konka coffee
KONKA

AMAKURU

UKWEZI

Musanze: Gitifu ukekwaho uruhare mu rupfu rw’umwana wahiriye mu nzu yatawe muri yombi

Musanze: Gitifu ukekwaho uruhare mu rupfu rw’umwana wahiriye mu nzu yatawe muri yombi
6-04-2018 saa 12:55' | By Akayezu Jean de Dieu | Yasomwe n'abantu 6200 | Ibitekerezo 18

Uwari Umunyamabanga Nshingwabikorwa w’Umurenge wa Kinigi, mu karere ka Musanze mu ntara y’Amajyaruguru, Manzi Claude, yatawe muri yombi ku mugoroba wo kuwa Kane tariki 5 Mata 2018, aho bivugwa ko mu byaha akurikiranyweho na Polisi y’u Rwanda harimo urupfu rw’umwana wahiriye mu nzu mu ijoro ryo ku Cyumweru tariki ya 1 Mata 2018 mu masaha ya saa tatu za nijoro ubwo ababyeyi be bari bamusize mu buriri aryamye.

Tariki 3 Mata 2018, twabagejejeho inkuru y’umwana w’umukobwa wo mu kigero cy’imyaka 2 n’igice witwa Uwikaze Kevine wo mu mudugudu wa Bugese, akagari ka Mburabuturo, Umurenge wa Muko mu karere ka Musanze, wahiriye bikomeye mu nzu bimuviramo gupfa, mu gihe ababyeyi be bari bigiriye kunywa inzoga ku kabari kari hafi aho bakamusiga mu nzu akingiranye.

Ababyeyi ba nyakwigendera ari bo Uhawenimana Sonia n’umugabo we Ntibarikure Cyprien, uyu akabaa ri umugabo bashakanye ariko akaba atari we babyaranye nyakwigendera Kevine, dore ko bivugwa ko uyu mwana wapfuye se umubyara ari uyu gitifu Manzi Claude wamaze no gutabwa muri yombi kuri ubu akaba ari gukorwaho iperereza.

Uyu mwana bivugwa ko urupfu rwe rwagizwemo uruhare n’uyu gitifu Manzi kuko ngo uyu mwana yigeze no kuburirwa irengero nyuma baza kumurangisha ku mbuga nkoranyambaga araboneka, nyuma y’ibyumweru bibiri abandi bantu baraza bamusuka peterori mu matwi ariko abayimusutsemo batandatu bakekwaga batabwa muri yombi ari nabwo babiri muri aba bashyiraga mu majwi gitifu nk’uwabatumye uyu mugambi wo guhitana uyu mwana.

Hari andi makuru aturuka mu bo mu muryango wa hafi n’uyu gitifu agera ku kinyamakuru Ukwezi.com avuga ko yari yaremereye uyu mubyeyi babyaranye umwana ko azajya amuha amafaranga y’u Rwanda ibihumbi 50 nk’indezo bya buri kwezi. Gusa ngo ibi byageze aho birahinduka benshi bakeka ko uyu gitifu ashaka kwikiza uyu mwana kugira ngo atazongera guhozwa ku nkeke n’uwo bamubyaranye.

Uwikaze yarahiye arakongoka ku buryo no kubona amagufwa ye byabaye ingorabahizi

Mu ntangiro z’iki Cyumweru nibwo amakuru y’uyu mwana yongeye kumvikana ubwo byatangazwaga ko yahiriye mu nzu agapfa mu gihe ababyeyi be bari bagiye mu kabari bakamusiga mu nzu wenyine. Aha bivugwa ko nanone uyu gitifu ashobora kuba ari mu babyihishe inyuma nk’uko abaturage babibwiye ubuyobozi bw’akarere.

Umuyobozi w’akarere ka Musanze, Habyarimana Jean Damascene, yabwiye Ukwezi.com koko ko uyu wari Gitifu wa Kinigi yatawe muri yombi anashimangira ko ibyo akurikiranyweho bifitanye isano n’uyu mwana watwikiwe mu nzu dore ko ubwo uyu mwana yapfaga ubuyobozi bw’akarere bwagiyeyo kuganira n’abaturage bakaza gushyira mu majwi uyu gitifu ari nayo mpamvu Polisi yahise imufata kugira ngo akorweho iperereza.

Yagize ati “Nkeka ko kuba Polisi yahamagaje uwo mugabo ari mu rwego rwo kugirango bakomeze bamenye amakuru ariko icyo bamenyesheje ni uko bamufite”

Meya Jean Damascene yakomeje asaba abaturage bo mu karere ke kujya bibuka gutangira amakuru ku gihe, ikindi kandi yasabye abaturage kujya babasha gutabarana mu gihe umuturanyi wabo agize ikibazo mu rwego rwo gukomeza gufatanya gukumira ibyaha mbere y’uko biba.


