konka coffee
KONKA

AMAKURU

UKWEZI

Green Party yijeje ko n’itsinda amatora izongera umushahara w’abasirikari n’abapolisi

Green Party yijeje ko n’itsinda amatora izongera umushahara w’abasirikari n’abapolisi
17-08-2018 saa 18:04' | By Vincent Nsengiyumva | Yasomwe n'abantu 2142 | Ibitekerezo

Mu gihe ibikorwa byo kwiyamamaza ku mwanya w’Abadepite ku mitwe ya politike itandukanye, abakandida b’Ishyaka riharanira Demukarasi no kurengera Ibidukikije mu Rwanda (Democratic Green Party of Rwanda),biyamamarije mu turere twa Rubavu na Nyabihu, bagaragariza abaturage baho imigabo n’imigambi babafitiye yiganjanjemo kuzamura imibereho y’abaturage, kuzamura ireme ry’uburezi n’ibindi.

Kuri uyu wa Gatanu nibwo abakandida ba Green Party bayobowe n’umuyobozi mukuru w’Ishyaka, Dr Frank Habineza, biyamamarije mu murenge wa Kanama ho mu karere ka Rubavu, bakomereza ibikorwa byabo byo gushaka amajwi mu murenge wa Bigogwe mu karere ka Nyabihu mu Burengerazuba bw’u Rwanda.

Kimwe n’aho babanje muri ibi bikorwa byo gushaka amajwi azabinjiza mu Nteko Ishinga Amategeko, abakandida ba Green Party, bagarutse kubyo bazakorera abaturage nibagirirwa amahirwe bagatorerwa kuba Abadepite.

Mugisha Alexis uri mu bakandida batanzwe n’ishyaka rya Green Party yavuze ko ishyaka ryabo ryaje ari igisubizo ku baturage, akaba yanaboneyeho kubasaba kuzabashyigikira mu matora kugira ngo bage mu mwanya nyawo wo kubashakira bya bisubizo by’ibibao byabo.

Yagize ati “ Mu gihe mutugiriye icyizere mukaduhundagazaho amajwi, tuzajya mu Nteko, tubabere intumwa. Tuzajya tumanuka twumve ibitekerezo n’ibibazo byanyu, maze tubijyane tubiganireho tubishakire ibisubizo, turashaka gukora impinduka.”

Yakomeje avuga ko n’ubwo Ishyaka ryabo rya Green Party ritavuga rumwe na Leta ngo ntibivuze ko rigomba guhangana no gusenya ibyubatse, ko ahubwo rigamije kunenga ibitagenda neza no gutanga ibisubizo by’ibibazo bihari.

Umuyobozi mukuru w’Ishyaka rya Green Party Dr Frank Habineza yabwiye abaturage ba Nyabihu na Rubavu ko babafitiye byinshi bateganya kubakorera mu gihe babagiriye icyizere bakabatorera kwinjira mu Nteko ishinga amategeko.

Yavuze ko bazashimangira gahunda yo kunoza umutekano, bazamura imibereho y’abapolisi n’abasirikare, kugira ngo bakore akazi kabo bishimye, ngo kuko biri mu bizatuma bakora neza maze umutekano urusheho gusugira mu mpande zose z’igihugu.

Yavuze ko muri uko kuzamura imibereho y’ingabo z’igihugu, hazabaho kubazamurira imishahara, bakibanda cyane ku bapolisi n’abasirikare bato.

Yagize ati “Turashaka kongerera imibereho myiza abasirikare n’abapolisi. Turifuza ko bubakirwa amacumbi meza muri buri karere, bagatura ahantu heza . Nidutorwa tuzabitaho tubazamurire uburyo bw’imibereho. Tuzabongerera imishahara ku buryo nabo bazakora akazi bagakunze kurushaho.Ibi nitubikora bizatuma umutekano usugira mu gihugu hose kuko bazagakorana ibakwe.

Yunzemo ati “Turashaka ko bagira n’umutekano wo mu gifu, bakabona ibyo kurya, bakajya barya bagahaga.Icyifuzo cyacu ni uko umuyobozi muto azajya ahembwa 1/10 cy’umushaara w’umuyobozi mukuru. Ni ukuvuga ko niba umusirikare mukuru ahembwa miliyoni, umusirikare muto wenda agomba guhembwa ibihumbi ijana ”

Dr Frank Habineza yanaboneyeho gushimira ubuyobozi ngo kuko hari bimwe mu bitekerezo yagiye atanga ubwo yiyamamazaga bikaba byarumviswe bimwe bikaba byaratangiye gushyirwa mu bikorwa.

Abakandida ba Green Party basezeranyije abanya-Rubavu kuzabahindurira ubuzima


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...