konka coffee
KONKA

AMAKURU

UKWEZI

Simon Kabera, Papy Claver, Dominic Ashimwe mu bazitabira igitaramo cya ‘Rabagirana Worship Festival’

Simon Kabera, Papy Claver, Dominic Ashimwe mu bazitabira igitaramo  cya ‘Rabagirana Worship Festival’
27-09-2018 saa 15:14' | By Vincent Nsengiyumva | Yasomwe n'abantu 900 | Ibitekerezo

Hamaze kumenyekana abahanzi ndetse n’amatsinda bazaririmba mu gitaramo gikomeye kiri gutegurwa na Christian Communication kiswe ’Rabagirana Worship Festival’, kizagaragarizwamo impano zitandukanye ndetse kinatangirwemo ubutumwa bwiza bwibutsa abanyempano kwera imbuto.

Iki gitaramo kizaba ku wa 4 Ugushyingo 2018, muri Kigali Serena Hotel guhera i saa cyenda z’umugoroba, kizitabirwa n’abahanzi banyuranye , amatsinda y’abaramyi ndetse n’amakorali akomeye mu ndirimbo zo kuramya no guhimbaza Imana.

Muri aba bazafasha abazitabira Rabagirana Worship Festival guhimbaza Imana, harimo abaramyi bakomeye nka Simon Kabera, Dominic Nic, Bosco Nshuti, Papy Claver na Lilian Kabaganza.

Uretse aba baramyi baririmba ku giti cyabo, hazaririmba n’amatsinda y’abaramyi ndetse n’amakorali akunzwe nka, Healing Worship Team, Rehoboth Ministies ndetse na Korali Injili Bora.

Mu kiganiro yagiranye n’itangazamakuru, Peace Nicodeme Nzahoyankuye uhagarariye Rabagirana Worship Festival yavuze ko ari ihishurirwa rikomeye Imana yabashyize ku mutima, bagatekereza kuri iki gitaramo.

Yongeyeho ko ari umwanya mwiza wo kugaragaza impano zinyuranye ndetse no kumva ibikubiye mu bihangano Imana iba yarashyize ku mutima w’abaririmbyi.

Yagize ati ’’Abanyempano n’abandi bose bafite icyo bakorera Imana binyuze mu mpano bakwiye gutekereza kuri iyi nsangamatsiko. Imana ntabwo ishaka imirimo myinshi twirirwa tuvuga ko tuyikorera ahubwo ikeneye ko dusa n’ibyo dukora. Tuzaba rero turikugendera muri ubwo butumwa nk’uko Imana yabudushyize ku mutima’’.

Peace Nicodeme Nzahoyankuye avuga ko iyi Festival izajya iba buri mwaka kandi bizera ko ibyateguwe bizahembura imitima y’abazitabira iki gitaramo.

Insanganyamatsiko z’ibi bitaramo zo zizajya zihinduka bitewe n’ubutumwa Imana izajya iha abaritegura uko umwaka utashye. Si kenshi mu Rwanda haba festival zo kuramya no guhimbaza Imana kuko iyi ari iya kabiri nyuma y’iyitwa Himbaza Festival nayo yigeze kuba mu Rwanda.

Papy Clever uri mu bakunzwe muri iyi minsi azaririmbira abazitabira igitaramo

JPEG - 194 kb

Dominic Nic uherutse gukora igitaramo gikomeye mu Bubiligi nawe azaba ahari

Umuramyi ukomeye , Simon Kabera nawe azitabira iki gitaramo

Bosco Nshuti nawe azaba ahabaye

Lilian Kabaganza nawe ari mu bazaririmbira abazzitabira iki gitaramo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...