konka coffee
KONKA

AMAKURU

UKWEZI

Ntarama: Abageni biriwe ku murenge babuze ubasezeranya Gitifu yagiye kwakira Meya

Ntarama: Abageni biriwe ku murenge babuze ubasezeranya Gitifu yagiye kwakira Meya
7-06-2018 saa 18:59' | By Vincent Nsengiyumva | Yasomwe n'abantu 7721 | Ibitekerezo 12

Kuri uyu wa Kane tariki 7 Kamena 2018 abageni batanu (abasore batanu n’abakunzi babo ) bagiye gusezeranira ku murenge wa Ntarama birirwa bategereje Umunyamabanga nshingwabikorwa w’uyu murenge, Mukantwari Bertilde wari bubasezeranye bigera mu masaha ya nimugoroba bataramubona aho bivugwa ko yari yagiye kwakira Meya.

Aba bageni baganiriye n’umunyamakuru wa Ukwezi.com bavugaga ko bari bafite gahunda yo gusezeranywa mu masaha ya saa munani z’amanywa, maze bahagerera ku gihe babura ubasezeranya, ndetse n’abandi bayobozi bahasanze ntibabasobanurira impamvu Gitifu ataza ngo abasezeranye, aza kubageraho saa kumi n’imwe n’iminota mirongo ine z’umugoroba.

Umwe mu basore basezeranye aganira na Ukwezi.com yagize ati “ Twari busezerane saa munani, urabyumva ko twahageze mu ma saa saba maze turategereza tubura udusezeranya none dore butwiriyeho Gitifu ataraza.”

Yakomeje avuga ko nabo baje kumenya amakuru y’uko impamvu Gitifu yatinze kuhagera ari uko ngo yari yagiye kwakira umuyobozi w’akarere.

Yagize ati “ Hari amakuru yahwihwiswaga mu bantu ko ngo yari yagiye kwakira umuyobozi w’Akarere mushya. Hari n’abandi bavugaga ko ngo yari yagiye mu nama ariko natwe nta makuru afatika twari dufite y’aho yari ari.”

Aba basezeraniye muri uyu murenge kimwe n’abo mu miryango yabo, bose bahurizaga kukuba ibyo bakorewe ari iteshwagaciro ngo kuko yaba bahabwaga agaciro nk’abaturage, ngo nta yindi gahunda Gitifu yakagombye kujyamo kandi azi neza ko afite ibndi yo gusezeranya abantu.

Banavugaga ko ibyo bakorewe byabateye igihombo gikomeye ngo kuko ibyo bari bateguriye kwakiriza inshuti n’imiryango yabo byapfuye kubera kumara umwanya munini ndetse ngo abenshi mu bari babaheerekeje barambiwe baritahira.

Twagerageje kuvugisha umuyobozi w’umurenge wa Ntarama Mukantwari Beritilda ku murongo wa telefoni ngendanwa ariko inshuro zose twamuhamagaye ntiyigeze atwitaba.

Abageni bageze ku murenge babura ubsezeranya, Gitifu aza kubageraho bwamaze kwira


INKURU ZA :
Tanga Igitekerezo
Ibitekerezo 12
Jado Kuya 10-06-2018

Uwo mugitifu mumureke kabsa, ubwo se ninde wamuvugaho ko mbona ameze nkumugabo. Ariko ngo numukobwa ra? We yabagiriye umujinya kuko we yabuze uwo basezerana kugezubu numusiribateri

MANASTA Kuya 9-06-2018

MURAKOZE CYANE .Ubundi iyo umuntu afite plan,nta byacitse ibaho.Uyu muyobozi yagombaga kumenyesha gahunda afite.kuko adahari uwo mayor yari bwakirwe.Ntabwo azayobora mayor,ahubwo ni abo yiciye gahunda.Bivuzeko nudaha agaciro abo baciye bugufi,n’ibindi bizagorana.Akwiye kubegera akabasaba imbabazi.

MANASTA Kuya 9-06-2018

MURAKOZE CYANE .Ubundi iyo umuntu afite plan,nta byacitse ibaho.Uyu muyobozi yagombaga kumenyesha gahunda afite.kuko adahari uwo mayor yari bwakirwe.Ntabwo azayobora mayor,ahubwo ni abo yiciye gahunda.Bivuzeko nudaha agaciro abo baciye bugufi,n’ibindi bizagorana.Akwiye kubegera akabasaba imbabazi.

Mami Kuya 8-06-2018

Ariko mwebwe ntimukorana n’inzego z’ibanze ngo mumenye ukuntu bica akazi. Umurenge kugera ku kagari, ukuntu bakora ni agahinda gusa. Ngaho nawe nyumvira ayo mafuti Gitifu yakoze.

Jl Kuya 8-06-2018

Birababaje kuba tugifite abantu bandika inkuru nk.izi!!! Mwarangiza ngo babisi..........

UMUCYERAMURIMO Kuya 8-06-2018

Gitifu azasabe imbabazi kubwo gucyerereza abo baturage birangire kuko asanzwe atanga neza serivisi nta ribi rye.

Mayor ntakwiye kuza muri iki kibazo mu gihe Gitifu atamwatse uruhushya ngo arumwime kandi nkeka ko nta Mayor wakwima Gitifu uruhushya rwo gusezeranya mu kwezi k’umuryango dore ko Mayors nabo bazajya bamanuka gusezeranya ababanaga batarasezeranye.

john Kuya 7-06-2018

Ibi byo birasanzwe kuri bagitigu ,uriko se Umusaza avuga bambaye Ecouteur kwibi ,ahoraabihaniza ko umuturage agomba guhabwa service kugihe.

john Kuya 7-06-2018

Ibi byo birasanzwe kuri bagitigu ,uriko se Umusaza avuga bambaye Ecouteur kwibi ,ahoraabihaniza ko umuturage agomba guhabwa service kugihe.

john Kuya 7-06-2018

Ibi byo birasanzwe kuri bagitigu ,uriko se Umusaza avuga bambaye Ecouteur kwibi ,ahoraabihaniza ko umuturage agomba guhabwa service kugihe.

Gafuku Kuya 7-06-2018

iyi nkuru ko yuje ibintu bitizewe ra!ngo bumvaga bihwihwiswa!!! none sr ko byahwihwiswaga tubyrmere nk’ukuri????

Gapyisi Kuya 7-06-2018

None c ko uvuze amakuru yahwihwiswaga nyine ubwo ubwo urumva uduhaye amakuru u’impamo?birashoboka ko bitewe na gahunda nyinshi zigenda zihurirana zimwe zahinduka.arko se ni iki gihamya ko aho uvuze ari ho hari yagiye? ngo byahwihwiswaga!!!!!!

Gapyisi Kuya 7-06-2018

None c ko uvuze amakuru yahwihwiswaga nyine ubwo ubwo urumva uduhaye amakuru u’impamo?birashoboka ko bitewe na gahunda nyinshi zigenda zihurirana zimwe zahinduka.arko se ni iki gihamya ko aho uvuze ari ho hari yagiye? ngo byahwihwiswaga!!!!!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...