoba bwo kongera gufungwa

Ingabire Victoire yavuze ko atahindutse kandi adafite ubwoba bwo kongera gufungwa
21-09-2018 saa 12:56' | By Chief Editor | Yasomwe n'abantu 15302 | Ibitekerezo 4

Ingabire Victoire Umuhoza, umuyobozi w’Ishyaka FDU Inkingi ritemerewe gukorera mu Rwanda, nyuma yo gufungurwa ku bw’imbabazi za Perezida Paul Kagame, yatangaje ko adafite ubwoba bwo kongera gufungwa ndetse ashimangira ko uko yari ameze ubwo yafungwaga ari ko akimeze.

Ingabire Victoire, akimara gufungurwa kuwa Gatandatu tariki 15 Nzeri 2018, yashimiye Perezida Kagame ku bw’imbabazi yamuhaye. Nyuma yagiye yumvikana mu binyamakuru bitandukanye avuga ko nta mbabazi yasabye, nyamara inyandiko Ikinyamakuru Ukwezi cyabashije kubonera kopi zirimo amabaruwa atandukanye yanditse, zishimangira ko uyu mugore yasabye imbabazi kenshi atakamba asaba Perezida Kagame ko yafungurwa anamwizeza ko nababarirwa azafatanya n’abandi kubaka igihugu.

JPEG - 125.4 kb

Aha Ingabire Victoire yari avuye ku rukiko rwa Kagarama aho azajya yitaba nk’uko abisabwa

Ibaruwa iheruka Ingabire Victoire yandikiye Perezida Paul Kagame akanagenera kopi Minisitiri w’Ubutabera, ni iya tariki 25 Kamena 2018, ni ukuvuga amezi asaga abiri mbere y’uko afungurwa. Muri iyi baruwa, Ingabire Victoire Umuhoza agaragariza Perezida Kagame ko yageze muri gereza akabona umwanya wo gutekereza no kubona ko ibyagezweho mu Rwanda ari byinshi.

Muri iyi baruwa, Ingabire Victoire agira ati: "Nyakubahwa Perezida, imyaka maze muri gereza ari nayo maze ngarutse mu gihugu cyanjye, nabonye igihe gihagije cyo gukurikirana ubuzima bw’igihugu. Ibyagezweho ni byinshi kandi ntawe utabishima, ndetse nta n’utagira inyota n’icyifuzo cyo gushaka gufatanya n’abandi gukomeza kubaka umuryango nyarwanda. Nta gushidikanya Abanyarwanda twese dushyize hamwe nta cyiza cyo kuri iyi si tutagiraho uruhare. Nyakubahwa Perezida, mu bushishozi bwanyu musanze nkwiriye guhabwa imbabazi ngafungurwa, ku ruhande rwanjye niyemeje gufatanya n’abaturarwanda bose guharanira iterambere rirambye mu gihugu cyacu kandi mu mahoro. Mbashimiye igisubizo cyiza muzagenera ubusabe bwanjye, Urumuri rw’Uhoraho rukomeze kubayobora"

Nyuma y’uko afunguwe akavuga ko atasabye imbabazi ndetse agatangariza ibinyamakuru bimwe na bimwe ko yafunguwe kubera igitutu, Perezida Kagame yatangaje ko Ingabire Victoire atitonze yakwisanga yasubiye muri gereza.

Ingabire Victoire ariko yatangarije ibinyamakuru bitandukanye ko atahindutse ndetse ko adafite ubwoba bwo kongera gufungwa. Ubwo yaganiraga n’ikinyamakuru Le Vif cyo mu Bubiligi, Ingabire Victoire yagize ati: "Gereza ntiyashegeshe umutima wanjye cyangwa imbaraga zanjye. Victoire wo muri 2010 ni na we w’uyu munsi, nibambuza gukora Politiki nzabasaba ko bansubiza muri gereza, nasize umugabo wanjye, umuryango wanjye n’akazi keza mu Buholandi nza kubera ubwisanzure bw’Abanyarwanda."

Ingabire Victoire yanabwiye iki kinyamakuru ko amagambo yavugiye ku rwibutso rwa Jenoside rwa Kigali ruri ku Gisozi, yiteguye kongera akayasubiramo n’ubwo ngo atayavugira aho yayavugiye icyo gihe.

Ibi Ingabire Victoire yavuze birajya kumera nk’ibyo yabwiye Radio y’Abadage izwi nka Deutsche Welle. Aha ho yagize ati: "Sinigeze na rimwe ngira ubwoba bwo gufungwa, maze imyaka 8 muri gereza kandi nshobora gusubiramo ariko nizeye ko ubutegetsi butazabikora, ariko sinzabaho mu bwoba bw’uko nakongera gufungwa"

Ingabire Victoire ukomeje kuvuga ibitandukanye n’ibyo yavugaga asaba imbabazi Perezida, Iteka ryamufunguye rigaragaza ko hari imyitwarire akwiye kugira bitaba ibyo imbabazi yahawe zikaba zishobora gukurwaho nk’uko na Perezida Paul Kagame aherutse kubikomozaho ko atitonze yakwisanga yasubiyemo.

SOMA INKURU BIJYANYE HANO: Kizito Mihigo na Ingabire Victoire bazajya bitaba buri kwezi, kujya hanze ni ukubisaba Minisitiri

JPEG - 99 kb
JPEG - 89.4 kb

Ingabire Victoire akimara gufungurwa, yakiriwe n’Umukuru w’umudugudu w’Amajyambere, mu kagari Rukiri ya mbere mu murenge wa Remera, Madame Izere Valentine hamwe n’ushinzwe umutekano mu mudugudu Twiringiyimana Celestin


INKURU ZA :
Tanga Igitekerezo
Ibitekerezo 4
kagoyire Kuya 6-10-2018

nduva ingabire imigambiye ntaho yerekeza igihungu aho kugirango yanduze nabandi niyihitirimo aho ajya gukorera ibyo yifuza Atari iwacu kuko ibyo tuvuyemo nibibi ntitwifuza kubisubiramo .ariko umuntu undakunda umuryago we ubundi yakunda igihungu
arundi yakabaye afire umutima WO kubana nabana be nu Mugabo none ntacyo abitekerezaho ubwo se uwo muntu in muzima uko mubyuva

tigger Kuya 25-09-2018

nubundi umuntu nyamuntu arangwa nimbabazi nabo niba arabagabo batange umusanzu wabo wokubaka igihugu aho gusenya ibyagezweho.

Kamari Kuya 21-09-2018

Hanyuma se mwebwe ko muvuga ibitandukanye nibyo abandi bavuga.Cyakora njya numva benshi mubaganira ku kibazo cye bamushyigikiye mu byo avuga, ngo abavugira ibintu ngo yarihararutswe. ngo niko bimeze ariko bo ntibatinyuka kubivuga kubera ubwoba. Ukuri kwabyo ni ukuhe. Namwe rero mumureke. Dore ko mukabya

Byishimo Kuya 21-09-2018

Mwiriwe neza ubuse koko uyu mubyeyi,ashaka kutwerekako anejejwe no kwibera muri Gereza, aho kugorana se wakwanditse agasaba gusubira gerereza cyakora wibagirwa vuba

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...