konka coffee
KONKA

AMAKURU

UKWEZI
Minijust

DAF wa MINEDUC uherutse guhagarikwa yatawe muri yombi

DAF wa MINEDUC uherutse guhagarikwa yatawe muri yombi
15-03-2019 saa 20:22' | By Nsanzimana Ernest | Yasomwe n'abantu 4616 | Ibitekerezo

Urwego rw’ Umuvunyi rwatangaje ko rwataye muri yombi Niyibizi John wari ushinzwe Imari n’ Ubutegetsi muri Minisiteri y’ Uburezi uherutse guhagarikwa by’ agateganyo.

Niyibizi yatawe muri yombi tariki 13 Werurwe 2019 akurikiranyweho icyaha cyo kudasobanura inkomoko umutungo n’ icyaha cy’ iyezandonke.

Nkurunziza Jean Pierre, Umuvugizi w’ Urwego rw’ Umuvunyi yatangaje ko umuntu wese udashobora gusobanura inkomoko y’ umutungo we ugereranyije n’ ibyo yinjiza byemewe n’ amategeko aba yakoze icyaha.

Ati “Iyo agihamijwe n’ urukiko ahanishwa igifungo kitari munsi y’ imyaka 7 ariko kitarenze imyaka 10 n’ ihazabu y’ agaciro k’ amafaranga yikubye inshuro eshatu kugera kuri eshanu z’ amafaranga adashobora kugaragariza inkomoko”

Nkurunziza avuga ko iyo umuntu afite umutungo adashobora gusobanura inkomoko yawo aba yarawubonye mu buryo budasobanutse aribyo bibyara icyaha cy’ iyezandoke.

Iki cyaha ugihamijwe ahanisha igifungo kitari munsi y’ imyaka 7 ariko kitarengeje imyaka 10 n’ ihazabu y’ agaciro k’ amafaranga y’ iyezandoke yikubye inshuro eshatu kugera kuri eshanu.

Niyibizi John afungiye kuri sitasiyo ya polisi Kimihurura kuva ku wa Gatatu w’ iki cyumweru.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...