INKURU ZA :
Tanga Igitekerezo
Ibitekerezo 18
milinda Kuya 20-04-2018

Bazapfe nabi bazapfe batabyaye izo nterahamwe.iruhukire kibondo .ubuzima bw iyisi ni agahimda nukuri kw Imana.gusa abagome nkaba bazapfe bababaye.

john Kuya 15-04-2018

ibi byo ni agahomamunwa. Gitifu b.imirenge barakabije. NGORORERO ho ni agahomamunwa

harinda Kuya 15-04-2018

kubugome bw"uyu mugitifu hakurikiranwe numumotali wo mugatsata hafi ya Rwanda Miritary Academy Nyakinama abazwe byinshi kuko niwe akunda kwifashisha mugukora amarorerwa yuburyo bwinshi nkaya mubona uwo mumotali yitwa Musafili numuyobozi mumudugudu wa gakenke akagari Nturo umurenge Rwaza

harinda Kuya 15-04-2018

kubugome bw"uyu mugitifu hakurikiranwe numumotali wo mugatsata hafi ya Rwanda Miritary Academy Nyakinama abazwe byinshi kuko niwe akunda kwifashisha mugukora amarorerwa yuburyo bwinshi nkaya mubona uwo mumotali yitwa Musafili numuyobozi mumudugudu wa gakenke akagari Nturo umurenge Rwaza

Seraphine Tuyishimire Kuya 7-04-2018

Mu nkuru ibanziriza iyi ahanditse :.........burya byanze Burundi .......nashakaga kwandika burya byanze burundu Leta yacu ni impano............

Seraphine Tuyishimire Kuya 7-04-2018

Ababyeyi b’uyu mwana bafite amakuru ahagije ku rupfu rw’uyu mwana kuki sinumva ukuntu hahiye umwana gusa inzu yose,naho uyu mugitifu we nta muntu umurimo yapfuye ahagaze kera nta muyobozi twari dufite.Inama natanga Leta ikwiriye kujya ikurikirana imyitwarire y’abayobozi bagahanwa cg bagakurwaho bitaragera I wandabaga kuko birumvikana ko nta mikorere mizima yari afite ubwo yakemura ibibazo by’abahohotewe cg agakumira inda zitateguwe koko ?nawe ari uko!!!!!Ikindi nabwiraga abakobwa n’abagore ko twitesha agaciro n’icyubahiro Imana yaduhaye yo kuyifasha kurema:irinde gusama utabiteguye,igihe bikubayeho ukabona se w’umwana ntabyumva ,mwihorere umurere kuko burya umwana ni umugisha utanamushoboye wamuha umuntu akagufasha kandi yakura rwose pe,gusa umuntu ufite amaboko abiri mwa bakobwa mwe ntimukiteshe agaciro mwiruka inyuma y’abagabo ngo bigere n’aho babasaba kwihekura ntabwo byakunanira gucira umwana wawe inshuro pe,ikindi kandi burya byanze Burundi Leta yacu ni impano idasanzwe Uwiteka yaduhaye burya Leta yagufasha umwana akabaho ,akiga neza nta kibazo.Mumbabarire nanditse byinshi kubera ukuntu numva mbabaye

Kabinga Kuya 7-04-2018

Hatahiwe gitifu wa cyuve nawe nibyo yikorera gusa fishing I kiri all ari infomateur mayor musanze kuburyo ntawamukoraho

josee Kuya 6-04-2018

Ahanwe bidasanzwe, yirukanwe mu kazi, afungwe kandi atange indishyi zakababaro.

josee Kuya 6-04-2018

Ahanwe bidasanzwe, yirukanwe mu kazi, afungwe kandi atange indishyi zakababaro.

kamonyo Kuya 6-04-2018

iyi nkuru irababaje nkuko abaturage babitangarije TV1 mu Murenge wa Muko Uyu mugabo ntakwiriye kuyobora abanyarwanda hanwe byontangarugero nababimufashijemo bose bakuriranwe kugira ngo barber abandi urugero, kuko abayobozi bsaebya u Rwanda nabanyarwanda barutesha ishema n’ishema bigatera agatinda abaruharaniye.Bazabahanire imbere y’abaturage.

agire iruhuko ridashira Kuya 6-04-2018

A

keti Kuya 6-04-2018

uyu muyobozi nicyonnyi yateye abakobwa amada batagira akagero yarangiza akayabakuriramo akatirwe urumukwiye kuko ntabuyobozi bww

kamenyero Kuya 6-04-2018

Uyu mugitifu asanzwe ari umugome cyane kandi wumusambanyi ibye bizwi nabo mu Murenge wa Rwaza, Cyuve, Muhoza.....yasenye Ingo nyinshi afungisha abagabo benshi batwaye abagore, yakujemo abakobwa Amanda yabateye kungufu anabashinha kwihekura, mbese Imana imuhane abantu baduhuje.

Passy Kuya 6-04-2018

Nkuy’umwana azize iki koko aguye mubibazo by’abamubyaye ikimbabaje nuko bamwishe nabiiiii. Niba abikoreye uwo yabyaye murumva umunyarwanda yamugenza ate koko
Gitifu wagiye mu ngando niwe ukoze ibyo. Ni ya Mana ikunda abanyarwanda imudukijije.

Passy Kuya 6-04-2018

Nkuy’umwana azize iki koko aguye mubibazo by’abamubyaye ikimbabaje nuko bamwishe nabiiiii. Niba abikoreye uwo yabyaye murumva umunyarwanda yamugenza ate koko
Gitifu wagiye mu ngando niwe ukoze ibyo. Ni ya Mana ikunda abanyarwanda imudukijije.

Luke Kuya 6-04-2018

Iyi nkuru muyivuye imuze pe!

anne Kuya 6-04-2018

uwo muyobozi navugishe ukuri kandi muperereze neza murebe hagati yabo babyeyi be bari bigiriye mukabari harimo ukorana nuwo executif harimo ubyihishe inyuma

m Kuya 6-04-2018

Bibaye ari ukuri byaba ari Ishyano. inkurikizi y’icyaha no urupfu. mbega inkuru ibabajeeee! wasanga hari n’abandi bateye batyo.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...