konka coffee
KONKA

AMAKURU

UKWEZI

Menya uko abanyeshuri batsinze ibizamini bya Leta n’uko wareba amanota mu buryo bworoshye

Menya uko abanyeshuri batsinze ibizamini bya Leta n’uko wareba amanota mu buryo bworoshye
9-01-2018 saa 20:26' | By Akayezu Jean de Dieu | Yasomwe n'abantu 5596 | Ibitekerezo 5

Minisiteri y’Uburezi mu Rwanda yatangaje amanota y’abanyeshuri bakoze ibizamini bisoza amashuri abanza n’icyiciro rusange, aho umubare munini w’abatsinze mu mashuri abanza ari abakobwa ndetse kuri ubu abanyeshuri baturuka mu bice by’icyaro bakaba baratsinze kigereranyo cyo hejuru ugereranyije no mu myaka yashize.

MUNEDUC yatangaje aya manota kuri uyu wa Kabiri tariki 9 Mutarama 2018, aho hamuritswe umusaruro wavuye mubyo abana bamaze imyaka itandatu biga ku barangije amashuri abanza ndetse n’abamaze imyaka itatu biga ikiciro rusange (Tronc Commun), bakaba bari barakoze ibizamini bisoza ibi byiciro byombi mu mpera z’umwaka ushize wa 2017.

Atangaza ku mugaragaro aya manota, Umunyamabanga wa Leta muri Minisiteri y’Uburezi, Isaac Munyakazi yavuze ko mu bizamini bya Leta byagenze neza ugereranyije n’umwaka washize aho umubare w’abanyeshuri bakoze ibizamini wiyongereye cyane.

Minisitiri Munyakazi yavuze ko amashuri abanza abana batsinze ku kigero cya 86.3% by’abari bakoze ikizamini cya Leta, naho mu mashuri asoza icyiciro rusange abagera kuri 89.9% bakaba baratsinze.

Agaruka ku mubare w’abakobwa bakoze ibizamini mu mashuri abanza n’ikiciro rusange, Minisitiri Munyakazi yagize ati "Uyu mwaka umubare w’abakobwa bakoze ibizamini warazamutse cyane aho abakobwa 55.1% aribo bakoze ndetse no gutsinda niko byagenze dore ko abakobwa batsinze ku kigero cya 55% mu gihe abahungu bo batsinze kuri 44.9%"

Mu mashuri abanza abahungu nibo batsinze, naho mu mashuri y’icyiciro rusange abakobwa barindwi kuri umwe bagaragara ko batsindiye ku kigero kiri hejuru.

Minisitiri kandi yavuze ko abanyeshuri bose mu gihugu batsinze by’umwihariko abo mu bice by’icyaro.

Yagize ati "Ikindi twishimira ni uko n’abanyeshuri bo mu cyaro batsinze kandi bakagira amanota meza nk’aho mu mashuri abanza uwitwa Mugisha Nsengiyumva Frank ukomoka mu karere ka Muhanga ariwe wabaye uwa mbere mu gihugu hose naho mu cyiciro rusange uwaje imbere akaba ari uwitwa Kagenzi Manzi wo muri Gasabo. "

Biteganijwe ko abanyeshuri batsinze bahsyirwa mu byiciro ndetse bakoherezwa ku bigo bazajya gukomerezaho amasomo yo mu byiciro bikurikiraho, itariki yo gutangira akaba ari iya 22 Mutarama 2018.

Kureba amanota, ushobora gukoresha ubutumwa bugufi kuri telefone igendanwa aho ku bakoze ibizami mu mashuri abanza ujya ahandikirwa ubutumwa bugufi ukandika P6 ugakurikizaho Code y’umunyeshuri, ukohereza kuri 489. Kubo mu cyiciro rusange, ho ni ukujya aho bandikira ubutumwa ukandika S3 ugakurikizaho Code y’umunyeshuri hanyuma nabwo ukohereza kuri 489.

NIBA USHAKA KUREBA AMANOTA KURI INTERNET KANDA HANO


INKURU ZA :
Tanga Igitekerezo
Ibitekerezo 5
Gapinzi Kuya 10-01-2018

babyerekanye ahubwo wowe urasinziriye. Reba haruguru ahanditse KANDA HANO... Noneho uhakande

Mob Kuya 9-01-2018

Mube murindiriye bashyire mubyiciro

kagame fahad Kuya 9-01-2018

jya muri goggle wandikemo REB MURAGIZA UJYE
REB National Examination Results Publication

hdzvf Kuya 9-01-2018

bareba amanota bate mutwibutse

bbbbn Kuya 9-01-2018

ko baterekanye uburyo bwo kureba ayo manota?

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...