konka coffee
KONKA

AMAKURU

UKWEZI

Kagame ashushanya kutihanganira amafuti akanagira ubumuntu – Mushikiwabo

Kagame ashushanya kutihanganira amafuti akanagira ubumuntu – Mushikiwabo
29-10-2018 saa 20:59' | By Vincent Nsengiyumva | Yasomwe n'abantu 4037 | Ibitekerezo 3

Louise Mushikiwabo uherutse gotorerwa kuyobora Umuryango w’Ibihugu bivuga Ururimi rw’Igifaransa (OIF), yavuze byimbitse ku mikoranire ye na Perezida Kagame mu myaka isaga 9 ayoboye Minisiteri y’Ububanyi n’amahanga, anakomoza kuri byinshi yagiye amwigiraho.

Ibi Mushikiwabo yabigarutseho mu kiganiro kirekire yagiranye na The EastAfrican , ubwo yabazwaga byinshi mu byerekeye imirimo yakoze mu Rwanda ndetse no ku nshingano nshya yatorewe agiye gukomeza.

Mu kiganiro kirekire umunyamakuru yagiranye na Mushikiwabo, hari aho yageze, amubaza bimera bite gukorana na Perezida Kagame, cyane ko ari mu bakoranaga bya hafi imyaka itari micye.

Mu gusubiza Umunyamakuru , Mushikiwabo yagaragaje ko Perezida Kagame ari umuyobozi udasanzwe ufite impano yo kuyobora ku buryo uwo bakorranye wese agomba kumwigiraho byinshi birimo gukora cyane no gukunnda akazi.

Yagize ati “ Nsanga ari umuyobozi udasanzwe mu buryo yitangira igihugu. Perezida Kagame ni wa muntu ushobora kuguhamagara saa munani z’igicuku ashaka ko muganira cyangwa akubaza ibibazo byerekeye ku gihugu. Si ibirebana n’ubuzima bwe bwite. Binkora ku mutima kubona ko adashobora gusinzira kubera ko yibutse ko hari ikintu kitagenda kandi gishobora kugira ingaruka ku gihugu.”

Yunzemo ati “ Namubonyemo umuyobozi ukwiye, ni umugabo utagira ubwoba bwo gufata icyemezo no kwirengera ingaruka zacyo. Ntabwo asanzwe, ni perezida ushishoza.Yinjiye muri politiki kubera impamvu kandi ayijyamo wese. Si akazi ahubwo ni inshingano.”

Mushikiwabo yakomeje agaragaza ko Perezida Kagame ari umuntu udaca ku ruhande ibintu, cyane cyane ku kutihanganiora amafuti mu gihe yayatahuye ku muntu uwo ari we wese.

Ati “Perezida Kagame ni umuntu utihanganira ibitari mu murongo ariko ni n’umugabo w’umunyabuntu cyane.Ntekereza ko Perezida Kagame ashushanya kutihanganira amafuti, ariko wifitemo ubumuntu. Ni umuntu w’ingenzi cyane bikajyana no kuba umuyobozi udasanzwe. Ibyinshi byo kumwigiraho wabibona ukorana nawe umunsi ku wundi.

Mushikiwabo yavuze ko yakoze byinshi mu myaka igera ku 10 yamaze ayoboye Minisiteri y’Ububanyi n’amahanga, gusa ngo ibyari bitaratungana akaba yizeye ko uwamusimbuye azabikora kandi neza.

Mushikiwabo yavuze ko Perezida atayobora nk’akazi ko ahubwo abikora nk’inshingano


INKURU ZA :
Tanga Igitekerezo
Ibitekerezo 3
ephrem Kuya 9-11-2018

Erega nibyo, ahubwo abo aha inshingano n’abaturage muri rusange tumwigireho Atari ukubivuga gusa twongereho natwe kubishyira mungiro tubimufashamo.

Jean Lambert Gatare Kuya 5-11-2018

H.E mukundira ko yihuta mu gutekereza.Ibyemezo afata hari ubwo tuba tubona bikarishye,nyuma tukazasanga aribyo byari bikwiye,mu nyungu za benshi.Imana izakomeza imuturindire kuko uaduhaye AGACIRO kadutera ishema

Natasha Kuya 1-11-2018

Mushikiwabo aramuzi kabisa. Muzehe yanga ibisambo, n’akarengane gakorerwa abaciye bugufi. Ni umuyobozi mwiza.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...