konka coffee
KONKA

AMAKURU

UKWEZI
ubumwe

Uganda yasabwe ko ’Abanyarwanda bafungiyeyo bagezwa mu nkiko’

Uganda yasabwe ko ’Abanyarwanda bafungiyeyo bagezwa mu nkiko’
8-03-2019 saa 08:41' | By Nsanzimana Ernest | Yasomwe n'abantu 6337 | Ibitekerezo 2

Umugore w’ imprimbanyi muri politiki n’ uburenganzira bw’ abagore yasabye ko Abanyarwanda igihugu cya Uganda gifunze bahabwa uburenganzira bagashaka abunganizi mu mategeko ibirego byabo bikagezwa mu nkiko.

Ni mu gihe umuvugizi wa guverinoma y’ u Rwanda, Minisitiri w’ Ububanyi n’ amahanga Dr Richard Sezibera ku wa Kabiri w’ iki Cyumweru yavuze ko hari abanyarwanda bagera ku 190 bagifunzwe na Uganda binyuranyije n’ amategeko.

Dail Monitor yatangaje ko mu kiganiro n’ abanyamakuru Ingrid Turinawe, umuyobozi w’ ihuriro ry’ abagore bo mu ishyaka FDC yavuze ko niba ari ikibazo kiri hagati y’ abakuru b’ ibihugu kidakwiye kugira ingaruka ku baturage, anasaba ko Abanyarwanda bafunzwe n’ iki gihugu bahabwa ubutabera.

Yagize ati “Abanyarwanda bafunze nibahabwe uburenganzira bashake abunganizi mu mategeko ibirego byabo bigezwe mu nkiko”
Minisitiri Sezibera yabwiye abanyamakuru ko Abanyarwanda bafungirwa muri Uganda bafungwa binyuranyije n’ amategeko mpuzamahanga bagatotezwa bakanakorerwa iyicarubozo.

Abihaye Imana bo barasaba ko ibibazo biri hagati y’u Rwanda na Uganda byakemurwa mu ituze

Ihuriro ry’ abihaye Imana bo muri Uganda ryasabye ko habaho ibiganiro hagati y’ abakuru b’ ibihugu byombi mu rwego rwo gukemura ibibazo biri hagati y’ ibi bihugu byatumye haduka amakuru y’ uko u Rwanda rwafunze umupaka , amakuru u Rwanda rutemera.

Sheikh Mubaje, Umuyobozi w’ inama nkuru y’ abayisilamu muri Uganda yabitangarije itangazamakuru yongeraho ko amakimbirane ari hagati y’ ibihugu by’ Afurika y’ Iburasirazuba agira ingaruka mbi ku karere no k’ umugabane.

Ati “Ni iby’ ingenzi kuvuga ko iyo umupaka ufunzwe icyumweru n’ igice bigira ingaruka. Byamaze kwigaragaza abacuruzi bari gutakaza ingano nini y’ ibicuruzwa byangirikira mu makamyo yabo yaheze ku mupaka”

Shiekh Mubaje avuga ko gufungwa k’ umupaka bitagize ingaruka mbi ku bacuruzi gusa ngo ahubwo zageze no ku banyeshuri b’ Abanyarwanda bigaga muri Uganda.
Mu bijyanye n’ umuco no gusabana ngo gufunga umupaka byagize ingaruka mbi ku bifuzaga gusura abavandimwe n’ inshuti hakurya y’ imipaka.

Atkinson Katushabe, impirimbanyi mu bya politiki yavuze ko gukemura ibibazo biri mu mubano w’ ibihugu byombi bikeneye umuhuza wo hanze y’ ibi bihugu.

Ati “Turasaba amahoro, nta mirwano ikwiye kubaho ni cyo twifuriza ibihugu byacu. Inzira zose zanze twahamagara Tony Blair wabaye Minisitiri w’ intebe w’ ubwongereza cyangwa Bill Clinton wabaye Perezida wa US bakaza kuganira n’ abaperezida”

Minisitiri Sezibera avuga ko Uganda ireka abarwanya u Rwanda bagakorera ku butaka bwayo bidegembya, ariko Uganda ivuga ko idashobora kwemerera uwo ari wese gukorera ku butaka bwayo ibikorwa byo kugirira nabi umuturanyi.


INKURU ZA :
Tanga Igitekerezo
Ibitekerezo 2
MUSHABE Emmanuel Kuya 9-03-2019

Mubyukuri conflicts ziri hagati y’ibihugu byombi uganda and Rwanda zikemurwe vuba kuko abaturave Bose barimo guhangayika

Hesron Kuya 8-03-2019

Uriya mutegarugori si ministri. Mujye Mutohoza ibintu mubone ubwandika kuko akarenze umunwa kurushya ihamagara.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...